Pesalemo
Ki te pule ʼo te kau faimaholo. Mikitame* ʼa Tavite, ʼo mulimuli ki te fasi ʼo te hiva “ ʼAua Naʼa Ke Maumauʼi.” ʼI te temi ʼae neʼe feholaʼaki ai ia Tavite mai ia Saulo, ʼo alu ʼo nono ʼi te ʼana.+
57 ʼAtua e, fakaha mai tou ʼofa, ʼei, fakaha mai tou ʼofa,
He ʼe au nono ia te koe,+
ʼE au nono ʼi te malumalu ʼo ʼou pakakau ʼo kaku ki te ʼosi ʼo te ʼu malaʼia.+
2 ʼE au pauʼi te ʼAtua Maʼoluga,
Te ʼAtua moʼoni ʼae ʼe ina fakagata ʼoku malaʼia.
3 ʼE ina haofaki anai au mai te lagi mo fakamaʼuli au.+
ʼE ina fakahao anai au mai ia ia ʼae ʼe ina tuli au. (Sela)
ʼE fakaha mai anai e te ʼAtua tana agalelei* mo tana agatonu.+
4 ʼE ʼa takai au e ni laione,+
ʼE au moe fakakinau ʼi te lotolotoiga ʼo ni tagata ʼe natou fia kai au.
Ko ʼonatou nifo ko ni tao mo ni kauʼi nahau,
Pea ko tonatou ʼalelo ʼe ko he heleta masila.+
5 ʼAtua e, ke ke maʼoluga age ʼi te ʼatu lagi,
Ke maʼu tou kololia ʼi te kele katoa.+
Neʼe natou keli he luo ʼi ʼoku muʼa,
Kae ko natou ʼae neʼe fetoki ki ai.+ (Sela)
7 ʼAtua e, ʼe malohi toku loto,+
ʼEi, ʼe malohi toku loto.
ʼE au fia hiva mo faimaholo.
8 ʼE au ʼala ake anai.
ʼE au ʼala mafoata anai.
ʼE au fia ta te alepa pea mo ʼihi meʼa faimaholo kauʼi uka.+
9 Sehova e, ʼe au vikiʼi anai koe ʼi te lotolotoiga ʼo te hahaʼi.+
ʼE au hiva atu anai ni fakavikiviki* ʼi te lotolotoiga ʼo te ʼu puleʼaga.+
10 ʼE lahi tou ʼofa agatonu ohage ko te maʼoluga ʼo te ʼatu lagi,+
Pea ʼe kaku tau agatonu ki te lagi kauʼaoa.
11 ʼAtua e, ke ke maʼoluga age ʼi te ʼatu lagi.
Ke maʼu tou kololia ʼi te kele katoa.+