LESSON 29

Wetin De Happen to Us When We Die?

The One Wey They Print

Person wey you love don ever die? When something like this happen, you fit de ask say: ‘Wetin de happen to us when we die? We go ever see this our people again?’ For this lesson and the next one, we go see how Bible go comfort us.

1. Wetin de happen to us when we die?

Jesus talk say death be like deep sleep. When person don really sleep deep, e no de know wetin de happen around again. How death be like sleep? After person die, e no de feel pain. E no de feel say e dey alone, even if e love e friends and family when e still dey alive. Bible talk say: “People no de know anything at all after they don die.”—Read Ecclesiastes 9:5.

2. When we know the truth about death how this one go help us?

Plenty people de fear to die and they still de fear dead people! But wetin Bible talk about death go comfort you. Jesus talk say: “The truth go free wuna.” (John 8:32) Some religions de teach say when person die, something inside the person no de die, but this one no be wetin Bible de teach. This one mean say, person no de suffer after e don die. And since dead people no know anything, they no fit do bad thing to us. So we no need to worship dead people or do some things so that they no go vex for us, and we no need to pray for them.

Some people de talk say they fit talk with dead people. But this one no dey possible. As we just learn, dead people “no de know anything at all.” This people think say them de talk with dead people but e fit be say na demons them de talk to. This demons de pretend say na them be the dead people. So, when we know the truth about death, e de protect us from demons. Jehovah de warn us make we no de try to talk with dead people because, e know say if we connect with demons they go cause problem for us.—Read Deuteronomy 18:10-12.

LEARN MORE THINGS

Learn more about wetin Bible de teach about death, and get strong faith for the God of love as you learn say e no de punish dead people.

One man and e two pikin them sitdown for one bench for the burial of e wife. Their friends and family people come to comfort and support them.

3. Learn wetin de really happen to dead people

For the whole world, people get different beliefs about wetin de happen to us when we die. The truth na say, no be all this beliefs be true.

Wetin people for your area de talk say de happen to us when we die?

To see wetin Bible de teach, play the VIDEO.

VIDEO: Wetin De Happen to Person When E Die? —Small Part (1:19)

Picture: Parts from the video ‘Weiti Di Happen for Person When Ih Die?—Small Part.’ 1. One dead body for one bed for hospital. 2. One man sitdown between two people and de sleep as e de travel for train.

Read Ecclesiastes 3:20, and talk about this questions:

From this verse, wetin de happen to person when e die?
Anything inside person de live after person don die?

Bible talk about the death of Lazarus one friend of Jesus. As you de read John 11:11-14, see wetin Jesus talk, about the death of Lazarus. Then talk about this questions:

Wetin Jesus talk say death be like?
Wetin this thing wey Jesus talk help us understand about dead people?
How you de feel about wetin Bible talk about death?

4. The truth about death de help us

When we know the truth about death e de help us make we no de fear dead people. Read Ecclesiastes 9:10, and talk about this question:

Dead people fit do us bad thing?

When we learn the truth from Bible e go help us make we no believe the lie wey people de talk say, we need to worship dead people or do some things so that they no go vex for us. Read Isaiah 8:19 and Revelation 4:11, and talk about this question:

How you think say Jehovah de feel when person de worship dead people or de try get help from them?

Picture: Some things wey people de do to honor dead people. 1. One man kneel down and de pray for front of one grave and e put food there. 2. Three men de do masquerade dance. 3. One group of people wear mask for face and carry big-big skeleton de waka with them for the day wey them de call Day of the Dead. — When we learn the truth about death e de free us from some beliefs wey Jehovah no like

5. The truth about death de comfort us

They don teach plenty people say when they die, they go suffer because of the bad things wey they don do. But e de comfort us to know say person no de suffer after e don die, even if the person don do bad things. Read Romans 6:7, and talk about this question:

As we don read for Bible, if death de free person from sin, you think say dead people de suffer because of the things wey they don do when they still dey alive?

The more we de learn about Jehovah, the more we go see say Jehovah no de punish dead people. Read Deuteronomy 32:4 and 1 John 4:8, and talk about this questions:

The God with this kind qualities wey this verses don show go ever punish person wey don die?
This truth wey you don learn about dead people de comfort you? Why you talk like that?

SOME PEOPLE DE TALK SAY: “I de fear wetin go happen to me when I die.”