Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Ha wodiyan Xoossaayyo dirijjitee deꞌees giidi qoppeetiiyye, woy i asaa huuphiyan huuphiyan haasayissees giidi qoppeetii? [Zaaranaashin takki ga.] Daro layttaappe kase Xoossay daraajjayido asay oonakko akeekite. Usuppune 1 Wochiyo Keelaa sinttaa 16 kessidi, koyro sima huuphe yoho garssan deꞌiya qofaa tobbite; hegan deꞌiya xiqisiyaappe guuxxiis giishin issuwaa qofaa yoota. Maxeeteta keettaawau immada, kaallidi deꞌiya oyshaa tobbanau zaarettada yaana gallassaa keera.”

Wochiyo Keelaa Usuppune 1

“Mata wodeppe doommidi asay Armmageedoona xeelliyaagan darobaa haasayees. Armmageedoona olay denddennaadan teqqanau asaa naati oottana danddayiyoobi deꞌees giidi qoppeetii? [Zaaranaashin takki ga.] ‘Armmageedoona’ giya qaalay deꞌiyoosaa beꞌite. [Ajjuutaa 16:16 nabbaba. Yaatada, maxeetiyau koyro sinttaa bessa.] Ha maxeetee ha oyshatuyyo Geeshsha Maxaafaappe zaaruwaa immees.”

Beegottite! Usuppune

“Ha wodiyan daro asay hara asaara Intternneetiyan haasayiyoogan ufayttees. Intternneetiyan haasayiyoogan qohiyaabay gakkees giidi qoppeetii? [Zaaranaashin takki ga.] Intternneetiyan haasayiyo wode qohiyaabaappe naagettanaadan maaddana danddayiya zoree Geeshsha Maxaafan deꞌees. [Sinttaa 6-9 kessada, hegan deꞌiya oyshatuppe issuwaa, qassi issi xiqisiyaa tobbite.] Intternneetiyan haasayiyo wode gakkiya qohuwaa intte shaakki eranaadaaninne hegaappe haakkanaadan ha maxeetee maaddees.”