The Song of Solomon

6 “Where your dear one go,

O you wey fine pass among women?

 2 “My dear one don go down to im garden,

To the places wey them plant spice plants,

To care for the animals for inside the gardens

And to pluck lily flowers.

 3 I be my dear one own,

And my dear one na my own.

 4 “The person wey I love, you fine like Tirʹzah,*

You fine like Jerusalem,

You dey wonderful like armies wey dey around their banners.

 5 No look me with your eyes again,

Because I no fit bear-am.

Your hair fine like group of goats

Wey de come down from the hills of Gilʹe·ad.

 6 Your teeth be like group of sheep

Wey just come out from water wey them use bath them,

All of them get their twins,

And no one of them don lost im pikin.

 7 Like one part of pomegranate fruit,

Na so your cheeks* be under the cloth wey you take cover face.

 8 Sixty queens fit dey

And 80 concubines*

And young women wey I no fit count.

The young women see-am, and them call-am happy person;

Queens and concubines* see-am and them praise-am.

10 ‘Who be this woman wey de shine* like early morning light,

Wey fine like full moon,

Wey pure like sunlight,

Wey dey wonderful like armies wey dey around their banners?’”

11 “I waka go down to the garden wey nut trees dey

To check the new things wey don grow for the lowland,*

To check whether the vine plant don start to grow,*

And whether the pomegranate trees don bring out flower.

12 Before I know wetin de happen,

The thing wey de hungry me* don put me

For the place wey the chariots of my people wey get honor* dey.”

Come back, come back,

So that we fit look you!”