Xoossaa Qaalaa Erissiyo Qofaa

Xoossay ha wodiyan deꞌiya nuussi yootiyobay woy A qaalay Geeshsha Maxaafan deꞌees. Geeshsha Maxaafay nuuni waanidi giiga deꞌo deꞌanaakko, qassi Xoossaa waati ufayssanaakko yootees. Kaallidi deꞌiya oyshatakka zaarees:

1 Xoossay oonee?
2 Xoossaabaa waata tamaarana danddayay?
3 Geeshshaa Maxaafaa ooni xaafidee?
4 Geeshsha Maxaafay saynisiyara gayttidabaa yootiyobay likkee?
5 Geeshsha Maxaafay yootiyo waanna qofay aybee?
6 Geeshsha Maxaafay Masiyabaa kasetidi ay yootidee?
7 Geeshsha Maxaafay nu wodiyabaa kasetidi ay yootidee?
8 Asaa waayiyawu Xoossaa amassalana koshshii?
9 Asay waayettiyoy aybissee?
10 Geeshsha Maxaafay sinttappe aybi hanana gii?
11 Asi hayqqiyo wode waanii?
12 Hayqqida asay waananaagaa ammanettana danddayiyo?
13 Geeshsha Maxaafay oosuwabaa woygii?
14 Miishshi metennaadan waatana danddayay?
15 Ne deꞌuwan waanada ufayttana danddayay?
16 Hirggissiyabaa waana eqettana danddayay?
17 Geeshsha Maxaafay ne soo asaa waati maaddana danddayii?
18 Xoossaakko shiiqanawu waatana danddayay?
19 Xoossaa Qaalan deꞌiya dumma dumma maxaafatun deꞌiyabay aybee?
20 Geeshsha Maxaafaa nabbabiyogan loytta goꞌettanawu waatana danddayay?

XIQISIYA WAATI KESSIYAKKO

Geeshsha Maxaafan 66 maxaafati deꞌoosona. Geeshsha Maxaafay naaꞌꞌawu shaahettees: Hegeetikka, Ibraawettuwaninne Aramattuwan Xaafettida Geeshsha Maxaafaa (“Galꞌꞌa Maachchaa”), qassi Giriikettuwan Xaafettida Geeshsha Maxaafaa (“Ooratta Maachchaa”). Geeshsha Maxaafan deꞌiya maxaafati shemppuwaninne payduwan shaahettoosona. Xiqisee xaafettiyo wode maxaafaa sunttaappe kaallidi xaafettiyagee shemppuwa; qassi shemppuwappe kaallidi xaafettiyagee payduwa. Leemisuwawu, Maatiyosa 1:1 giyogee Maatiyosa shemppo 1, paydo 1 giyogaa.