Who I Go Invite?

Every year we de do our best to invite people for our territory to join us for Memorial. We no know plenty of the people wey we de invite. But make we still invite people wey we know. Plenty times, when people receive memorial invitation from person wey them know, they go come. (yb08 11 ¶3; 14 ¶1) Which people you go fit invite?

• Your family people

• Your workmates and schoolmates

• Your neighbors

• Your return visits and Bible students, and even people wey you don study with before

Elders fit still think about inactive publishers, and invite them. What if person wey you know no de live for your area? You fit know the time and place wey they go do the Memorial for e area, if you go jw.org. For the first page, press ABOUT US, and select “Memorial.” As you de prepare for memorial this year, think about people wey you fit invite, and invite them.