Tumu Xoossay Oonee?

Asay deꞌido wode ubban daro xoossatuyyo goynniis. Gidikkonne, Geeshsha Maxaafay “hara xoossatu ubbaappe gita” issi Xoossaabaa yootees. (2 Hanidabaa Odiya 2:5) Yaatin, A hegaa keena gita oottiyaabay aybee? Ha Xoossay neeni abaa ay eranaadan koyiyaakko ha timirttiyaappe akeeka.

1. Xoossaa sunttay oonee, qassi nuuni he sunttaa eranaadan I koyiyoogaa bessiyaabay aybee?

Xoossay ba sunttay oonakko Geeshsha Maxaafan nuussi yootiis. I hagaadan giis: “Taani Yihoowa. Ta sunttay hagaa.” (Isiyaasa 42:8, NW) “Yihoowa” giyoogee Ibraawetto suntta; hegaa birshshettay “Hananaadan Oottees” giyoogaa gidennan aggenna. Yihoowi nuuni A sunttaa eranaadan koyees. (Kessaabaa 3:15) Hegaa aybin ammanettana danddayiyoo? Geeshsha Maxaafan A sunttay 7,000ppe dariya sohotun deꞌees!a “Bolla saluwan gidin, garssa sa7an gidin, [“tumu,” NW] Xoossaa” sunttay Yihoowa.—Zaarettido Wogaa 4:39.

2. Geeshsha Maxaafay Yihoowabaa ay qonccissii?

Asay goynniyo xoossatu ubbaappe tumu Xoossay Yihoowa xalla gidiyoogaa Geeshsha Maxaafay yootees. Aybissi? Hegawu daro gaasoy deꞌees. Yihoowawu oogaappenne aaro maatay deꞌees; hegaa gishshawu, ‘saꞌa ubban Ubbaappe Xoqqay’ A xalla. (Mazamure 83:18 nabbaba.) Koyiyooba aybanne oottanawu ayyo wolqqay deꞌiyo gishshawu, Geeshsha Maxaafay A ‘Ubbaappe Wolqqaama Xoossaa’ yaagees. Saluwaa, saꞌaa, qassi saꞌan paxa deꞌiya ‘ubbabaa I medhdhiis.’ (Ajjuutaa 4:8, 11) Hegaa bollikka, ubbatoo deꞌiyay Yihoowa xalla; qassi I merinawu deꞌana.—Mazamure 90:2.

3. Xoossawu daro bonchcho sunttati deꞌikkonne, A sunttay issuwaa

Issi uraa A sunttan xeesin woy A bonchcho suntta xallan xeesin dummatetti deꞌii? Zaaruwaa demmanawu, BIIDUWAA beꞌite; yaatidi kaallidi deꞌiya oyshata tobbite.

BIIDUWAA: Daro Bonchcho Sunttati Deꞌikkonne, A Sunttay Issuwaa (0:41)

• Buzo sunttay “Godaa” giyaagaa mala bonchcho sunttaappe aybin dummatii?

Asay daro xoossatussinne godatussi goynniyoogaa Geeshsha Maxaafay yootees. Mazamure 136:1-3 nabbabite; yaatidi ha oyshaa tobbite:

• ‘Xoossatu Xoossaynne godatu Goday’ oonee?

4. Yihoowi neeni A sunttaa eranaadaaninne he sunttaa xeeganaadan koyees

BIIDUWAA: Xoossawu Suntti Deꞌii?—Giyaagaappe Ekettidaagaa (3:11)

• Yihoowi ba sunttay erettanaadan koyees gaada qoppay? Aybissi?

Yihoowi ba sunttaa asay xeesanaadan koyees. Roome 10:13 nabbabite; yaatidi ha oyshata tobbite:

• Yihoowa giyo, Xoossaa sunttaa xeesiyoogee ay keena koshshiyaabee?

• Issi uri ne sunttaa hassayidi nena ne sunttan xeesiyo wode neessi aybi siyettii?

• Neeni Yihoowa sunttaa xeesiyo wode awu aybi siyettees gaada qoppay?

5. Yihoowi neeni A dabbo gidanaadan koyees

BIIDUWAA: Taani Tumu Xoossaa Koyaas (8:18)

• Sotana Xoossaa sunttaa eridoogee O waati maaddidoogaa ha biiduwaappe akeekadii?

Neeni issi uraara laggetanawu izaawu sunttaa erana koshshees. Yaaqooba 4:8a nabbabite; yaatidi ha oyshata tobbite:

• Neeni ay oottanaadan Yihoowi shoobbii?

• Neeni Xoossaa sunttaa eriyoogeenne xeesiyoogee aara dabbotanaadan nena waati maaddana danddayii?

AY AKEEKADII?

Tumu Xoossaa sunttay Yihoowa. Nuuni aara dabbotana mala he sunttaa eranaadaaninne xeesanaadan I koyees.

Zaaretuwaa

• Asay goynniyo hara ubba xoossatuppe Yihoowi waani dummatii?

• Nuuni Xoossaa sunttaa xeesana koshshiyoy aybissee?

• Yihoowi neeni aara dabbotanaadan koyiyoogaa bessiyaabay aybee?

PILGGA

Xoossay deꞌiyoogaa nuuni ammanettanaadan oottiya ichchashubata pilgga.

“Xoossay Tumu Deꞌii?” (Nu websaytiyan deꞌiyaaba)

Xoossay awudenne deꞌiyoogaa ammaniyoogee bessiyaaba gidiyoy aybissee?

“Xoossaa Medhdhiday Oonee?” (Wochchiyo Keelaa huuphe yohuwaa)

Xoossaa sunttaa beni woygi xeesiyaakko erettennaba gidikkonne, nuuni he sunttaa xeesana koshshiyoy aybissakko akeeka.

“Yihoowi Oonee?” (Nu websaytiyan deꞌiyaaba)

Nuuni Xoossaa woygi xeesikkonne dummatetti deꞌii? Nuuni ayyo issi buzo sunttay deꞌees gaana danddayiyoy aybissakko akeeka.

“Xoossawu Aappun Sunttay Deꞌii?” (Nu websaytiyan deꞌiyaaba)