Baabiloone Gimbbiyaa

Bashshaa Haattaappe simmin, Nohe attuma naatinne eta machoti daro naata yelidosona. Yihoowi etawu yootidoogaadan, eta keettaa asay corattin, eti saꞌan dumma dummasan deꞌiyoogaa doommidosona.

SHin amarida keetta asay Yihoowawu azazettibeenna. Eti hagaadan giidosona: ‘Ane katamaa keexxidi hagan deꞌoos. Nuuni xeeray saluwaa gakkiyo gimbbiyaa keexxana. Yaatidi nuuni erettidaageeta gidana.’

He asay oottiyooban Yihoowi ufayttibeenna gishshawu, eti oottennaadan digganawu qofaa qachiis. I hegaa waatidi oottidaakko neeni eray? I eti sohuwaara dumma dumma qaalaa haasayanaadan oottiis. Eti issoy haasayiyoobaa haray erana danddayenna gishshawu, keexxiyoogaa aggiigidosona. Eti keexxido katamaa sunttay Baabiloone geetettees; hegee “Walahettidi SHaakkanawu Metiyaabaa” giyoogaa. Asay hegaappe biidi kumetta saꞌan deꞌiyoogaa doommiis. SHin eti deꞌiyo ooratta heerankka iitabaa oottiyoogaa aggibookkona. Yan Yihoowa siiqiya uri deꞌiishsha? Nuuni hegaa kaalliya shemppuwan tamaarana.