Karantahon 9
Dayawa an Aton Dios, hi Jehova!
Inimprinta nga Edisyon
1. Dayawa! Dayawa hi Jah!
Ha tanan isamwak hiya!
Pagsangyaw! Kay hirani na
An adlaw han paghukom niya.
An Dios nagsiring nga panahon na,
Maghadi an iya Suhag.
Ipasamwak naton ha ngatanan,
Bendisyon nga ihahatag!
(KORO)
Dayawa! Dayawa hi Jah!
Isamwak, kagamhanan niya!
2. Magdayaw! Magkanta ha Dios!
Dayawa hiya ha kanta!
Sinsero, kinasingkasing
Nga magpasalamat ha iya.
Bisan kon harangdon an aton Dios
Ha tanan hiya buotan,
Mahigugmaon ngan maloloy-on;
Pagdayaw pamamatian.
(KORO)
Dayawa! Dayawa hi Jah!
Isamwak, kagamhanan niya!
(Kitaa liwat an Sal. 89:27; 105:1; Jer. 33:11.)