You Don Ready for Any Disaster for This Last Part of “the Last Days?”

For this last part of the “last days,” we de face plenty problems and we de expect say the problems go de plenty more and more. (2Ti 3:1; nwtsty study note for Mt 24:8) When disaster happen, Jehovah organization de always give us direction for the correct time, wey fit save our life. When that kind thing happen, na the way we follow wetin they tell us now, go fit save our life that time. So before disaster happen, we need to make our friendship with Jehovah really strong and arrange things wey we fit carry run.—Lu 16:10.

• Make your friendship with Jehovah strong: Make-am your habit to de read Bible every day and always do personal study. Learn to use different-different way preach. No worry even if e hard for you to gather with other brothers and sisters for congregation for some time. (Isa 30:15) You no go ever dey alone, Jehovah and Jesus go always dey with you.—od 176 ¶15-17

• Arrange things wey you fit carry run: No be only go bag we go arrange. Make each family make sure say they keep enough food, drinking water, medicine, and other thing wey they go need in case lockdown dey for long time.—Pr 22:3; g17.5 4, 6

WATCH THE VIDEO, YOU DON READY FOR NATURAL DISASTER? AND AFTER, MAKE WUNA ANSWER THIS QUESTIONS:

• 

  How our friendship with Jehovah fit help us when disaster happen?

• 

  Why e dey important make . . .

  • we de communicate well with elders?

  • we arrange bag wey we fit carry run when disaster happen?

  • family talk about the kind disaster wey fit happen for their area and wetin them go do any time wey e happen?

• 

  Which three ways you fit help people wey disaster don affect?

ASK YOURSELF SAY, ‘Wetin I don learn from COVID-19 about why e dey important make we ready for natural disaster?’