Kiristtaanetu Deꞌuwanne Haggaazuwa Shiiquwa Xannaꞌiyo Xuufiyan Odettida Xuufeta
© 2023 Watch Tower Bible and Tract Society of Pennsylvania
LAAPPUNE 4-10
XOOSSAA QAALAN DEꞌIYA ALꞌꞌOBAA | MAZAMURE 16-17
‘Yihooway, Ta Deꞌuwa Saamaa’
Yelagatoo, Ufayssiya Deꞌo Deꞌana Danddayeeta
TUMU LAGGETA DOORITE
11 Mazamure 16:3 nabbaba. Daawiti loꞌꞌo laggeta waati demmanaakko erees. I Yihoowa siiqiyaageetuura laggetiyoogan keehi ‘ufayttiis.’ ‘Geeshshata’ geetettidaageeti kandduwan geeshshanne suure asata. Hara mazamuraaweekka dooriyo laggeta xeelliyaagan ayyo hegaadan siyettiis. I, “Taani neeyyo yayyiyaageetu ubbaayyoonne ne wogaa naagiyaageetuyyo [lagge]” yaagiis. (Maz. 119:63) Nuuni hagaappe kasetiya huuphe yohuwan beꞌidoogaadan, Yihoowayyo yayyiyaageetunne ayyo azazettiyaageetu giddoppe inttekka loꞌꞌo laggeta darota demmana danddayeeta. Intte laggeti layttan inttenaara lagge gidana koshshenna.
‘Yihoowa Loꞌꞌotettaa Beꞌite’
Daawiti, “Ta GODAU, ta de7uwaa saamai nena; tana koshshiya ubbaa neeni taassi immaasa. Ta sintta de7uwau waasee nena. Neeni taayyo immido saamai ai keesa lo77o!” yaagidi yexxiis. (Maz. 16:5, 6) Daawiti ba ‘saaman,’ hegeekka Yihoowaara loꞌꞌo dabbotan deꞌiyo gishshaunne ayyo oottiyo maata demmido gishshau keehippe ufayttiis. Daawitaagaadan nuna metoy gakkana danddayees; shin ayyaanaaban keehi daro anjjuwaa demmida! Yaatiyo gishshau, tumu goynuwan ubbatoo ufayttiyaageetanne Yihoowa ayyaana beetamaqidasiyaa ubbatoo nashshiyaageeta gidoos.
Xoossaa Ufayssiya Ogiyan Deꞌiyoogaa
5 Yihooway qoppiyoogaa bessiya ayba ufayssiya qonccissoo! I neeyyo koshshiya kaaletuwaa immees; qassi hegaa poliyo wode nena naagees. Nena gakkiya metuwaanne paaciyaa xoona kiyanaadan Xoossay nena maaddanau koyees. (Mazamure 55:22) Hegaa gishshau, neeni kumetta wozanaappe Yihoowassi oottiyaaba gidikko: “Taani ubbaton GODAI ta sinttan de7iyoogaa hassayais. I taappe ushachcha baggaara de7iyo gishshau, taani yeeqikke” giidi yexxida yettanchchaadan ammanettana danddayaasa. (Mazamure 16:8; 63:8) Ee, neeni a ufayssiya ogiyan deꞌanaadan Yihooway nena maaddana danddayees. SHin neeni eriyoogaadan, hegaadan neeni oottenna mala teqqanau koyiya Xoossaa morkkee deꞌees.
Ayyaanaaban Alꞌꞌobaa
Yihooway Nena Keehi Siiqees
6 Zakkaariyaasa 2:8 nabbaba. Yihooway nuna ba ayfiya buluwan leemisiis. Ayfee eesuwan qohettana danddayiyanne alꞌꞌo gidida bolla kifile. Hegaa giyogee Yihooway hagaadan giyogaa mala: ‘Inttena, ta asaa qohiya ooninne tawu alꞌꞌo gididaageeta qohees.’ Yihooway nuna siiqiyo gishshawu nubaa akeekeesinne nuna naaganawu giigi uttiis. Nuuni azzaniyo wode ikka azzanees. Hegaa gishshawu nuuni hagaadan giidi woossiyo wode I nuuyyo zaaranaagaa ammanettana danddayoos: “Ne aifiyaa na77iyaadan tana naaga.”—Maz. 17:8.
LAAPPUNE 11-17
XOOSSAA QAALAN DEꞌIYA ALꞌꞌOBAA | MAZAMURE 18
‘Yihooway Tana Ashshiyagaa’
Geeshsha Maxaafan Deꞌiya Leemiso Haasayata Akeekeetii?
4 Geeshsha Maxaafay Yihoowa deꞌon deꞌennabatunkka leemisees. Qassi, Yihoowa ‘Israaꞌeela Zaallaadan,’ ‘wogga zaallaadaaninne’ ‘gonddalliyadan’ qonccissees. (2Sam 23:3; Maz 18:2; Zaa 32:4) Geeshsha Maxaafay Yihoowa deꞌon deꞌennabatun leemisiyoy aybissee? Wogga zaallay ba sohuwappe qaaxxennaagaadan, Xoossaa Yihoowaykka nuna naagiya ammanttiyagaa gidiyo gishshataassa.
5 Mazamure maxaafan Yihoowawu deꞌiya dumma dumma eeshshata loytti qonccissiya daro leemisoti deꞌoosona. Leemisuwawu, Yihooway deꞌuwassi, pooꞌuwassinne wolqqaassi pultto, qassi naagiyagaa gidiyo gishshawu Mazamure 84:11 A, ‘awanne gonddalle’ yaagees. Hara baggaara qassi, Mazamure 121:5y “[Yihooway] neeyyo ushachcha baggaara gididi, nena kuwayiyaagaa” yaagees. Kuwattiya sohoy suulliya awaappe ashshiyogaadan, Yihoowaykka ba ashkkarata ba “kushiyaa” woy “qefiyaa” kuwan wolqqaama metuwa suuluwappe ashshana danddayees.—Isiyaasa 51:16; Mazamure 17:8; 36:7.
Ufayssan Genccanaadan Yihooway Nuna Waati Maaddii?
5 Ha wodiyan hagaadan giya qofay nuna minttettees: “Intte waasuwan i intteyyo tumuppe qarettana.” (Isi. 30:19) Yihooway nuuni akko waassiyo wode siyanaagaanne nu woosaa eesuwan zaaranaagaa Isiyaasi yootiis. I gujjidi hagaadan giis: “I intte waasuwaa siyiyo wode, intteyyo zaaruwaa immana.” Ha minttettiya qofay, nu Aaway maaduwaa koyidi bana oychchiyaageeta maaddanawu keehi koyiyoogaa nuna hassayissees. Hegaa eriyoogee nuuni ufayssan genccanaadan maaddees.
Woosaa Maataa Nashsha
1 Nuuyyo alꞌꞌo imotaa saluwaanne saꞌaa Medhdhidaagee immiis. I nuuni A woossanaadan paqqadiis. Ane hagaa qoppa: Nuuni wodiyaa keerennan awudenne, qassi ay doonankka nuuyyo siyettiya ubbabaa Yihoowawu yootana danddayoos. Nuuni hosppitaaliyan zinꞌꞌidi woy qasho keettan deꞌiiddi nu siiqo Aaway nu woosaa siyanaagaa ammanettidi A woossana danddayoos. Ha imotawu nuuni A keehi galatoos.
Neeni Unꞌꞌettiyo Wode Waana Genccana Danddayay?
1 2. Wotta dentta qoppa. Neeni nena kase gakkidabaa hassayiyo wode, Yihooway nena maaddido gishshawu neeni genccido metota qoppana danddayay? Yihooway kase ba ashkkarata waati maaddidaakko nuuni wotti dentti qoppiyo wode, keehi woppu goosinne Yihoowan kaseegaappe aaruwan ammanettoos. (Maz. 18:17-19) Joshuwa giyo issi cimay hagaadan giis: “Zaaruwaa demmido woosata xaafa oyqqays. Hegee taani issibaa Yihoowa woossido wodiyaanne taassi koshshiyaabaa I immido wodiyaa taani hassayanaadan maaddiis.” Ee, Yihooway nuna darotoo waati maaddidaakko nuuni yuushshi qoppiyo wode, nuna unꞌꞌissiyaabata genccanawu ubbatoo baaxetanaadan koshshiya minotettaa demmoos.
Ayyaanaaban Alꞌꞌobaa
it-1 432 ¶2
Kiruubeta
Kiruubeti Yihooway hegan deꞌiyogaa bessoosona: “Maachchaa Taabootaa bolla qum77uwaa bolli de7iya naa77u kiruubetuppe gidduwan taani nenaara gaittana.” (Kes 25:22; Qoo 7:89) Hegaa gishshawu Yihooway “kiruubetuppe gidduwan [woy kiruubetu bolli]” uttiis geetettiis. (1Sam 4:4; 2Sam 6:2; 2Kaw 19:15; 1Odi 13:6; Maz 80:1; 99:1; Isi 37:16) Kiruubeti leemiso hanotan Yihooway toggiyo “gaariyaa” leemiso geetettidosona; (1Odi 28:18), qassi kiruubetu qefeti qohuwappe naaganawunne eesotanawu maaddoosona. Hegaa gishshawu, Daawiti ba dantto mazamuriyan, Yihooway A maaddanawu eesotidi gakkidoogaa bessanawu, “qefiyaara de7iya kiitanchchaa kiruubiyan uttidi paalliis; carkkuwaa qefiyaa ekkidi eesotiis” yaagiis.—2Sam 22:11; Maz 18:10.
LAAPPUNE 18-24
XOOSSAA QAALAN DEꞌIYA ALꞌꞌOBAA | MAZAMURE 19-21
‘Saloti Xoossaa Bonchchuwa Awaajjoosona’
Yihoowa Ay Keena Loytta Eray?
16 Daawiti meretaappe Yihoowaabaa akeekiis. Daawiti yelagatettan, dembban ba aawaa dorssaa heemmiiddi daro wodiyaa aattiis. I Yihoowa meretatubaa wotti dentti qoppiyoogaa he wode doommennan aggenna. Leemisuwawu, Daawiti omarssi saluwaa pude xeelliyo wode, shaꞌan qoodettiya xoolintteta beꞌiyoogaa xalla gidennan, I eta medhdhida Xoossaa eeshshatakka akeekiis. Daawiti hagaadan giis: “Saloti Xoossaa bonchchuwaa haasayoosonanne salotu gufanttoi i ba kushiyan oottidobaa awaajjees.” (Maz. 19:1, 2) Daawiti asay merettido ogiyaa wotti dentti qoppido wode, Yihooway keehi aadhdhida eranchcha gidiyoogaa akeekiis. (Maz. 139:14) Daawiti Yihooway medhdhidobata wotti dentti qoppidi, Yihoowaara bana geeddarssiyo wode I keehi laafaa gidiyoogaa akeekiis.—Maz. 139:6.
‘Saluwaanne Saꞌaa Medhdhido’ Wolqqaa
4 Neeni eriyoogaadan, awa ayfee xoolintte. Awa ayfee matasan deꞌiyo gishshawu, nuuni qammi beꞌiyo xoolinttetuura geeddarssiyo wode, keehi gita milatees. A wolqqay ay keenee? Awa ayfiyaa hoꞌꞌoy humꞌꞌuwan 15,000,000 digiri senttigireede gidees. Neeni awa ayfiyaa humꞌꞌuwaappe gaashe ayfe keenaa ekkada saꞌan wottiyaakko, he guutta hoꞌꞌuwaakko 140 kilo meetiriyaappe matatta eqqana danddayakka! Daro xeetu miilooniyan qoodettiya niyukileere bombbee xuuqqin kiyiyaagaa keena wolqqay sokonddiyan sokonddiyan awa ayfiyaappe kiyees.
Maalaalissiya Meretay Xoossaa Bonchuwaa Qonccissees
4 Yihooway Medhidobata “Xeellite”: ‘Paalliya kafota xeellanaadaaninne dembban deꞌiya ciishati waani dicciyaakko akeeki xeellanaadan’ Yesuusi nuna minttettiis. (Maa. 6:26, 28) Hegaadan oottiyoogee nuuyyo mino ammanoy deꞌanaadaaninne Medhidaagan ammanettanaadan oottees, qassi Yihoowa aadhida eratettaa, i ashshiyo wolqqaanne a siiquwaa xoqqu ootti xeellanaadan maaddees. Ha alamee oottiyo issi issiban ne qofay shaahettanaadan oottiyoogaappe, Yihooway medhido maalaalissiyaabata beꞌanaunne he meretati nu Xoossaabaa ay qonccissiyaakko wotta denttada qoppanau wodiyaa bazza.—Maz. 19:1.
Ayyaanaaban Alꞌꞌobaa
Yihoowa Halchoy Polettana!
5 Yihooway siiquwan zawaa wottidoogaa i medhidobaappe akeekoos. Ubbabawu maari mankki deꞌanaadan i meretaa higgiyaanne kandduwaa maaraa kessiis. (Maz. 19:7-9) Yaatiyo gishshawu, saluwan saꞌan deꞌiya ubbabawu Xoossaa halchuwaara maayettiyaabaa oottanaadan imettida sohoy deꞌees. Yihooway ba meretati waani issippe oottanaakko maaraa kessiis. Hegaa gishshawu, dafuwaa higgee carkkoy saꞌaa yuushuwan deꞌanaadaaninne beetaynne abbay woppu gaanaadan oottees; dafuwaa higgee baynnaakko saꞌan deꞌoy deꞌenna. Asaa gujjin, ubba meretay Xoossay kessido maaran qaaxxeesinne oottees. Meretan qonccida maaray Xoossay saꞌawunne asawu halchidobay deꞌiyoogaa bessiyoogee tuma. Haggaazuwan, asay ha maalaalissiya maaraa ooni kessidaakko akeekanaadan maaddana danddayoos.—Ajj. 4:11.
HAASAYAA (5 daq)
ijwfq 45
Yihoowa Markkati Godaa Kahuwaa Bonchchiyo Ogee Hara Haymaanootetuugaappe Dummatiyoy Aybissee?
Nuuni Geeshsha Maxaafay yootiyo maaraadan Godaa Kahuwaa baalaa bonchchoos. He baalay “Godaa kahuwaa,” Wurssetta Kahuwaa woy Yesuusa Hayquwaa Hassayiyoogaakka geetettees. (1 Qoronttoosa 11:20) SHin, daro haymaanooteti he baalaara gayttidaagan ammaniyoobaynne oottiyoobay Geeshsha Maxaafan deꞌiyaaba gidenna.
Godaa Kahuwaa baalaa bonchchiyo gaasuwaa
Yesuusi nu gishshawu giidi bana yarshshidoogaa hassayiyoogan A galatanawu Godaa Kahuwaa baalaa bonchchoos. (Maatiyoosa 20:28; 1 Qoronttoosa 11:24) Issi issi asay, Godaa Kahuwawu giigidabaa miyaabanne uyiyaaba gidikko eta nagaray atto geetettees giidi qoppikkonne, Geeshsha Maxaafay hegaadan geenna. Nu nagaray atto geetettana danddayiyoy Yesuusan ammaniyoogaanappe attin, haymaanoote baalata bonchchiyoogaana gidennaagaa Geeshsha Maxaafay yootees.—Roome 3:25; 1 Yohaannisa 2:1, 2.
Awude awude bonchchana bessii?
Yesuusi bana kaalliyaageeti Godaa Kahuwaa bonchchanaadan azaziis; shin awude awude bonchchana bessiyaakko yootibeenna. (Luqaasa 22:19) Issooti issooti, aginan issitoo he baalay bonchchettana bessees giidi qoppoosona; shin harati saaminttan saaminttan, ubba galla, issi gallassan darotoo, woy bonchchettana bessees giidi qoppiyo wode ubban bonchchoosona. SHin, akeekana bessiya amaridabati deꞌoosona.
Ayhudati Paasikaa Baalaa bonchchiyo gallassi Yesuusi Godaa Kahuwaa doomissiis; hegaappe simmin I he gallassi hayqqiis. (Maatiyoosa 26:1, 2) Hegee coo hanidaba gidenna. Geeshsha Maxaafay Yesuusa yarshshuwaa Paasikaa dorssaara geeddarssees. (1 Qoronttoosa 5:7, 8) Paasikaa baalay layttan issitoo bonchchettees. (Kessaabaa 12:1-6; Wogaabaa 23:5) Hegaadankka, beni Kiristtaaneti, layttan issitoo Yesuusa Hayquwaa Hassayiyo Baalaa bonchchoosona; Yihoowa Markkatikka hegaadan oottoosona.
Gallassaanne saatiyaa
Haassayiyo Baalaa nuuni awude bonchchana bessiyaakko Yesuusi oottidobay bessees. I, Niisaana giyo aginan 14tta gallassan away wulli simmin, he baalaa waati bonchchanaakko bessiis. (Maatiyoosa 26:18-20, 26) Beni Kiristtaaneti oottidoogaadan, nuunikka he gallassan, layttan issitoo Hassayiyo Baalaa bonchchoos.
He wode Niisaana 14y Arbba gallassi peeꞌidaba gidikkonne, layttan layttan he baalay bonchchettiyo gallassay dummatana danddayees. Layttaa giddon Niisaana 14y awude peeꞌiyaakko eranawu, Yesuusa wodeegaadan oottana besseesippe attin, ha wodiyan Ayhudati wodiyaa qoodanawu oottiyoobaa kaallana bessenna.
Oyttaanne woyniyaa
Yesuusi Paasikaa kahuwaappe attida, irshshoy baynna oyttaanne woyniyaa goꞌettidi Hassayiyo Baalaa waati bonchchanaakko bessiis. (Maatiyoosa 26:26-28) Nuunikka Yesuusaagaadan, irshshoy woy malꞌꞌettiyaabay gujettibeenna oyttaanne aybanne gujjibeenna zoꞌo woyniyaa goꞌettidi bonchchoos.
Issi issi haymaanooteti irshshoy gelido oyttaa goꞌettiyaaba gidikkonne, irshshoy nagaraassi leemiso gidiyoogaa Geeshsha Maxaafay yootees. (Luqaasa 12:1; 1 Qoronttoosa 5:6-8; Galaatiyaa 5:7-9) Yaatiyo gishshawu, irshshoy woy harabi gujettibeenna oyttay, nagari baynna Kiristtoosa ashuwaassi leemiso. (1 PHeexiroosa 2:22) Geeshsha Maxaafan baynna hara meezee qassi, woyne eessaa gishshaa, caalibeenna woyniyaa goꞌettiyoogaa. Issi issi woosa keettati, ushshaa uyiyoogaa diggiyo gishshawu hegaadan oottoosona; shin, Geeshsha Maxaafay hegaadan tamaarissenna.—1 Ximootiyoosa 5:23.
Ashuwawunne suuttawu leemiso
Hassayiyo Baalaa wode goꞌettiyo irshshoy baynna oyttaynne woynee Kiristtoosa ashuwawunne suuttawu leemiso. Issooti issooti qoppiyoogaadan, hegee tumuppe A ashuwaaranne suuttaara walahettidaba woy maalaaliya hanotan hegawu laamettidaba gidenna. Hegaa loytta akeekanawu Geeshsha Maxaafay yootiyoobaa beꞌa.
◼ Yesuusi bana kaalliyaageeti ba suuttaa uyanaadan azaziyaakko, hegee suuttaa uyennaadan Xoossay kessido higgiyaa kanttanaadan etawu yootees giyoogaa. (Doomettaabaa 9:4; Oosuwaa 15:28, 29) SHin, suuttaa bonchchanaadan Xoossay kessido higgiyaa harati kanttanaadan Yesuusi mule azazenna.—Yohaannisa 8:28, 29.
◼ Kiitettidaageeti he wode Yesuusa suuttaa uyiiddi deꞌiyaaba gidiyaakko, I ba suuttay ‘gukkanaagaa’ woy simmidi yarshshettanaagaa etawu yootenna.—Maatiyoosa 26:28.
◼ Yesuusi “naa77anttennan issitoo” bana yarshshiis. (Ibraawe 9:25, 26) SHin, oyttaynne woynee Godaa Kahuwaa wode A ashuwawunne suuttawu laamettiyaakko, I zaaretti zaaretti yarshshettees giyoogaa.
◼ Yesuusi, “hagan tana hassayite” giisippe attin “tana yarshshite” gibeenna.—1 Qoronttoosa 11:24.
Qurbbaanaara gayttidaagan woosaa keettaa wogaa kaalliyaageeti, oyttaynne woynee laamettidi Yesuusa ashuwaanne suuttaa gidees giidi qoppanaadan oottida Geeshsha Maxaafan deꞌiya issi issi xiqiseta yootoosona. Leemisuwawu, Yesuusi woyniyaa, ‘hagee ta suuttaa’ giidi yootidobadan daro Geeshsha Maxaafaa birshshettati qonccissoosona. (Maatiyoosa 26:28) SHin, Yesuusi giidobay hagaadan birshshettana danddayees: “Hagee ta suuttaa leemiso,” “Hagee ta suuttaa malaatees,” woy “Hagee ta suuttaa bessees.” Yesuusi ubbatoo oottiyoogaadan, he wodekka leemisuwan tamaarissiis.—Maatiyoosa 13:34, 35.
Oyttaa miyaageetinne woyniyaa uyiyaageeti oonee?
Yihoowa Markkati Godaa Kahuwaa bonchchiyo wode, amaridaageetu xallay oyttaa moosonanne woyniyaa uyoosona. Aybissi?
Yesuusa suuttay, Xoossaa Yihoowaranne beni Israaꞌeela deriyaara maacettido maachchaa sohuwan ‘ooratta maachchay’ eqqanaadan oottiis. (Ibraawe 8:10-13) He ooratta maachchaa yame gididaageeti, Hassayiyo Baalaa wode oyttaa moosonanne woyniyaa uyoosona. Hegeeti dumma ogiyan ‘Xoossay xeesidoogeetappe attin,’ ubba Kiristtaaneta gidokkona. (Ibraawe 9:15; Luqaasa 22:20) Kiristtoosaara saluwan haarana he asatu qooday 144,000 gidiyoogaa Geeshsha Maxaafay yootees.—Luqaasa 22:28-30; Ajjuutaa 5:9, 10; 14:1, 3.
Kiristtoosaara haarana ‘amarida dorssa wudiyaappe’ dumma hanotan, “zawai bainna daro asaa” yame gidida nuuppe daroti, saꞌan merinaa deꞌuwaa demmana. (Luqaasa 12:32; Ajjuutaa 7:9, 10) SHin, saꞌan deꞌanawu hidootiyaageeti Hassayiyo Baalaa wode oyttaa meennabanne woyniyaa uyennaba gidikkonne, Yesuusi etawu oottidobaa gishshawu galatiyoogaa bessanawu shiiqoosona.—1 Yohaannisa 2:2.
[TOHOSSA QOFAA]
Daro Geeshsha Maxaafaa birshshettati, ‘intte miido woy uyido wode ubban’ giya qofaa gelissidoogee, Godaa Kahoy awude awude bonchchettana bessiyaakko qoncissees giidi issooti issooti qoppanaadan oottiis. SHin, Geeshsha Maxaafay koyro xaafettido doonan he qofay, ‘. . . wode,’ woy ‘ubba wode’ giyaagaa mala qaalatun qoncciis.—1 Qoronttoosa 11:25, 26.
Ze Niwu Shaf-Hertsok Insaykiloopiidiya of Rilijiyes Nawulej, giyo maxaafaa Paydo IV, sinttaa 43-44, qassi Maklintokinne Istirongi giigissido Sayklopidiya, Paydo VIII, sinttaa 836 xeella.
Ze Niwu Kambrij Histiry of ze Baybil, giyo maxaafaa Paydo 1, sinttaa 841.
Ha wodiyan Ayhudatu wodiyaa qoodaa maaran, xoolinttiyaabaa xannaꞌiyaageetussi ooratta aginay beettiyo wode Niisaana aginay doommees; shin koyro xeetu layttan hegaadan oottibookkona. Yaatiyoogaappe, ooratta aginay Yerusalaamen koyro beettiyo wode aginay doommees; hegee qassi xoolinttiyaabaa xannaꞌiyaageetussi ooratta aginay beettiyo wodiyaappe issi woy hegaappe daro gallassaa takkana danddayees. Yaatiyo gishshawu, ha wodiyan Ayhudati Paasikaa bonchchiyo gallassaynne Hassayiyo Baalaa Yihoowa Markkati bonchchiyo gallassay darotoo issi mala gidenna.
James Mofaati giigissido E Niwu Tiransleshin of ze Baybil, CHarles B, Wiliyamisi giigissido Ze Niwu Testament—E Translashin in ze Languwaj of ze Piipil, qassi Hiyu J. SHonfeldi giigissido Ze Orijinal Niwu Testament giyo maxaafata xeella.
LAAPPUNE 25-31
XOOSSAA QAALAN DEꞌIYA ALꞌꞌOBAA | MAZAMURE 22
Yesuusa Hayquwa Xeelliyagan Kasetidi Odettidabata
w11 8/15 15 ¶16
Masiyaara Gayttidosona!
16 Xoossay Masiyaa aggi bayidaba milatana. (Mazamure 22:1 nabbaba.) Hiraagan odettidaagaadan, “uddufun saatiyan Yesuusi ba qaalaa xoqqu oottidi, ‘Elohee, Elohee, laamaa sabaqitaanii?’ yaagiis. Hegaa giyoogee, ‘Ta Xoossau, ta Xoossau, tana aissi aggadii?’ giyoogaa.” (Mar. 15:34) Yesuusi hegaadan giidoy, saluwan deꞌiya ba Aawan ammanettiyoogaa aggido gishshataassa gidenna. Kiristtoosi Xoossaayyo ubba wode ammanettidaagaa gidiyoogee erettanaadan, Xoossay Yesuusa a morkketu kushiyaappe ashshibeenna. Yesuusi ba cenggurssa xoqqu oottidi, “Ta Xoossau, ta Xoossau, tana aissi aggadii?” giido wode, Mazamure 22:1y polettiis.
w11 8/15 15 ¶13
Masiyaara Gayttidosona!
13 Asay Masiyaa toochanaagaa Daawiti kasetidi yootiis. (Mazamure 22:7, 8 nabbaba.) Yesuusi mittan kaqettidi waayettiyo wode asay a qilliiccidoogaa Maatiyoosi kaallidi deꞌiyaagaadan yootiis: “Ogiyaara aadhdhiya asai Yesuusa karidi, ba huuphiyaa qaattiiddi cayiis. ‘Beeta Maqidasiyaa qolada heezzu gallassa giddon keexxiyaagoo, ne huuphiyaa ashsha; neeni Xoossaa Na7a gidikko, ane masqqaliyaa bollappe wodhdha’ yaagiis.” Hegaadankka, qeese halaqati higgiyaa tamaarissiyaageetinne cimati, qilliiccidi hagaadan yaagidosona: “Harata ashshiis; shin bana ashshanau danddayenna. I Israa7eela kawo; ane masqqaliyaa bollappe ha77i wodhdho; nuunikka qassi a ammanana. Xoossan i ammanettees; Xoossai a ashshana koyikko ane ashsho; aissi giikko, i bana, ‘Taani Xoossaa Na7aa’ gees.” (Maa. 27:39-43) SHin Yesuusi hegaa ubbaa danddayidi, aynne iitaba zaaribeenna. I nuuyyo ayba loꞌꞌo leemisoo!
w11 8/15 15 ¶14
Masiyaara Gayttidosona!
14 Asay Masiyaa maayuwan saamaa yeggana. Mazamuraawee, “Ta maayuwaa shaakki ekkoosona; ta adussa maayuwan saamaa yeggoosona” yaagidi xaafiis. (Maz. 22:18) Rooma wotaaddarati “[Yesuusa] kaqqidoogaappe guyyiyan, a afalaa shaakkidi, saamaa yeggidi” ekkido wode hegee polettiis.—Maa. 27:35; Yohaannisa 19:23, 24 nabbaba.
Ayyaanaaban Alꞌꞌobaa
Neeni ‘Haasayan Leemiso Giday’?
12 Nuuni ubbay gubaaꞌe shiiqotun issippe yexxananne loytti giigettidi qofaa yootana danddayoos. (Maz. 22:22) Amaridaageeti shiiqotun yexxanawunne qofaa yootanawu metootoosona. Neenikka metootay? Yaatikko, shiiqotun yexxanawu woy qofaa yootanawu yayyennaadan harata aybi maaddidaakko eriyoogee nena maaddana.
HAASAYAA (5 daq)
Geeshsha Maxaafaa Hiraagay Ammanuwa Waati Minttii?
Neeni Ammaniyoobay Tumakkonne SHaakka Era
14 Yihoowa mintti ammananaadan maaddiya, Xoossaa Qaalan deꞌiyaabaappe issoy Geeshsha Maxaafaa hiraagaa. Ne ammanuwaa minttida Geeshsha Maxaafaa hiraagay awugee? Neeni ‘wurssetta gallassaabaa’ qonccissiya hiraagaa yootana danddayaasa. (2 Xim. 3:1-5; Maa. 24:3, 7) SHin, ne ammanuwaa minttida, polettida hara hiraagati awugeetee? Leemisuwawu, polettidanne haꞌꞌi polettiiddi deꞌiya Daaneela shemppo 2n woy shemppo 11 deꞌiya hiraagata qonccissana danddayay? Ne ammanuwawu denddoy Geeshsha Maxaafaa gidikko, he ammanoy mino gidana. Jarmane biittan Naaꞌꞌantto Alamiyaa Olaa wode wolqqaamaa yedetay gakkin tuggatida nu ishanttu hanotaa qoppa. Wurssettaa gallassaara gayttida hiraagata eti loytti erana xayikkonne, Xoossaa Qaalaa mintti ammanidosona.
15 Jarmane biittan Naaze kawotettay haariyo wode, shaꞌan qoodettiya nu ishanttinne michchontti asaa issippe gurddiyo kambbiyan qashettidosona. Hitilerinne Naaze wotaaddaratu ubbaa halaqay Hinirik Himleri Yihoowa Markkata keehi ixxoosona. Issi michchiyaa yootidoogaadan, asaa issippe gurddiyo kambbiyan deꞌiya nu michchontta Himleri hagaadan giis: “Intte Yihooway saluwan haarana danddayees; shin saꞌan haariyay nuna Naazeta! Xayennan deꞌanay inttenakko nunakko inttena bessana!” Yihoowa asay ammanettidi deꞌanawu maaddidabay aybee?
16 Ha Geeshsha Maxaafaa Tamaareti Xoossaa Kawotettay 1914n haariyoogaa doommidoogaa eroosona. Wolqqaamaa yedettay eta gakkido gishshawu eti maalaalettibookkona. SHin, Xoossaa shenee polettennaadan asaa kawotettay diggana danddayennaagaa Yihoowa asay eriis. Hitileri tumu goynuwaa xayssana woy Xoossaa Kawotettaappe aadhdhiya kawotettaa essana danddayibeenna. Nu ishantti Hitilera haaroy wurssettan xayanaagaa ammanoosona.
17 He ishanttinne michchontti mintti ammanidobay polettiis. Amarida layttappe guyyiyan, Naaze haaroy xayiis. Hinirik Himleri “saꞌan haariyay nuna Naazeta” giikkonne bana ashshanawu baqatiis. I baqatiiddi, kase qashettida I eriyo Yihoowa Markka gidida Ishaa Lupkeera gayttiis. Himleri unꞌꞌettidi baqatiiddi Ishaa Lupka, “Geeshsha Maxaafaa Tamaariyawu, haꞌꞌi haniyaabi aybee?” giidi oychchiis. Naaze haaroy xayanaagee qoncce gidiyoogaanne Yihoowa Markkati attanaagaa eriyoogaa Ishaa Lupki Himlerawu yootiis. Yihoowa Markkatubaa corabaa haasayida Himleri wurssettan sirphphi giis. Hegaappe simmin takkennan I bana barkka woriis. Nuuni hegaappe ay tamaariyoo? Nuuni hiraagata gujjin, Geeshsha Maxaafaa xannaꞌiyoogee minttidi Xoossaa ammananaadaaninne yedetay gakkiyo wode genccanaadan nuna maaddana danddayees.—2 PHe. 1:19-21.
HOSPPUNE 1-7
XOOSSAA QAALAN DEꞌIYA ALꞌꞌOBAA | MAZAMURE 23-25
‘Yihooway Ta Henttanchchaa’
‘Yihooway Ta Henttanchchaa’
5 Daawiti Yihoowa ashkkaratuyyo “lo77obi aibinne paccenna” giido wode woyganawu koyidee? Daawiti Mazamure 23 xaafido wode hegaa mala qofaa goꞌettiis. Yaatiyo gishshawu I gaana koyidobaa nuuni akeekanaadan he mazamure nuna maaddana danddayees. (Mazamure 23:1-6 nabbaba.) Daawiti he mazamuriyaa hagaadan giidi doommiis: “GODAI ta henttanchchaa; taayyo aibinne paccenna.” Daawiti he mazamuriyan kaalliya paydotun keehi koshshiyaabata, hegeekka I Yihoowa ba Henttanchchaadan xeellido gishshawu Yihooway awu immido loꞌꞌobata yootiis. Yihooway A “xillotettaa ogiyan” kaalettees, qassi loꞌꞌo wodetuuninne iita wodetun I Daawita ubbatoo maaddees. Daawiti Yihoowa “aaca qooruwan” deꞌikkonne bana metoy gakkanaagaa I erees. I “haiquwaa milatiya xumaa giddoora” biido gishshawunne ayyo morkketi deꞌiyo gishshawu, I issi issitoo hidootaa qanxxennan waayi aggana. SHin Yihooway A Henttanchchaa gidiyo gishshawu ‘iitabawu yayyibeenna.’
6 Yaatiyo gishshawu hagee Daawitawu ‘loꞌꞌobi aybinne paccibeennay’ ayba ogiyaanee giya oyshawu zaaro. I Yihoowaara dabbotido dabbotaa naagidi deꞌanawu koshshiya ubbabay awu deꞌees. A ufayssay assi deꞌiyaabaara gayttidaba gidenna. Daawiti Yihooway immidoban ufayttidi deꞌiis. Yihooway A anjjidoogaanne naagidoogaa I xoqqu ootti xeelliis.
‘Yihooway Ta Henttanchchaa’
21 Yihooway nuna naaganawu harabaakka giigissiis; hegeekka koshshiyo wodiyan immiyo ayyaanaa qumaa. Nuuni A Qaalaappe maaduwaa demmanaadan, ‘ammanettida wozannaama ashkkaray’ ayyaanaa qumaa giigissana mala Yihooway sunttiis. He wozannaama ashkkaray “qumaa koshshiyo wodiyan” immanawu Wochchiyo Keelaanne Beegottite maxeeteta gujjin hara attamettida xuufeta, qassi gubaaꞌiyaa shiiqotanne gita shiiqota goꞌettees. (Maatiyoosa 24:45) Gubaaꞌiyaa shiiquwan harati zaariyo wode, haasayaa shiishshiyo wode, woy qassi woossiyo wode neessi koshshiya minttettuwaa demma eray? Nu maxeetetuppe issuwan kiyida huuphe yohoy deꞌuwan nena maaddidee? Nuna ayyaanaaban naaganawu Yihooway he ubbabaa giigissiyoogaa hassaya.
Ayyaanaaban Alꞌꞌobaa
w11 2/15 24 ¶3
Kumetta Wozanan Xillotettaa Siiqite
3 Nuuni Xoossaa keehippe ufayssana danddayiyoy, i kessido xillotettaa maaraara moggidi deꞌanau nu kumetta wozanaappe baaxetiyoogaa xalaalaana. (Zaa. 32:4) Hegaa doommiyoy, Xoossaa Yihoowabaa a Qaalaa, Geeshsha Maxaafaappe nuuni danddayiyo ubbabaa tamaariyoogaana. Nuuni kaseegaappe aaruwan abaa tamaariyo wode, galla galla akko matatti matatti boos; kaseegaappe aaruwan a xillotettaa siiqoos. (Yaaq. 4:8) Nu deꞌuwan keehippe koshshiya kuushshaa kuuyana bessiyo wode, ayyaanaa kaaletuwan xaafettida Xoossaa Qaalay yootiyoobaakka kaallana bessees.
HOSPPUNE 8-14
XOOSSAA QAALAN DEꞌIYA ALꞌꞌOBAA | MAZAMURE 26-28
Daawiti Yihoowawu Ammanettidi Deꞌanawu Waatidee?
Neessi Yihoowa ‘Eriya Wozanay’ Deꞌii?
10 Nuuni leemiso wozanaa akeekanaadan Xoossay maaddiyo gishshau, a galatana bessees. Yihoowau haggaaziiddi deꞌiya nuuni nu wozanaabaa hirggana koshshii? Gubaaꞌiyan deꞌiya daro Kiristtaaneti iitabaa oottiyaageeta woy beni deꞌida daro Ayhudatuugaadan ‘iita balase’ gidokkona. Hegaappe dumma ogiyan, ha wodiyan Xoossau haggaaziyaageeti au aqida, geeshsha asata. SHin, Daawiti Yihoowakko woossido woosaa wotta denttada qoppa. I, “Abeet Xoossau, tana qorada, ta wozanaa era; tana paaccada, ta qofaa era. Ane tanan iitabai de7ikko xeella” yaagiis.—Maz. 17:3; 139:23, 24.
11 Yihooway nuuni ubbay a eranaadaaninne a ufayssiya ogiyan deꞌanaadan koyees. Xillo uraa xeelliyaagan Ermmaasi, ‘Abeet Ubbaappe Wolqqaama GODAU, xillota paaccaasa, wozanaa kahaa beꞌaasa’ yaagiis. (Erm. 20:12) Ubbaappe Wolqqaamay xillotu wozanaakka paaccikko, nuuni nu wozanaa qorana koshshennee? (Mazamure 11:5 nabbaba.) Yaatiyo wode, nu wozanan balabaa qoppiyoogaa woy halchiyoogaa akeekana danddayoos. Nu wozanay loytti azazettennaadan oottiya, nuuni diggana bessiyo ‘wozana shooho’ malabay deꞌiyoogaa akeekana danddayoos. Leemiso hanotan nu wozanaa shukkiyoogee hegaa. Ne leemiso wozanaa qoriyoogee loꞌꞌo gidiyoogaa maayikko, neessi koshshiyaabay aybee? Laammana koshshiyaabay deꞌikko, waata laammana danddayay?—Erm. 4:4.
9 Qanaatennaadan, nuna ziqqi oottanaadaaninne nuussi deꞌiyaaban ufayttanaadan Xoossaa geeshsha ayyaanaa maadoy nuussi koshshees. (Galaatiyaa 5:16; Piliphphisiyuusa 2:3, 4 nabbaba.) Yihoowa geeshsha ayyaanay nu giddon deꞌiya qofaanne nu koshshaa qoranaadan nuna maaddees. Xoossay maaddin, nu qoppiyoonne nuussi siyettiya qohiyaabaa aggidi minttettiyaabaa qoppana danddayoos. (Maz. 26:2; 51:10) Qanaatiyo koshshaa eqettidi xoonida Muusenne PHawuloosa leemisuwaa ane beꞌoos.
Tumaa Haasayiyoogaa
15 Neeni ne mala laggeta milatanawu koyiya yelaga gidikko shin? Haratuugaadan neeni naaꞌꞌu qommo deꞌuwaa deꞌennaagaa akeeka. Eti sooninne gubaaꞌiyan geeshsha milatoosona; shin alamiyaa yelagatuura gayttiyo wodenne Intternneetiyan haratuura gayttiyo wode eti keehi dumma. Eti pokkobaa haasayaana, maari baynna maayuwaa maayana, iita muuziqaa siyana, likkiyaappe aattidi uyana woy jallissiyaaba goꞌettana, ekkanawu woy gelanawu issippe wodiyaa aattiyoogaa genttana, qassi keehi iitabaa oottana danddayoosona. Eti banttana yelidaageetuyyo, ishanttuyyoonne michchonttuyyo, qassi Yihoowawu worddotoosona. (Maz. 26:4, 5) Nuuni ‘A nu bolla doonaa xallan bonchchiyoonne nu wozanay appe haahuwan deꞌiyo’ wode Yihooway erees. (Mar. 7:6, 7) Leemiso maxaafay, “Nagaranchchata qanaatoppa; shin ubbatoo GODAASSI yayyiyoogaa aggoppa” giyoogaadan nuuni oottiyoogee keehi loꞌꞌo.—Lee. 23:17.
ijwyp huuphe yohuwa 42 ¶21
21 Daro iita haasaya siyiyoogan allaxxoppa. Geeshsha Maxaafay hagaadan gees: “Iita laggetettai lo77o hanotettaa moorees.” (1 Qoronttoosa 15:33) ‘Laggetettaa’ geetettida qaalay asaara issippe wodiyaa attiyoogaa xalla gidennan biiduwaa beꞌiyoogan, biiduwaa kaassata kaaꞌiyoogaaninne yettaa siyiyoogan allaxxiyoogaa xaaxi waaxees. Keneeza giyo 17 laytta naꞌay hagaadan giis: “Muuziqaa cenggurssay loꞌꞌido gishsha xallawu, yettan cashshay deꞌikkonne akeekennan aara issippe yexxana danddayaasa.”
Goynuwawu Issippe SHiiqana Koshshiyoy Aybissee?
6 Gubaaꞌe shiiqoy nuna minttettees. Seexaanaa alamee nu ammanuwaa shugissanawu malees; qassi nuuni unꞌꞌettanaadaaninne hidootaa qanxxanaadan oottana danddayees. SHin, gubaaꞌe shiiqoy nuna minttettees. (Oosuwaa 15:30-32 nabbaba.) Nu shiiquwan darotoo Geeshsha Maxaafaa hiraagay waani polettidaakko tamaaroos. Hegee, Yihooway qaalaa gelidobay sinttaappekka polettanaagaa nuuni mintti ammananaadan oottees. Nuna minttettiyaageeti haasayaa haasayiyaageeta xalla gidennaagee qoncce. SHiiquwan bantta qofaa yootiyaanne wozanappe yexxiya Kiristtaanetikka nuna minttettoosona. (1 Qor. 14:26) SHiiquwaappe kasenne shiiquwaappe simmin nu ishanttuuranne michonttuura haasayiyo wode, eti nuuyyo qoppiyoogaa eriyo gishshawu woppu goos.—1 Qor. 16:17, 18.
13 Nuuni shiiquwaa shiiqiyoogee Yihoowakkonne a Naꞌaakko shiiqanawu koyiyoogaa bessees. SHiiquwan nu Gita Asttamaaree ba Qaalaa, Geeshsha Maxaafaa baggaara nuna kaalettees. (Isi. 30:20, 21) Nunaara shiiqiya Yihoowa Markka gidenna asatikka, “Xoossai tumu intte giddon de7ees” gaana danddayoosona. (1 Qor. 14:23-25) Yihooway ba geeshsha ayyaanaa baggaara shiiquwaa anjjees; qassi nuuni Geeshsha Maxaafaappe tamaariyoobaa kaalettees. Hegaa gishshawu, shiiquwan nuuni Yihoowa cenggurssaa siyoosinne i nuna siiquwan kaalettiyoogaa akeekoos. Yaatiyoogan, nuuni akko shiiqoos.
18 Yihoowawu goynnanawu issippe shiiqiyoogaa xeelliyaagan neeyyookka hegaadan siyettii? Yaanikko, genccanawunne ubbatoo shiiquwaa shiiqanawu baaxetiyoogaa aggoppa. Yaatiyoogan, “Abeet GODAU, neeni de7iyo keettaa . . . taani dosais” giida Kawuwaa Daawitaagaadan neeyyo siyettiyoogaa bessaasa.—Maz. 26:8.
Ayyaanaaban Alꞌꞌobaa
w06 7/15 28 ¶15
Unꞌꞌettida Uraa Yihooway Ashshees
15 Daawiti, “Ta aawainne ta aayyiyaa tana aggiyaakkonne, GODAI tana dichchana” giidi yexxiis. (Mazamure 27:10) Yihoowa siiqoy yelida oogaappenne aadhdhiyogaa eriyogee ayba minttettiyabee! Yelidaageeti xaasayiyogee, qohiyogee woy olibayiyogee keehi azzanttiyaba gidikkonne, hegee Yihooway nena siiqennaadan oottana danddayenna. (Roome 8:38, 39) Xoossay I siiqiyogeeta baakko shiishshiyogaa hassaya. (Yohaannisa 3:16; 6:44) Asay nena ayba ogiyan oyqqikkonne saluwan deꞌiya ne Aaway nena siiqees!
HAASAYAA (5 daq)
lmd gujo qofaa A, qofaa 3
Saꞌaa mooriyabati xayananne saꞌay gannate gidana.—Isi. 35:1, 2; Ajj. 11:18.
HOSPPUNE 15-21
XOOSSAA QAALAN DEꞌIYA ALꞌꞌOBAA | MAZAMURE 29-31
Seeray Xoossaa Siiquwa Qonccissees
it-1 802 ¶3
Sinttaa
‘Sinttaa genttiyogawu’ hanotaadan dumma dumma birshshettay deꞌees. Xoossaa Yihooway ba sinttaa genttiyogee I issi ura nashshennaagaa woy A minttettennaagaa bessees. Xoossay ba sinttaa genttiyoy issi uri woy Israaꞌeela asaa mala issi citay awu azazettennan ixxiyo wode. (Iyy 34:29; Maz 30:5-8; Isi 54:8; 59:2) Hegee issi issitoo, Yihooway ba keerido wodee gakkanaashin issibaa oottennan woy zaaruwa immennan takkiyogaa bessiyaba gidana danddayees. (Maz 13:1-3) Daawiti, “Ta nagaraappe ne sinttaa wora zaara,” giidi oychchido wode Xoossay awu atto gaanaadan woy A nagaraa appe haassanaadan mintti woossidoogaa bessees.—Maz 51:9; Mazamure 10:11ra gatta xeella.
w07 3/1 19 ¶1
Yihoowa Ufayssan Naagiyogaa
1 Yihooway immiyo seeraappe nuuni demmiyo goꞌꞌay issi mittaa ayfee teerana gakkanaashin orddiyogaa mala gidana danddayees. Xoossay immiyo seeraa xeelliyagan Geeshsha Maxaafay hagaadan gees: “qaxxayidoogeetuyyo guyyeppe he qaxxayoi xillotettaa de7uwaa sarotettaa woituwaa immana.” (Ibraawe 12:11) Mittaa ayfee teeranawu wode ekkiyogaadan, nuuni Xoossay immiyo loohissuwa ekkidi nu eeshshaa laammiyogee wode ekkiyaba. Leemisuwawu, nu oottido mooruwa gaasuwan galchchan nuussi deꞌiya maata xaykko, nuuni danddayan Xoossaa naagiyogee he maataa zaaretti demmanawu hidootaa qanxxennaadan maaddees. Hegaa mala hanotatun, Daawiti ayyaanay denttettin, “A hanqqoi guutta wodiyaassa, shin a kehatettai de7o laitta ubbaassa. Qammi yeekiiddi aqikko, maalladoi ufaissa gidees” giido qaalati keehi minttettoosona. (Mazamure 30:5) Danddayan naagiyo eeshshay nuussi deꞌikko qassi Xoossa Qaalaynne A dirijjitee immiyo zoriya oosuwan peeshshikko nuuni ‘ufayssan’ ililana wodee yaana.
Nagaraappe Tumuppe Simmiyoogaa Giyoogee Woygiyoogee?
18 Bohettida uri ba nagaraappe tumuppe simmidoogaa bessanawu ubbatoo shiiqota shiiqanaadan, aggennan woossanaadaaninne Geeshsha Maxaafaa xannaꞌanaadan cimati zoriyoobaa oosuwan peeshshana koshshees. I zaarettidi nagaraa oottanaadan A paaccana danddayiyaabaappe naagettanawukka baaxetana koshshees. I Yihoowaara dabbotaa zaarettidi minttanawu baaxetikko, Yihooway awu muleera atto gaanaagaanne I gubaaꞌiyaa simmanaadan cimati A maaddanaagaa ammanettana danddayees. Cimati issi uri tumuppe nagaraappe simmidaakkonne akeekanawu baaxetiyo wode, ubbaa hanotay issi mala gidennaagaa eroosona. Hegaa gishshawu, he allaalliyaa issuwaa issuwaa akeekan pilggoosona.
Ayyaanaaban Alꞌꞌobaa
wp23 1 6 ¶3
Woosaa—“Inttena Hirggissiya Ubbabaa A Bolli Olite”
3 Yihoowa woossiyoogee, I nuuyyo qoppiyoogaa nuuni mintti ammanettanaadan oottees. Yihoowa hagaadan giidi woossida mazamuraawiyaagaadan nuunikka gaana danddayoos: ‘Ta metuwaa neeni beꞌadasanne ta tuggaa eradasa.’ (Mazamure 31:7) Yihooway nuna gakkiya metuwaa akeekiyoogaa eriyoogee, nuuni metuwaa genccanaadan maaddees. SHin, I nuna unꞌꞌissiyaabaa eriyoogaa xalla gidennan, darobaa oottees. I nuna gakkiya metuwaa oogaappenne aaruwan akeekees, qassi nuuni minttettiya qofaa Geeshsha Maxaafaappe demmanaadan maaddees.
HOSPPUNE 22-28
XOOSSAA QAALAN DEꞌIYA ALꞌꞌOBAA | MAZAMURE 32-33
Gita Nagaraa Paaxana Koshshiyoy Aybissee?
w93 3/15 9 ¶7
Yihoowa Maarotay Hidootaa Qanxxiyogaappe Naagees
7 Nuuni Xoossa higgiya kanttidi gita nagaraa oottikko, haray atto nu nagaraa Yihoowawu paaxiyogeekka deexxana danddayees. Hegaa mala wodetun aybi hanana danddayii? Mazamure 32n, Daawiti hagaadan giis: “Ta nagaraa paaxennan de7aidda, taani gallassa kumettaa oolidoogee ta asatettai daafuriis. Gallassinne qammi ne [Yihoowa] kushee, ta bolli deexxiis. Haattai bone awan melidi wuriyoogaadan, ta wolqqai wuriis.” (Paydo 3, 4) Ba nagaraa genttanawu baaxetidoogeenne mooranchcha giya ba kahaa siyennan ixxidoogee Daawita daafurssis. I unꞌꞌettidoogee A wolqqaa wurssidi bonee melissido irxxi baynna mittaadan oottiis. Hegaa gaasuwan, A bollaynne guuggee sahettidoogee qoncce. Yaatiyo gishshawu, hegee A ufayssaa xayssiis. Nuuppe oonanne hegaa malabay gakkikko nu waatana koshshii?
‘Atto Giya’ Xoossaa
8 Nagaraappe simmida Daawiti hagaadan giis: “Taani ta nagaraa neessi paaxaas; ta iitatettaakka neeppe genttabeikke; . . . Yaatin neeni tana deexxida nagaraa atto yaagadasa.” (Mazamure 32:5) “Atto yaagadasa” geetettidi birshshettida Ibraawetto qaalay “denttiyoogaa” woy “tookkiyoogaa” geetettana danddayees. Hegee ha sohuwan gelidoy “balaa, nagaraanne mooruwaa” diggiyoogaa qonccissanaassa. Hegaa gishshawu, Yihooway Daawita nagaraa denttiisinne tookkidi efiis giyoogaa mala. Hegee Daawiti bana mooranchchadan xeelliyoogaa agganaadan oottidoogee qoncce. (Mazamure 32:3) Yesuusa wozuwaa yarshshuwan ammanidi bantta nagaray atto geetettanaadan koyiyaageetu nagaraa eta bollaappe diggiya Xoossan nuunikka wozanappe ammanettana danddayoos.—Maatiyoosa 20:28.
w01 6/1 30 ¶1
Maarotaa Demmiyogee Pattees
1 Daawiti ba nagaa paaxi simmidi bana pattenna asadan xeelliyogaa aggiis. I ba nagaraa paaxiyogan woppu giidoogaanne Xoossaassi ammanettidi oottanawu murttidoogaa I xaafido mazamuriyan goꞌettido qaalati bessoosona. Leemisuwawu, Mazamure 32 beꞌa. Paydo 1y hagaadan gees: “A mooroi atto geetettidonne a nagarai kamettido urai anjjettidaagaa.” Issi ura nagaray ay keena gita gidikkonne I ba nagaraappe wozanappe simmikko, I ufayssaa demmana danddayees. Issi uri ba nagaraappe wozanappe simmidoogaa bessiyo ogetuppe issoy Daawiti oottidoogaadan ba mooruwa ammaniyogaa. (2 Sameela 12:13) Daawiti Yihoowa sinttan bana geeshsha gaanawu woy ba balaa haratu bolli gaasoyanawu malibeenna. Paydo 5y hagaadan gees: “Taani ta nagaraa neessi paaxaas; ta iitatettaakka neeppe genttabeikke; ‘Ta mooruwaa [Yihoowassi] paaxana’ gaas. Yaatin, neeni tana deexxida nagaraa atto yaagadasa.” Issi uri ba nagaraappe wozanappe simmikko, kase I oottido nagaraa gaasuwan A kahay qumꞌꞌiyogaa aggiyo gishshawu woppaa demmees.
Ayyaanaaban Alꞌꞌobaa
w06 5/15 20 ¶1
Mazamure Maxaafaa Shaahotuppe Koyroogan Deꞌiya Kulkka Qofaa
1 33:6 Yihoowa doonaappe kiyiya ayyaanay woy shemppoy aybee? He ayyaanay, saluwa meretata medhdhanawu Xoossay goꞌettido wolqqaa woy geeshsha ayyaanaa. (Doomettaabaa 1:1, 2) Wolqqaama shemppuwadan, haahuwan deꞌiyabata oottanaadan kiitettana danddayiyo gishshawu A doonaa shemppo geetettiis.
HOSPPUNE 29–UDDUFUNE 5
XOOSSAA QAALAN DEꞌIYA ALꞌꞌOBAA | MAZAMURE 34-35
‘Yihoowa Ubba Wode Sabbite’
w07 3/1 22 ¶11
Ane Yihoowa Sunttaa Issippe Sabboos
11 “Taani GODAA ubba wode galatana; a galatai ai wodenne ta doonaappe paccenna.” (Mazamure 34:1) Daawiti ba heeraappe haakkidi deꞌiyo gishshawu, asatettawu koshshiyabaa xeelliyagan A qofissiya darobati deꞌikkonne ha xiqisiyan deꞌiya qofaappe akeekiyogaadan hegee I Yihoowa sabbiyogaa digganaadan eeno gibeenna. Nuna metoy gakkiyo wode A loꞌꞌo leemisuwa kaallana danddayoos. Nuuni tamaare keettan, ooso sohuwan, Kiristtaane gidida nu ishanttuura, woy haggaazuwan deꞌin, aybippenne aaruwan nuna qofissana koshshiyabay Yihoowa sabbiyogaa gidana bessees. Nuuni hegaadan oottanaadan denttettiya daro gaasoti deꞌiyogaa qoppa! Leemisuwawu, Yihooway medhdhido malaalissiyabata eriyogan nu demmiyo ufayssawu wurssetti baawa. Qassi ba dirijjitiyawu saꞌaa shaahuwa baggaara I oottiyobaa ane qoppa! Yihooway ha wodiyan, nagaranchcha gidida ammanettida asata darobaa oottanawu goꞌettiis. Xoossay oottido he oosota ha alamiyan asay xoqqu ootti xeelliyo asati oottiyobaara mulekka geeddarissana danddayettenna. “Abeet Godau, xoossatu giddon ne mali baawa; ne oosuwaa mala oosoikka baawa” giidi xaafida Daawitaara maayettikkii?—Mazamure 86:8.
w07 3/1 22 ¶13
Ane Yihoowa Sunttaa Issippe Sabboos
13 “Taani [Yihoowan] ceeqettais; naaqettidaageeti hegaa siyidi ufaittona.” (Mazamure 34:2) Daawiti ba oottidoban mule ceeqettibeenna. Leemisuwawu, Gaate biittaa kawuwa I cimmidoogaa otoruwan haasayibeenna. I Gaaten deꞌiyo wode Yihooway A naagidoogaanne hayquwappe I attidoy Yihoowa maaduwana gidiyogaa akeekiis. (Leemiso 21:1) Yaaniyo gishshawu, Daawiti banan gidennan Yihoowan ceeqettiis. Hegaa gishshawu, ashkketi Yihoowakko shiiqidosona. Hegaadankka Yesuusi Yihoowa sunttaa sabbiis; qassi hegee tamaarana danddayiya ashkke asati Akko shiiqanaadan oottiis. Ha wodiyan, Yesuusi Huuphe gidido kumetta saꞌan deꞌiya tiyettida Kiristtaanetu galchchawu, ubba biittaappe ashkke gidida asati shiiqoosona. (Qolasiyaasa 1:18) Hegaa mala ashkke asata Xoossaa ayyaanay maaddin, Xoossaa ashkkarati A sunttaa sabbiyogaanne Geeshsha Maxaafaa kiitaa siyiyo wode eta wozanay keehi ufayttees.—Yohaannisa 6:44; Oosuwaa 16:14.
w07 3/1 23 ¶15
Ane Yihoowa Sunttaa Issippe Sabboos
15 “Taani [Yihoowa] koyaas; koyin i taayyo zaariis; taani yayyiyoobaa ubbaappe tana i ashshiis.” (Mazamure 34:4) He hanotay Daawitassi keehi koshshiyaba. Yaaniyo gishshawu, I hagaadan giis: “Ha hiyyeesa bitanee waassiis; waassin [Yihooway] a waasuwaa siyiis; a metuwaa ubbaappe a ashshiis.” (Mazamure 34:6) Nu ishanttuuranne michchenttuura shiiqiyo wode, nuuni iita hanotaa genccanaadan Yihooway nuna waati maaddidaakko bessiya minttettiyabata etawu yootiyo daro injjee deꞌees. Daawiti yootidobay A maaddiyageetu ammanuwa minttidoogaadan, nu yootiyobay nu ishanttunne michchonttu ammanuwakka minttees. Daawita laggeti ‘Yihoowakko xeellidi ufayttidosona; eta somꞌꞌoy mulekka yeellatibeenna.’ (Mazamure 34:5) Eti Kawuwa Saaꞌoolappe baqatiiddi deꞌiyaba gidikkonne yeellatibookkona. Eti Xoossay Daawita maaddiyogaa siribookkona; qassi eta somꞌꞌoy ufayttiis. Hegaadankka ha wodiyan siyanawu koyiya oorattatinne Kiristtaane gididi daro wodiyawu gamꞌꞌidaageeti ubbay maaduwa demmanawu Yihoowakko xeelloosona. Eti buzo xekkan Yihoowa maaduwa demmido gishshawu, eta somꞌꞌuwa ufayssay eti ammanettidi deꞌanawu murttidoogaa bessees.
Ayyaanaaban Alꞌꞌobaa
w06 5/15 20 ¶2
Mazamure Maxaafaa Shaahotuppe Koyroogan Deꞌiya Kulkka Qofaa
2 35:19—Daawiti A ixxiyageeti A bolli ‘qimꞌꞌotennaadan’ Yihoowa woossido wode woyganawu koyidee? Qimꞌꞌotiyogee Daawita morkketi A bolli maqqido iitabay polettin eti ufayttiyogaa bessiyaba gidana danddayees. Daawiti hegee hanenna mala woossiis.