Issoy Issuwa Ammanuwa Minttite

Nuuni nu ishatuuranne michchotuura wodiya aattiyo wode minettoos. Shin he wodiyan tumuppe minettanawu, issippe gayttiyogaa xalaalay gidenna. Geeshsha Maxaafay nuuni issoy issuwa minttettanaadaaninne issoy issuwa ammanuwa minttanaadan yootees. (Rom. 1:11, 12) Nuuni hegaadan oottana danddayiyo amarida ogeti awugeetee?

Haasayiyoban harata minttetta. Leemisuwawu, nuuni shiiqotun qofaa yootiyo wode nubaa xalaalaa yootiyogaappe Yihoowabaa, A Qaalaabaanne A asaabaa yootana danddayoos. Nuuni nu mala Kiristtaanetuura haasayiyo wode minttettiya qofaa haasayana danddayoos.

Kuuyiyobaaninne oottiyoban harata minttetta. Leemisuwawu, issoti issoti metiyabati deꞌishinkka, ubba wode haggaazuwan takkanawu kuuyidosona. Harati qassi daafurssiya oosuwa oottiyaba woy caddi oyqqiya harggee sakkiyaba gidikkokka, saaminttawu gidduwan shiiqiyo shiiquwa ubbatoo shiiqoosona.

Haasayiyobaaninne oottiyoban ishatanne michchota minttettay? Qassi ne ishatinne michchoti nena minttettanawu haasayiyobaanne oottiyobaa akeekay?