Neeni Geeshsha Maxaafaa Ubba Galla Nabbabanawu Kessido Prograamiya Mintta Kaalla

Oosoy dariyo gishshawu, ubba galla Geeshsha Maxaafaa nabbabanawu metootay? (Yaa. 1:8) Yaatikko, kaallidi deꞌiya qofatuppe issuwa mala:

• Ubba galla nena hassayissiyabaa giigissa. Geeshsha Maxaafaa nabbabiyogaa nena hassayissana mala silkkiyan alarmiya kuntta.

• Geeshsha Maxaafaa neeni beꞌana danddayiyo qoncce sohuwan wotta. Neeni attamettida Geeshsha Maxaafaa nabbabiyabaa gidikko, ubba galla metootennan beꞌana danddayiyo sohuwan wotta.—Zaa. 11:18.

• Cenggurssan giigidaagaa siya. Galla galla oosota oottaydda hegeeta siya. Qamma oosuwa oottaydda aqinye gidada haggaaziya Taaro giyo aayyiya hagaadan gaasu, “So oosota oottaydda cenggurssan giigida Geeshsha Maxaafaa siyiyogee taani ubba galla Geeshsha Maxaafaa nabbabanaadan maaddiis.”

• Baaxetiyogaa aggoppa. Neeni halchchido saatiyan nabbabennaadan oottiyabay merettikko, qammi zinꞌꞌanaappe kase baa giishin amarida Geeshsha Maxaafaa paydota nabbaba. Neeni ubba galla amarida paydota xalaalaa nabbabikkokka, goꞌettana danddayaasa.—1 Phe. 2:2.