Sopo
21 Neʼe tali e Sopo:
2 “Kotou fagono lelei mai ki ʼaku palalau,
Kotou tuku mai pe te faigamalie ʼaia ke au fimalie ai.
3 Kotou kataki kae ʼe au palalau atu,
Ka ʼosi pe taku palalau, pea hoki feala leva ke kotou vaʼi au.+
4 ʼE au lauga koa ki he tagata?
He ʼe kapau koia, ʼe mole puli anai koa taku kataki?
5 Kotou sioʼi au mo kotou punamaʼuli,
ʼAua naʼa kotou palalau.
6 ʼE au hoha moka ʼe au manatu ki te ʼu meʼa ʼaia,
Pea ʼe tete toku sino katoa.
8 ʼE nonofo tuʼumaʼu pe ʼanatou fanau ʼi ʼonatou tafa,
Mo sisio ki ʼonatou hakoga.
9 ʼE tokalelei ʼonatou loto fale, ʼe mole maʼu ai te mataku,+
ʼE mole fakatuʼā natou e te ʼAtua ʼaki tana ʼakau.
10 ʼE malolohi ʼanatou vitulo ʼo fakatupu ni ʼuhi.
ʼE fanaunau ʼanatou pipi fafine, pea ʼe mole mamate ʼonatou ʼuhi.
11 ʼE feleleʼi ʼanatou fanau ʼi tuʼa ohage ko he faga ovi,
ʼE gaoʼi fakafiafia ʼanatou fanau.
12 ʼE natou hiva mo ta te nafa mo te alepa,
Pea ʼe natou fiafia moka natou logo ki te puhi fagufagu.+
14 Kae ʼe natou ui ki te ʼAtua moʼoni: ‘Tukunoaʼi matou!
ʼE mole matou fia iloʼi tuʼa tahi ʼau manatu.+
15 Ko ai koa te Mafimafi ke matou tauhi kia te ia?+
Kotea anai te ʼu lelei ʼe matou maʼu ʼi tamatou iloʼi ia ia?’+
16 Kae ʼe au iloʼi ʼe mole natou pule ki ʼonatou koloa.+
ʼE mamaʼo ia au te ʼu manatu* ʼa te kau agakovi.+
17 ʼE mate tuʼa fia te malama taki ʼo te kau agakovi?+
ʼE hoko tuʼa fia te malaʼia kia natou?
ʼE fakahoko tuʼa fia e te ʼAtua te fakaʼauha kia natou ʼuhi ko tona hauhau?
18 ʼE natou liliu koa ohage ko te luna moamoa ʼi te matagi,
Mo te kiliʼi fulumeto ʼae ʼe viligia ʼi te afā?
19 ʼE taʼofi anai e te ʼAtua ki te ʼu foha te tautea ʼa te tamai.
Kae ke toe fakatonutonuʼi e te ʼAtua ia ia, ke mahino ki tana hala.+
20 Ke sio mata ki tona fakaʼofaʼofa,
Pea ke ina inu te hauhau ʼo te Mafimafi.+
21 ʼE ina meʼa noaʼi ia te meʼa ʼae ka hoko ki tona loto fale hili tona mate,
He ʼe mole kei lahi ʼona mahina.+
22 ʼE feala koa ke akoʼi te poto* ki te ʼAtua,+
Ia Ia ʼae ʼe ina fakamauʼi ia natou ʼae ʼe maʼuhiga?+
23 ʼE mate he tagata kae neʼe kei malohi,+
Neʼe mole hona fihifihia pea neʼe maʼuli fimalie,+
24 Neʼe fua lalahi ʼona kauaga,
Pea neʼe malohi ʼona hui.
25 Pea ʼe mate fakaʼofaʼofa he tahi tagata,
Kae heʼeki ina ʼahiʼahi te ʼu meʼa lelei ʼo te maʼuli.
28 ʼE kotou ui: ‘ ʼE ʼifea te ʼapi ʼo te tagata maʼuhiga,
Mo te fale la ʼae neʼe nonofo ai te kau agakovi?’+
29 Neʼe mole kotou fakafehuʼi koa la te kau faifagona?
Neʼe mole kotou vakaʼi fakalelei koa la ʼanatou manatu,
30 ʼI tanatou ui ʼae ʼe hao te tagata agakovi ʼi te ʼaho ʼo te malaʼia,
Mo haofaki ʼi te ʼaho ʼo te hauhau?
31 Ko ai koa ʼae ka ina fakaha fakahagatonu age tana aga,
Pea mo tauteaʼi ia ia ʼo ʼuhiga mo te meʼa ʼae neʼe ina fai?
32 Ka ʼave ki te tanuma,
ʼE leʼoleʼo anai tona fale maka.
33 ʼE nofo fimalie anai ʼi te lalo kele,+
Pea ʼe muliʼi anai ia ia e te hahaʼi fuli,+
Ohage pe ko te tokolahi ʼae kua mumuʼa atu.
34 ʼE mole he ʼuhiga ʼo takotou fakalotofimalieʼi au.+
ʼE kaka fuli pe ʼakotou tali!”