Kehatettaa

Yesuusi Oottidobaa

BIIDUWA: Yesuusi Qooqe Bitaniya Pattees

1. BIIDUWA beꞌa, woy Yohaannisa 9:1-7 nabbaba. Yaatada, kaallidi deꞌiya oyshata akeeka:

1. Yesuusi kasetidi oottidobay aybee? Qooqe bitaniya pattideeyye, awu mishiraachchuwa yootidee? —Yohaannisa 9:35-38 xeella.

2. Yesuusi oottidobay he bitanee I yootiyo mishiraachchuwa siyanaadan maaddidoy aybissee?

Yesuusappe Ay Tamaariyoo?

2. Issi uri nuuni awu qoppiyogaa akeekikko, nu yootiyo mishiraachchuwa siyanawu koyana danddayees.

Yesuusa Milata

3. Ne haasayissiyo urawu qaretta. Awu siyettiyabaa akeekanawu baaxeta.

1. Nena hagaadan oychcha: ‘A qofissiyabay ayba gidana danddayii? A maaddananne ufayssana danddayiyabay aybee?’ Yaatiyogee neeni awu wozanappe kehiyogaa bessanaadan maaddees.

2. Ne haasayissiyo uri yootiyobaa ezggiyogan awu qoppiyogaa bessa. Issibaa xeelliyagan I bawu siyettiyabaa, woy bana gakkiiddi deꞌiya metuwabaa yootiyo wode, I haasayiyo qofaa laammanaadan oottoppa.

4. Kehatettaaninne bonchchuwan haasayissa. Neeni issi urawu qarettiyogaanne tumuppe A maaddanawu koyiyogaa ne haasayiyo ogiyappe I akeekana danddayees. Haasayiyobaaninne haasayiyo ogiyan akeekanchcha gida, qassi hanqqetissana danddayiyabaa haasayoppa.

5. Maaddiyagaa gida. He uraa maaddanawu injjetiya wodiya koya. Neeni keha gidiyogee, he uri nenaara haasayanawu koyanaadan maaddana danddayees.