Pesalemo
Ki te pule ʼo te kau faimaholo, ʼo mulimuli ki Setutune.* Pesalemo ʼa Tavite.
62 ʼEi, ʼe au atalitali fakalogologo ki te ʼAtua.
Ko ia toku haofakiʼaga.+
2 ʼEi, ko ia toku ʼutu, mo toku haofakiʼaga, mo toku nonoʼaga moʼoni.+
ʼE mole au tukia anai ʼo toka ʼi he temi.+
3 ʼE kaku anai ki ʼafea takotou tauʼi he tagata ke matehi?+
ʼE kotou fakatupu tuʼutamaki fuli ohage ko he kaupa ʼe falele, ʼei, he kaupa maka kua vave holo.*
4 ʼE natou felogoi ke natou fakahifo ia ia mai tona tuʼulaga maʼoluga.
ʼE natou leleiʼia te loi.
ʼE natou tapuakiʼi ʼaki ʼonatou gutu kae ʼe natou lotokovi.+ (Sela)
6 ʼEi, ko ia toku ʼutu, mo toku haofakiʼaga, mo toku nonoʼaga moʼoni.
ʼE mole au tukia anai ʼi he temi.+
7 Ko te ʼAtua ʼae ka ina haofaki au pea mo foaki mai te kololia.
ʼE ko te ʼAtua toku ʼutu malohi mo toku nonoʼaga.+
8 Siʼaku hahaʼi, kotou falala kia te ia ʼi te temi fuli.
Kotou avahi ʼokotou loto kia te ia.+
Ko te ʼAtua ʼe ko hotatou nonoʼaga.+ (Sela)
9 ʼE hage te ʼu foha ʼo te tagata ko he ʼaele,
ʼEi, ʼe hage te ʼu foha ʼo te tagata ko he moemisi.+
Ka fua fakatahi ia natou, ʼe natou maʼamaʼa age ʼi he ʼaele.+
10 ʼAua naʼa kotou falala ki te faikaka ke kotou maʼu koloa ai,
ʼAua naʼa kotou ui ʼe kotou maʼu anai he ʼu lelei mai te kaihaʼa.
Ka lahi ʼokotou koloa, ʼaua naʼa tau ai ʼokotou loto.+
11 Neʼe au logo tuʼa lua ki te ui ʼa te ʼAtua,
ʼE ina maʼu te mafimafi.+