Sopo
11 Neʼe tali e Tesofale+ te tagata Naamati:
2 “ ʼE mole maʼu anai koa he tali ki ʼau palalau fuli,
Peʼe ke tonu koa he ʼe lahi ʼau palalau?
3 ʼE fakalogologo anai koa te hahaʼi ʼuhi ko ʼau palalau noa?
ʼE mole fakatonutonuʼi anai koa koe ʼuhi ko ʼau nukinuki?+
5 Ka na pau la neʼe fia palalau te ʼAtua,
ʼO tali atu kia koe,+
6 ʼE ina fakaha atu anai te ʼu meʼa fakalilo ʼae ʼe ina iloʼi koteʼuhi ʼe poto,
He ʼe lahi te ʼu faʼahi kehekehe ʼo te poto.
Pea ʼe ke mahino ai anai ʼe mole fia manatuʼi e te ʼAtua ʼau ʼihi hala.
7 ʼE feala koa ke ke iloʼi te poto lahi ʼo te ʼAtua,
Pea mo iloʼi ia meʼa fuli ʼo ʼuhiga mo te Mafimafi?
8 ʼE maʼoluga age te poto ʼi te lagi. Koia, kotea ʼae ʼe ke lava fai?
ʼE loloto age ia ʼi te Faitoka.* Koia, kotea ʼae ʼe ke lava mahino ki ai?
9 ʼE loa age ia ʼi te kele
Mo laulahi age ia ʼi te tai.
10 Kapau ʼe fakalaka te ʼAtua, ʼo ina pilisoniʼi he tahi, mo ina ʼave ki he fakamauʼaga,
Ko ai ʼae ʼe lava fakafeagai kia te ia?
11 He ʼe ina iloʼi te kau kaka.
Ka sio ki te kovi, ʼe mole ina tokagaʼi koa la?
12 Kae ʼe hoki mahino anai he tagata vale ki he meʼa
ʼI te ʼaho ʼae ka tupu ai he tagata mai he asino vao.
13 ʼOfa pe ke ke teuteuʼi tou loto
Pea ke ke faikole ki te ʼAtua!
14 Kapau ʼe fai e tou nima te kovi, fakamamaʼo te kovi ʼaia,
ʼAua naʼa ke tuku te heʼe faitotonu ʼi ʼou fale la.
15 ʼE mole ke ufiufi anai ʼi te lagaʼi ake ʼo tou ʼulu,
ʼE ke tuʼu malohi anai ʼo mole ke mataku.
16 ʼE ke galoʼi anai ʼou malaʼia,
ʼE mole ke toe manatuʼi anai ohage pe ko ni vai kua tafe.
17 ʼE hage anai tou maʼuli ko te mu malohi ʼo te laʼa ʼi te fetapa
Pea ʼe hage anai te fakapoʼuli ko te uhu.
18 ʼE ke lotofalala anai he ʼe ʼi ai te ʼamanaki,
ʼE ke sio anai ki ʼou tafaʼaki pea ʼe ke takoto fimalie anai.
19 ʼE ke takoto anai kae ʼe mole fakamatakuʼi koe e he tahi,
ʼE kumi anai e te tokolahi ia tou ʼofa.
20 Kae ʼe nenefu anai te sio ʼa te kau agakovi,
ʼE mole natou maʼu anai he koga meʼa ke natou feholaki ki ai,
Pea ko tanatou ʼamanaki pe ʼe tahi ʼe ko te mate.”+