You Don Ready In Case Serious Problem Start for Your Area?

As the end of this wicked world de near, we de expect say bad people go de cause problem wey go de make people fear, and war go de happen more-more. (Re 6:4) How we fit ready now to face this kind problems?

• Make your friendship with Jehovah strong: As you de study Bible, look for people story and advice for Bible wey go help you trust Jehovah and e organization more and wey go still help you support only Jehovah and e Kingdom. (Pr 12:5; jr 125-126 ¶23-24) This na the time for us to make our friendship with brothers and sisters for congregation, really strong.—1Pe 4:7, 8

• Arrange things wey you go need: In case wuna no fit run comot from wuna house, make sure say wuna dey safe and keep enough things wey wuna go need. Still plan wetin wuna go do in case wuna need to run comot. Check whether the things wey dey inside your go bag still good. Still put things like hand glove, face mask, and money for your go bag. Know how you go contact the elders and make sure say they know how they go contact you.—Isa 32:2; g17.5 3-7

When problem dey your area, continue to make your friendship with Jehovah strong. (Php 1:10) Make wuna stay for house unless wuna really need to go out. (Mt 10:16) Make wuna share food and other things with other people.—Ro 12:13.

WATCH THE VIDEO YOU DON READY FOR SERIOUS PROBLEM WEY FIT HAPPEN FOR YOUR AREA? AND AFTER, MAKE WUNA ANSWER THIS QUESTIONS:

• How Jehovah fit help us when serious problem or disaster happen for our area?

• Wetin we fit do to prepare?

• How you fit help other people wey this kind problem affect?