Sopo
36 Neʼe hoko atu e Eliu:
2 “Ke ke toe kataki pe kae au fakamahino atu,
ʼE tonu ke au tala atu te tahi ʼu logo mai te ʼAtua.
3 ʼE au palalau anai ki te ʼu meʼa fuli ʼae ʼe au iloʼi,
Mo fakamoʼoni ki te faitotonu ʼo Ia ʼae neʼe ina faʼu au.+
5 ʼEi, ʼe mafimafi te ʼAtua+ pea ʼe mole ina liʼaki he tahi,
ʼE lahi te ʼu meʼa ʼae ʼe mahino ki ai.
6 ʼE mole ina haofaki anai te maʼuli ʼo te kau agakovi,+
Kae ʼe ina fakahoko te faitotonu kia natou ʼae ʼe maʼuli mamahi.+
7 ʼE mole haga kehe ʼona mata mai te kau faitotonu,+
ʼE ina fakanofo natou ko ni hau,*+ pea mo hikihiki natou ʼo talu ai.
8 Kae kapau ʼe seiniʼi natou,
Mo haʼisia ʼi te ʼu maea ʼo te mamahi,
9 ʼE fakaha age e te ʼAtua te meʼa ʼae neʼe natou fai,
Mo ʼanatou talagataʼa ʼae neʼe hoko ʼuhi ko tanatou fiameʼalahi.
10 ʼE ina avahi ʼonatou taliga ki te fakatonutonu,
Mo ui age ke natou situʼa ki te meʼa ʼae ʼe kovi.+
11 Kapau ʼe natou fakalogo mo tauhi kia te ia,
ʼE natou fakaʼosi anai ʼonatou ʼaho ʼi te fimalie,
Mo fiafia ʼonatou taʼu.+
12 Kae kapau ʼe mole natou fakalogo, ʼe natou mamate anai ʼi te heleta,*+
ʼE mamate anai kae ʼe mole natou iloʼi he meʼa.
13 ʼE lotokovi anai te hahaʼi ʼae ʼe mole fakaʼapaʼapa ki te ʼAtua.*
ʼE mole natou kole tokoni logope la tana haʼi natou.
14 ʼE natou mamate kae ʼe kei natou tupulaga,+
15 Kae ʼe haofaki e te ʼAtua* ia natou ʼae ʼe maʼuli mamahi,
ʼE ina avahi ʼonatou taliga moka fakamamahiʼi natou.
16 ʼE ina fakamamaʼo koe mai te mamahi,+
ʼO taki koe ki he koga meʼa laulahi, ʼe mole ʼi ai he fihifihia,+
Pea ʼe mahu te meʼa kai lelei ʼi tou laupapa moʼo fakafimalieʼi koe.+
17 Pea ʼe ke fiafia anai ʼi te fakamau ʼae ka fai ki te kau agakovi,+
Moka fakaha te fakamau pea mo fakahoko te faitotonu.
18 Kae tokaga naʼa taki koe e te ita ki te meʼa ʼae ʼe kovi,+
ʼAua naʼa fakahalaʼi koe ʼaki he meʼa ʼofa lahi neʼe foaki fakakaka atu.
19 ʼE ʼi ai anai koa he fua ʼo tau kole tokoni mo ʼau faiga malohi?
ʼE haofaki anai koa koe mai te lotomamahi?+
20 ʼAua naʼa ke fakaʼamu ki te poʼuli,
Te temi ʼae ʼe pupuli ai te hahaʼi ʼi ʼonatou nofoʼaga.
21 ʼAua naʼa ke fai te meʼa ʼae ʼe kovi,
Kae kataki ʼo tauʼi te malaʼia.+
22 ʼE maʼoluga te ʼAtua ʼuhi ko tona mafimafi,
Ko ai te faiako ʼae ʼe hage ko ia?
23 Ko ai ʼae ʼe feala ke ina puleʼi* tana aga,+
Peʼe ina ui age: ‘ ʼE kovi te meʼa ʼae neʼe ke fai’?+
25 Neʼe sisio ki ai te hahaʼi fuli,
ʼE sio ki ai te tagata mai mamaʼo.
27 ʼE ina tanaki te ʼu mosiʼi vai,+
He ʼe liliu ai te kakapu ko te ʼua,
28 Pea ʼe tuku leva e te ʼu ʼao ke to te ʼua,+
ʼO to lahi ai ki te hahaʼi fuli.
29 Ko ai koa ʼae ʼe lava mahino ki te ʼu ʼao,
Pea mo te mana ʼae ʼe haʼu mai tona fale la?+
31 ʼAki te ʼu meʼa ʼaia, ʼe ina fakamaʼuli te hahaʼi,
ʼE ina foaki lahi ai tanatou meʼa kai.+
32 ʼE ina ʼuʼufi te hila ʼaki ʼona nima,
ʼO fakahagahaga ki te potu ʼae ʼe loto ki ai.+
33 ʼE fakaha e te mana tana haʼu,
ʼE toe fakaha pe e te faga manu ia ia ʼae ka haʼu.*