PELAJARAN 6

Appa Pamenne da Ata a Mate?

1. Appa liʼi egewe torada ata mate?

The resurrected Lazarus is welcomed back by his sisters Martha and Mary

Na Yesu baneʼe puni ponu tana, ollena a ngarana Lasarusa na mate. Na Lasarusa na mate a pata loddo bana, bana dukki Yesu ne umma na. Yesu, Marta monno Maria, a kako ne mbarra ratena Lasarusa. Ndana mandoʼiwege, mangeda ata a pakuana. Pangedda moge nia, Marta monno Maria a kalada ate tetakka, ba etawa Yesu bana pakedde bali wa Lasarusa.—Mbaca Joane 11:21-24, 38-44.

Marta na pande bage liʼi ege tubada ata mate. Na pandege bana Yahwe ba enga pakedde na ata mate gaʼi ka moripa bali ne ponu tana.—Mbaca Joane 11:24, 43.

2. Appa papoddana ata mate nebalinnawe?

Adam’s creation, and later his death — Linnage Alla mbarra na Andam, ”Paʼu tana diwu monno enga wali bali dimu paʼu tana dana.”—KEJADIAN 3:19.

Ata piʼa a padadindi wali paʼu tana. (Kejadian 2:7; 3:19) Ata piʼa inda malaikata kiwi. Bata mate ba dinna, ndata moripa bana mbali roʼo. Pangedda nda na mate kaibawe. Niawe, natti Lasarusa ndana tekki kiwi ba appa papodda na etti bana mate, oroge ata mate ndaʼi ba papodda da.—Mbaca Mazmur 146:4; Pengkhotbah 9:5, 6, 10.

Appa na Alla, na tunnu takka wi ata mate? Linnage Mbuku Bia, ata mate ndaʼi ba papodda da. Oro a linnana, api neraka panungnga nda biawe, kondoka dani Alla. Ne tunnu ata mate na madinggilage Alla monno ndana pangedda pongu kige.—Mbaca Yeremia 7:31.

Kaderiwe vindio Appa Papeddana Ata Mate?

3. Na mbisa dikowe ata mate panewe dengnga nda?

Ata mate nda panewe monno nda rengnge bana. (Mazmur 115:17) Takka, waʼi malaikata a bokala. Ghidda donna a kabali ata mate ba panewe dengnga ndi ata moripa. (2 Petura 2:4) Yahwe na eri nda bata panewe dengnga na ata mate.—Mbaca Ulangan 18:10, 11.

4. Garrani a moripa bali?

A man who was resurrected back to life in Paradise learns about God. Then the man helps teach others who are resurrected.

Mangeda ata a mateba a toleka bali ne ponu tana. Ata nda pande puni Alla monno ata a bokala a pakedde kaiwi.—Mbaca Luka 23:43; Pazuru 24:15.

Ata a moripa bali enga mbelajara a bia tubana Alla monno a manundu mbarra Yesu, bowo dawe ate wai da mbara na. (Pabuwe 20:11-13) Ata a moripa bali a raige a ndua monno moripa muri wali-muri wali ne ponu tana.—Mbaca Joane 5:28, 29.

5. Na Yahwe, kana pakeddewa ata mate?

Ata mate a moripa bali oroge na Yahwe na patuka bani Yesu gaʼi kana mate tuba nda ghitta. Oro Na manawara nda monno ndua ate niaka, kana pakedde ata mate. Ne ba kedde ata mate, garai pambei tabboka ullu mu?—Mbaca Joane 3:16; Roma 6:23.

Ga,i ka pande paluana, mbaca kawukku 6, 7, monno 10 mbuku Apa yang Bisa Kita Pelajari dari Alkitab?