The Song of Solomon

Your hair fine like group of goats

Wey de come down from the mountains of Gilʹe·ad.

 2 Your teeth be like group of sheep wey them just remove their hair

And wey just come out from water wey them use bath them,

All of them get their twins,

And no one of them don lost im pikin.

 3 Your lips be like red thread,

And the way you de talk de sweet.

Like one part of pomegranate fruit,

Na so your cheeks* be for under the cloth wey you take cover face.

 4 Your neck be like the tower of David,

Wey them build with stones wey them arrange well

And wey them hang one thousand shields ontop-am,

All the round-round shields of strong men.

 5 Your two breasts be like two young gazelles,*

The twins of gazelle,

Wey de chop for where lily flowers dey.”

 6 “Before the breeze for the day start to blow* and the shadows no dey again,

I go comot go the mountain of myrrh

And go the hill of frankincense.”

 7 “You fine finish, my love,

You no get any stain.

 8 Come make we comot from Lebʹa·non, my bride,

Make we comot from Lebʹa·non.

Come down from the top of A·maʹnah,*

From the top of Seʹnir, the top of Herʹmon,

From where lions de stay, from where leopards dey for the mountains.

 9 My sister, my bride, you don make me fall for you,

You don make me fall for you with your eyes wey you use look me once,

With one pendant of your necklace.

The ways you de show love better pass wine by far,

And the fine smell of your perfume better pass any spice!

Honey and milk dey under your tongue,

And the fine smell of your cloths be like the fine smell of Lebʹa·non.

12 My sister, my bride, be like garden wey them lock,

Garden wey them lock, wey water de come out from, wey them block well.

13 Your branches* na paradise* wey pomegranate fruits full inside

With the best fruits, with henna plants together with spikenard plants,

14 Spikenard and saffron plants, cane* and cinnamon plants,

With different-different kind of frankincense trees, myrrh, and aloe plants,

Together with all the best perfumes.

15 You be garden wey get where water de come out from, you be well wey get clean water,

And streams wey de flow from Lebʹa·non.

16 O north breeze, wake up;

O south breeze, come inside.

“Make my dear one come inside im garden

And chop the best fruits.”