Ubbatoo Haasayiyo Ogiyan Haasayissiyogaa Doommiyogaa

Piliphphoosi Oottidobaa

BIIDUWA: Piliphphoosi Toophphiya Mureessawu Sabbakees

1. BIIDUWA beꞌa, woy Oosuwaa 8:30, 31 nabbaba. Yaatada, kaallidi deꞌiya oyshata akeeka:

1. Piliphphoosi haasayissiyogaa waati doommidee?

2. Hagee ubbatoo haasayiyo ogiyan haasayissiyogaa doommidoba, qassi he bitanee kase erenna tumaa tamaaranaadan oottidaba gididoy aybissee?

Piliphphoosappe Ay Tamaariyoo?

2. Ubbatoo haasayiyo ogiyan nuuni haasayissikko, asay pashkki giidi nunaara haasayananne nu yootiyobaa siyana danddayees.

Piliphphoosa Milata

3. He ura hanotaa akeeka. Issi ura hanotaappe abaa darobaa akeekana danddayaasa. He uri nenaara haasayana koyii? “. . . neeni eray?” gaada oychchiyogan, Geeshsha Maxaafaabaa haasayiyogaa doommana danddayaasa. Haasayanawu koyenna ura aggaaga.

4. Danddayanchcha gida. Geeshsha Maxaafaabaa sohuwara yootana bessiyabadan qoppoppa. Hegawu hanotay injjetana gakkanaashin naaga. Issi issitoo, he uraara zaarettidi gayttana gakkanaashin naagiyogee koshshana danddayees.

5. Haasayiyobaa hanotaadan laamma. He uri ne qoppabeennabaa haasayanawu koyana danddayees. Yaatiyo gishshawu, I haasayanawu koyiyobay neeni haasayissanawu qoppidobaappe dummatiyaba gidikkonne, he urawu bessiyabaa Geeshsha Maxaafaappe yoota.