Sopo
16 Neʼe tali e Sopo:
2 “Kua tuʼa lahi taku logo ki ni meʼa feia.
Ko koutou fuli ko ni kau fakapelepele fakatupu mamahi!+
3 ʼE ʼi ai koa he gataʼaga ʼo te ʼu palalau vaʼiganoa?
He koʼe ʼe ke tali feia mai?
4 ʼE feala pe ke au palalau ohage ko koutou.
Ka na ko koutou la ia au,
ʼE feala pe ke au fai ni palalau mālie ʼo fakafeagai atu
Pea mo kalokalo kia koutou.+
6 Kapau ʼe au palalau, ʼe mole fimalie toku mamahi.+
Kapau ʼe tuku taku palalau, ʼe siʼisiʼi ai koa toku mamahi?
8 Neʼe ina toe puke mo au, ʼo sio mata ki ai te hahaʼi,
ʼE ha lelei ʼi toku sino kovi ia tana fakafeagai kia au.
9 Neʼe ina laliki au ʼuhi ko tona hauhau, pea ʼe fehiʼa kia au.+
ʼE gugu nifo ʼuhi ko au.
ʼE hage ʼe hukiʼi au e toku fili ʼaki pe tana sio.+
10 Neʼe avahi lahi e ni tagata ʼonatou gutu ʼo fakafeagai kia au,+
Neʼe natou fepatakiʼi mo manukiʼi au.
ʼE kaugamalie ia natou ʼae ʼe fakatahitahi ʼo fakafeagai kia au.+
11 ʼE tuku au e te ʼAtua kia nima ʼo te ʼu kiʼi tama,
Pea ʼe ina siʼaki au kia nima ʼo te kau agakovi.+
12 Neʼe au fimalie, kae neʼe ina gaohi koviʼi au.+
Neʼe ina puke au ʼi toku tuʼa kia pea ina laliki au.
Neʼe ina fana au ʼaki ʼana kauʼi nahau.
13 ʼE takatakai au e ʼana tagata fainahau.+
ʼE mole hake pe la ia ia he ʼofa ʼi tana hukiʼi ʼoku ifiifi,+
ʼO hali ai toku ʼahu ki te kele.
14 ʼE ʼoho mai kia au ohage ko he tagata tau,
ʼE au hage ko he kaupa ʼe ina pūhi.
16 Kua kula momoho toku fofoga ʼi te tagi,+
Kua fakapoʼuli ʼoku laumata.
17 Kae neʼe mole au fakahoko he agamalohi,
Pea ʼe au faikole fakamalotoloto.
18 Kele, ke ʼaua naʼa ke ʼuʼufi toku toto!+
Ke mole ʼi ai he fimalie ki taku kalaga!
19 ʼE ʼi ai te tahi ʼi te lagi ʼe feala ke ina fakamoʼoni ʼe mole au lakahala.
Ko ia ʼae ʼe nofo ʼi te ʼu potu maʼoluga ʼe feala ke ina haofaki au.
21 Ke ʼi ai he tahi ʼe ina fakatokatoka te fihi ʼa he tagata mo te ʼAtua,
Ohage pe ko tona fai ki he foʼi toko lua.+