Issi Bala Timirttee Haraa Kaalettees

KIITETTIDA PHauloosi koyro xeetu laytta M.L. baggaappe simmin deꞌida Kiristtaaneta “naagettite” yaagidi akeekissiis. Aybissi? “Asappe yiida eratettan, qassi mela cimuwan [eta] ooninne omooddenna mala.”—Qolasiyaasa 2:8.

PHauloosi hegaadan akeekissidaba gidikkonne, naaꞌꞌantto xeetu laytta M.L. baggaappe doommidi, issi issi Kiristtaaneti bantta ammanuwaa qonccissanau beni wode deꞌida palasppatu qofaa goꞌettidosona. Aybissi? Rooma haaruwan deꞌiya, erancha asan nashettanaunne daro asaa Kiristtaane oottanau koyido gishshataassa.

He Kiristtaanetuppe keehi erettiya, Jesttin Martteri, Xoossaa kalꞌꞌatidi haasayiyaagee Yesuusa gididi saꞌaa yaanaappe daro wodiyaa kasetidi Giriike palasppatuyyo qoncciis giidi ammanees. Jesttinanne aagaa mala timirttiyaa tamaarissiya haratu qofaadan, palasppatu qofaynne bala timirttee Kiristtaane ammanuwaara walahettidoogee, he haymaanootiyaa asa ubbay ufayttidi ekkanaadan oottiis.

Jesttin Martteri tamaarissido Kiristtaane ammanuwaa daro asay kaalliis. Gidikkokka, issi bala timirttiyaa ammaniyoogee hara bala timirtteta kaalettiis; hegee ha wodiyan Kiristtaane geetettiya daro haymaanootetu timirtte gidiis. He timirtteti bala gidiyoogaa akeekanau, kaalli deꞌiya naqaashati giyoobaa Geeshsha Maxaafay tamaarissiyoobaara gatta xeella.

[Sinttaa 3n deꞌiya Misilee Ekettidosaa]

Dabloosa: Barrators—Giampolo/The Doré Illustrations For Dante’s Divine Comedy/Dover Publications Inc.; kiitanchata: Art Resource, NY; sillaasiyaa misiliyaa: Museo Bardini, Florence