TIMIRTTE 28
Yihoowinne Yesuusi Neessi Oottidobaa Nashshiyoogaa Bessa
Ne laggee neeyyo loꞌꞌiya imotaa immiyo wode waanay? Neeni keehi ufayttennan aggakka; qassi he imotaa nashshiyoogaa ne laggiyawu bessanawu koyaasa. Nuuni ekkana danddayiyo ay imotappekka aadhdhiyaabaa Yihoowinne Yesuusi nuussi immidosona. He imotay aybee, qassi nuuni hegaa nashshiyoogaa waati bessana danddayiyoo?
1. Xoossaynne Kiristtoosi nuussi oottidobaa nashshiyoogaa bessiyo issi ogee aybee?
Geeshsha Maxaafay “[Yesuusa] ammaniya ubbai” merinawu deꞌana danddayiyoogaa yootees. (Yohaannisa 3:16) Ammaniyoogaa aybin bessiyoo? Nuuni kuuyiyoobaaninne oottiyooban nu ammanuwaa bessana koshshees. (Yaaqooba 2:17) Nuuni oottiyoobaynne haasayiyoobay nu ammanuwaa bessiyo wode, Yesuusaaranne A Aawaa Yihoowaara nuuyyo dabbotay minnees.—Yohaannisa 14:21 nabbaba.
2. Yihoowinne Yesuusi oottidobaa nashshiyoogaa bessanawu nuna maaddiya dummabay aybee?
Yesuusi bana kaalliyaageeti I etawu yarshsho gididoogaa nashshiyo hara ogiyaa hayqqanaappe kasetiya qammi yootiis. Geeshsha Maxaafay “Godaa kahuwaa” giyo dummabawu eti issippe shiiqanaadan Yesuusi yootiis; hegee Kiristtoosa hayquwaa Hassayuwaakka geetettees. (1 Qoronttoosa 11:20) Yesuusi I nuussi ba shemppuwaa aatti immidoogaa I kiittidoogeetinne hegaappe guyyiyan Kiristtaaneti ubbay hassayanaadan koyiis. Yaatiyo gishshawu I, “Hagan tana hassayite” yaagidi azaziis. (Luqaasa 22:19) Neeni Yesuusa hayquwaa Hassayuwaa baalawu shiiqiyo wode, Yihoowinne Yesuusi nena siiqido gita siiquwaa nashshiyoogaa bessaasa.
LOYTTA AKEEKA
Yihoowinne Yesuusi nena siiqido gita siiquwaa nashshiyoogaa bessana danddayiyo hara ogeta, qassi Kiristtoosa hayquwaa hassayiyoogee keehi koshshiyoy aybissakko akeeka.
3. Nuuni nashshiyoogaa bessanawu waatana danddayiyoo?
Issi uri ne shemppuwaa ashshiis gaada qoppa. I neessi oottidobaa doguuteeyye I oottidobaa nashshiyoogaa bessana ogiyaa koyuutee?
Nu deꞌoy Yihoowaba. Koyro Yohaannisa 4:8-10 nabbabite; yaatidi ha oyshata tobbite:
Yesuusa yarshshoy dumma imota gidiyoy aybissee?
Yihoowinne Yesuusi neessi oottidoban niyo aybi siyettii?
Yihoowinne Yesuusi nuussi oottidobaa nashshiyoogaa waati bessana danddayiyoo? Naaꞌꞌantto Qoronttoosa 5:15nne 1 Yohaannisa 4:11; 5:3 nabbabite. Xiqiseta huuphiyan huuphiyan nabbabidi ha oyshaa tobbite:
Ha xiqisiyaappe akeekiyoogaadan, nashshiyoogaa bessanawu waatana danddayiyoo?
4. Yesuusa milata
Nuuni Yesuusa milatiyoogee nashshiyoogaa bessiyo hara oge. Koyro PHeexiroosa 2:21 nabbabite; yaatidi ha oyshaa tobbite:
Neeni Yesuusa ay ogetun loytta kaallana danddayay?
Yesuusi Xoossaa Qaalaa dosees; haratussi mishiraachchuwaa yootiisinne eta maaddiis
5. Kiristtoosa hayquwaa hassayanawu shiiqa
Yesuusinne I kiittidoogeeti Godaa Kahuwawu koyro shiiqido wode hanidabaa akeekanawu, Luqaasa 22:14, 19, 20 nabbabite. Yaatidi ha oyshata tobbite:
Godaa Kahuwaa wode hanidabay aybee?
Oyttaynne woynee aybawu leemisoo?—Paydo 19nne 20 xeella.
Yesuusi bana kaalliyaageeti ba hayquwaa Hassayuwaa baalaa layttan layttan issitoo, I hayqqido gallassan bonchchanaadan koyiis. Yaatiyo gishshawu, Yihoowa Markkati Kiristtoosi azazidoogaadan A hayquwaa hassayanawu layttan layttan shiiqoosona. Ha keehi koshshiya shiiquwaabaa eranawu, BIIDUWAA beꞌite. Yaatidi kaallidi deꞌiya oyshaa tobbite.
Hassayuwaa baalan ay ay oottiyoo?
Oyttaynne woynee leemiso. Oyttay Yesuusi nu gishshawu yarshshido wottiyoobi baynna A ashuwaa leemiso. Woynee A suuttaa leemiso
ISSI ISSI ASAY HAGAADAN GEES: “Issi uri attanawu Yesuusa ammaniyoogee gidees.”
Harabaykka koshshiyoogaa bessanawu Yohaannisa 3:16nne Yaaqooba 2:17 waata goꞌettana danddayay?
AY AKEEKADII?
Yesuusa ammaniyoogaaninne A hayquwaa hassayanawu shiiqiyoogan I nuussi oottidobaa nashshiyoogaa bessoos.
Zaaretuwaa
Yesuusa ammaniyoogaa giyoogee woygiyoogee?
Yihoowinne Yesuusi neessi oottidobaa nashshiyoogaa waata bessanawu koyay?
Kiristtoosa hayquwaa hassayanawu shiiqiyoogee keehi koshshiyoy aybissee?
PILGGA
Kiristtoosi hayqqidoogee nuuni ay oottanaadan denttettii?
Ammanoy aybakko, qassi nuuni waatidi ammanuwaa oosuwan bessanaakko loytta akeeka.
“Yihoowi Qaalaa Gelidobaa Ammana” (Wochchiyo Keelaa, Xiqimita 2016)
Issi maccaasiyaa Kiristtoosa yarshshuwaabaa eridoogee O waati maaddidaakko akeekanawu, “Geeshshanne Ufayssiya Deꞌuwaa Deꞌiyoogaa Doommaas” giya huuphe yohuwaa nabbaba.
“Geeshsha Maxaafay Asay Laamettanaadan Oottees” (Wochchiyo Keelaa huuphe yohuwaa)
Hassayuwaa wode amaridaageeti oyttaa miyoynne woyniyaa uyiyoy aybissakko akeeka.