An Siyahan nga Libro ni Samuel

2 Katapos, hi Hana nagsiring ha iya pag-ampo:

 6 Hi Jehova nagpapatay, ngan nagtitipig hiya hin kinabuhi;*

Nagdadara hiya ngadto ha Lubnganan,* ngan nagbubuhi hiya.+

10 Bubungkagon ni Jehova an mga nakikig-away ha iya;*+

Tikang ha langit magpapadalugdog hiya kontra ha ira.+

Ngan pahihitas-on an sungay* han iya dinihogan.”+

11 Katapos, inuli hi Elkana ha iya balay ha Rama, kondi an bata nagin surugoon ni* Jehova+ ha atubangan ni Eli nga saserdote.

12 Yana an mga anak nga lalaki ni Eli magraot nga mga tawo;+ waray hira pagtahod kan Jehova. 13 Ini an ira ginbubuhat ha bahín nga angay makarawat han mga saserdote tikang ha katawohan:+ Ha kada panahon nga may bisan hin-o nga naghahalad, usa nga kabulig han saserdote an naabot nga may ginkakaptan nga daku nga tinidor samtang nakaladkad an karne, 14 ngan iya ito igintutusok ha kawa, ha lutoan nga duha an karaptan, ha kaldero, o ha lutoan nga usa an karaptan. Anoman an madara han daku nga tinidor, ginkukuha ito han saserdote para ha iya kalugaringon. Ito an ira ginbubuhat ha Shilo ha ngatanan nga Israelita nga napakadto didto. 15 Sugad man, antes pa an naghahalad nga tawo makapaaso han tambok,+ usa nga kabulig han saserdote an naabot ngan nasiring ha iya: “Tagi an saserdote hin karne nga lilitsunon. Diri hiya makuha ha imo hin pinakaladkaran nga karne, hilaw la nga karne.” 16 Kon an tawo nasiring ha iya: “Siguruhon anay nira nga paasuhon an tambok,+ katapos, kuhaa para ha imo kalugaringon an anoman nga imo karuyag,”* nasiring hiya: “Diri, ihatag ito ha akon yana; kay kon diri, pupwersahon ko pagkuha ito!” 17 Salit an sala han mga kabulig nagin daku gud ha atubangan ni Jehova,+ kay waray respetoha hini nga kalalakin-an an halad kan Jehova.

18 Yana hi Samuel nag-aalagad+ ha atubangan ni Jehova, nga nakasul-ot* hin lino nga epod,+ bisan kon bata la hiya. 19 Sugad man, ginhihimoan hiya han iya nanay hin gutiay nga bado nga waray pako, ngan gindadara ito ha iya han iya nanay kada tuig kon nasagka hiya upod han iya bana basi maghalad han tinuig nga halad.+ 20 Ngan ginbendisyonan ni Eli hi Elkana ngan an iya asawa ngan nagsiring: “Hinaot tagan ka ni Jehova hin anak tikang hini nga asawa kasaliwan han anak nga iya iginhatag kan Jehova.”+ Ngan inuli hira ha ira balay. 21 Gintagan ni Jehova hin atensyon hi Hana, salit nagburod hiya;+ ngan nag-anak hiya hin tulo pa nga lalaki ngan duha nga babaye. Ngan an bata nga hi Samuel padayon nga nagdaku ha atubangan ni Jehova.+

22 Yana hi Eli lagas na gud, kondi nakabati hiya mahitungod han ngatanan nga ginbubuhat han iya mga anak+ ha bug-os nga Israel ngan han ira pagdirig ha kababayin-an nga nag-aalagad ha aragian tipasulod ha tolda nga katirokan.+ 23 Agsob niya hira sidngan: “Kay ano nga padayon niyo nga ginbubuhat an sugad hini nga mga butang? Kay maraot an mga butang nga akon nababatian tikang ha ngatanan nga tawo mahitungod ha iyo. 24 Ayaw, mga anak ko, diri maopay an sumat nga nababatian ko nga nagigin iristorya ha butnga han katawohan ni Jehova. 25 Kon an usa ka tawo makasala ha lain nga tawo, may tawo nga bangin makimalooy kan Jehova para ha iya;* pero kon an usa ka tawo makasala kan Jehova,+ hin-o an makakag-ampo para ha iya?” Kondi nadiri hira pagpamati ha ira tatay, kay disidido na hi Jehova nga patayon hira.+ 26 Hito nga panahon, an bata nga hi Samuel padayon nga nagtutubo ngan nagigin mas makaruruyag kan Jehova ngan ha mga tawo.+

27 Usa nga surugoon han Dios an kinadto kan Eli ngan nagsiring ha iya: “Ini an siring ni Jehova: ‘Diri ba iginpakilala ko gud an akon kalugaringon ha panimalay han imo amay samtang nakadto hira ha Ehipto sugad nga mga uripon ha panimalay han Paraon?+ 28 Ngan ha ngatanan nga tribo han Israel, hiya an ginpili+ basi magin akon saserdote ngan basi sumagka ha akon halaran+ para maghatag hin mga halad, maghalad hin insenso,* ngan magsul-ot hin epod ha akon atubangan; ngan iginhatag ko ha panimalay han imo kaapoy-apoyan an ngatanan nga halad nga ginsunog ha kalayo han mga Israelita.*+ 29 Kay ano nga gintatamay* niyo an akon halad nga hayop ngan an akon iba pa nga halad nga akon iginsugo ha akon lugar nga gin-uukyan?+ Kay ano nga padayon nga mas ginpapasidunggan mo an imo mga anak kay ha akon pinaagi ha pagpatambok han iyo kalugaringon tikang ha pinakamag-opay nga mga bahin han tagsa nga halad han Israel nga akon katawohan?+

30 “‘Salit ini an mensahe ni Jehova nga Dios han Israel: “Nagsiring gud ako nga an imo panimalay ngan an panimalay han imo kaapoy-apoyan pirme maglalakat ha akon atubangan.”+ Kondi yana hi Jehova nasiring: “Para ha akon, imposible ito mahitabo, kay an mga nagpapasidungog ha akon papasidunggan ko,+ kondi tatamayon an mga nagtatamay ha akon.” 31 Kitaa! Maabot an mga adlaw nga uutdon ko an imo kusog* ngan an kusog han panimalay han imo amay, basi waray tawo ha imo panimalay nga mabubuhi tubtob ha kalagas.+ 32 Ngan makakakita ka hin karibal ha akon urukyan ha butnga han ngatanan nga maopay nga ginbubuhat ha Israel,+ ngan diri na gud magkakaada utro hin lagas nga tawo ha imo panimalay. 33 An tawo tikang ha imo panimalay nga diri ko tatangtangon ha pag-alagad ha akon halaran magigin hinungdan nga maharap an imo mga mata ngan maghahatag ha imo hin kabido,* kondi an kadam-an ha imo panimalay mamamatay pinaagi han espada han mga tawo.+ 34 Ngan an mahitatabo ha imo duha nga anak nga hira Hofni ngan Pinehas magigin tigaman para ha imo: Hira nga duha mamamatay+ ha usa ka adlaw. 35 Katapos, magpipili ako para ha akon kalugaringon hin matinumanon nga saserdote.+ Bubuhaton niya an uyon ha kon ano an ginhihingyap han akon kasingkasing;* ngan maghihimo ako para ha iya hin balay* nga mag-iiha, ngan maglalakat hiya pirme ha atubangan han akon dinihogan. 36 An bisan hin-o nga mahisalin ha imo panimalay makanhi ngan mayukbo ha iya para han bayad nga kwarta ngan hin tinapay, ngan masiring: “Alayon himoa ako nga saserdote basi makakaon ako hin tinapay.”’”+