Wetin You Fit Learn From People Wey Don De Worship Jehovah for Long Time?

For plenty congregations, we get brothers and sisters wey don serve Jehovah for many years. We fit learn from the way they really trust Jehovah. We fit ask them about the history of our organization, the different-different problem wey they don face and how Jehovah help them endure the problem. We fit invite them to join us for Family Worship and ask them to tell us their experience.

If you don serve Jehovah for many years, make you ready to tell young brothers and sisters the many ways wey Jehovah don help you. Jacob and Joseph tell their children all the things wey Jehovah don do for them. (Ge 48:21, 22; 50:24, 25) After, Jehovah tell papa them say make they teach their children about the wonderful things wey Jehovah de do. (De 4:9, 10; Ps 78:4-7) For our time, papa, mama, and other people for congregation fit tell young people about the fine-fine things wey Jehovah don use e organization do.

WATCH THE VIDEO THEM COME TOGETHER WHEN THEM BAN THEIR WORK, AFTER, MAKE WUNA ANSWER THIS QUESTIONS:

• How Austria branch help brothers for country them wey government ban their work?

• How brothers for this country them continue to get strong faith?

• Why plenty publishers for Romania leave Jehovah organization, and how them come back?

• How this experience don make your faith strong pass before?