Pesalemo
Masikile.* Faikole ʼa Tavite ʼi te ʼana.+
142 ʼE au kole tokoni kia Sehova.+
ʼE au kole mamahi te ʼofa ʼo Sehova.
2 ʼE au fakaha kia te ia taku tuʼania,
ʼE au fakaha kia te ia toku mamahi+
3 ʼI te temi ʼae ʼe mole kei au malohi ai.
Pea ʼe ke sioʼi toku ala.+
ʼE natou fufu he hele kia au,
ʼI te ala ʼae ʼe au haʼele ai.
4 Sio ki toku faʼahi mataʼu,
ʼE mole tokagaʼi au e he tahi.+
ʼE mole hoku holaʼaga.+
ʼE mole hoha he tahi ʼo ʼuhiga mo au.
5 Sehova e, ʼe au kole tokoni atu.
ʼE au ui: “Ko koe toku nonoʼaga,+
Toku vahe ʼi te fenua ʼo te kau maʼuli.”
6 Tokaga mai ki taku kole tokoni atu,
He ʼe mole kei hoku malohi.
Haofaki au mai ia natou ʼae ʼe natou fakatagaʼi au,+
He ʼe natou malolohi age ia au.
7 Fakamavae au mai te fale pilisoni
Ke au vikiʼi tou huafa.
Ke ʼa takai au e te kau faitotonu,
He ʼe ke manavaʼofa kia au.