Ekesote
15 ʼI te temi ʼaia, neʼe hiva e Moisese mo te kau Iselaele ia te hiva ʼaeni kia Sehova:+
“Ke au hiva kia Sehova, he ʼe lahi tona kololia.+
Neʼe ina li ki te tai te hosi pea mo te tagata ʼae neʼe heka ai.+
2 ʼE ko Sehova* toku malohi, he neʼe liliu ko toku haofakiʼaga.+
ʼE ko ia toku ʼAtua, pea ʼe au vikiʼi anai ia ia.+ ʼE ko te ʼAtua ʼo taku tamai,+ pea ʼe au fakamaʼuhigaʼi anai ia ia.+
3 Ko Sehova ʼe ko he tagata tau malohi.+ Ko tona huafa ʼe ko Sehova.+
4 Neʼe Ina li ki te tai te ʼu saliote ʼa Falaone pea mo tana foʼi kautau,+
Pea neʼe mou ʼi te Tai Kula ʼana tagata tau toʼa.+
5 Neʼe mapeʼe ifo kia natou te ʼu foʼi peau. Neʼe natou mou ai ohage ko he foʼi maka.+
6 Sehova e, ko tou nima mataʼu ʼe mafimafi,+
Sehova e, ʼe feala ke laliki e tou nima mataʼu te fili.
7 ʼE ke lava fakaʼauha ia natou ʼae ʼe agatuʼu kia te koe he ʼe ke mafimafi.+
ʼE hage tou hauhau ko he afi kakaha, ʼe ina tutu natou ohage ko he luna moamoa.
8 ʼAki te manava ʼae ʼe haʼu mai ʼou poga ihu, neʼe tanaki ai te ʼu vai.
Neʼe ke taʼofi te ʼu vai ʼaia pea neʼe hage ko he kaupa.
Neʼe tutuʼu maʼu te ʼu foʼi peau ʼi te loto tai.
9 Neʼe ui e te fili: ‘ ʼE au tuli anai ia natou! ʼE au maʼu anai ia natou!
ʼE au vaevae anai te ʼu koloa pea ʼe au* fiafia anai!
ʼE au tohoʼi anai taku heleta! ʼE au maumauʼi anai ia natou!’+
10 Neʼe ke fakaagi tau matagi, neʼe mapeʼe ifo te tai kia natou.+
Neʼe natou mou ohage ko he pulu ʼi te loto tai.
11 Sehova e, ʼe mole he tahi age ʼatua ʼe hage ko koe!+
ʼE mole he ʼatua ʼe maʼoniʼoni ohage ko koe!+
Ko koe ʼae ʼe tonu ke matou manavasiʼi ki ai ʼaki ni hiva fakavikiviki, ko koe ʼae ʼe ke fai he ʼu gaue fakaofoofo.+
12 Neʼe ke faoʼi tou nima mataʼu, pea neʼe folo ia natou e te kele.+
13 Neʼe ke taki te hahaʼi ʼae neʼe ke totogi ʼuhi ko tou ʼofa agatonu.+
ʼE ke taki anai ia natou ʼaki tou malohi ki tou nofoʼaga maʼoniʼoni.
15 ʼI te temi ʼaia, ʼe matataku anai te kau pule telepi ʼo Etome,
Pea ʼe tekelili anai te kau pule malohi ʼo Moape.+
ʼE lotovaivai anai te hahaʼi fuli ʼo Kanaane.+
16 ʼE natou matataku ʼaupito anai.+
ʼE mole natou gaugaue anai ohage ko he fuʼu maka ʼuhi ko tou nima mafimafi
ʼO kaku ki te fakalaka ʼo tau hahaʼi, Sehova e,
ʼO kaku ki te fakalaka ʼo te hahaʼi ʼae neʼe ke faʼufaʼu.+
17 ʼE ke ʼaumai anai ia natou ʼo fakanofo ʼi tou moʼuga,*+
Te koga meʼa ʼae neʼe ke teuteuʼi ke ke nofo ai, Sehova e,
Te sagatualio ʼae neʼe fakatuʼu e ʼou nima, Sehova e.
18 ʼE hau anai ia Sehova ʼo talu ai.+
19 Neʼe olo te ʼu hosi ʼa Falaone, mo ʼana saliote tau, pea mo ʼana tagata heka hosi ʼi te loto tai,+
Pea neʼe tuku age e Sehova te ʼu foʼi peau ke mapeʼe ifo kia natou,+
Kae neʼe haʼele te hahaʼi ʼo Iselaele ʼi te loto tai, ʼi he kele moamoa.”+
20 Ko te tokolua ʼo Alone, ia Miliamu te fafine polofeta, neʼe ina toʼo leva tana nafa, pea neʼe muliʼi ia ia e te ʼu fafine fuli mo ʼanatou nafa pea neʼe natou memeʼe. 21 Neʼe tali e Miliamu ki te ʼu tagata, ʼo hiva:
“Kotou hiva kia Sehova, he ʼe lahi tona kololia.+
Neʼe ina li ki te tai te hosi pea mo te tagata ʼae neʼe heka ai.”+
22 Ki muli age, neʼe taki e Moisese ia Iselaele, ʼo natou mavae mai te Tai Kula ʼo olo ki te toafa ʼo Sule. Pea neʼe natou haʼele lolotoga ʼaho ʼe tolu ʼi te toafa, kae neʼe mole natou maʼu he vai. 23 Neʼe natou tau leva ki Mala,*+ kae neʼe mole feala hanatou inu te vai ʼo Mala he neʼe kona. Koia ʼae neʼe fakahigoaʼi ai te koga meʼa ʼaia ko Mala. 24 Pea neʼe muhumuhu te hahaʼi kia Moisese,+ ʼo natou ui: “Kotea anai ka matou inu?” 25 Neʼe pauʼi ai ia Moisese kia Sehova,+ pea neʼe fakaha age e Sehova kia ia he fuʼu ʼakau. ʼI tana li te fuʼu ʼakau ʼaia ki te vai, neʼe huʼa lelei ai te vai.
ʼI te koga meʼa ʼaia, neʼe Ina foaki kia natou he lao. Pea ʼaki te meʼa ʼaia neʼe hoko, neʼe iloʼi ai e te hahaʼi pe kotea te fakamau ʼa te ʼAtua, pea neʼe Ina ʼahiʼahiʼi ia natou ʼi ai.+ 26 Neʼe ina ui: “Kapau ʼe kotou fakalogo lelei ki te leʼo ʼo Sehova tokotou ʼAtua, mo fai te meʼa ʼae ʼe lelei ki ʼona mata, mo tokagaʼi ʼana fakatotonu pea mo taupau ʼana lekula fuli,+ ʼe mole au tauteaʼi anai ia koutou ʼaki he mahaki ʼi te ʼu mahaki ʼae neʼe au tauteaʼi ʼaki te kau Esipito,+ koteʼuhi ko au, ia Sehova, ʼe au fakamalolo anai ia koutou.”+
27 Hili ʼaia, neʼe natou tau leva ki Elimi, ʼae neʼe ʼi ai ni matapuna vai ʼe 12 pea mo ni fuʼu palema ʼe 70. Neʼe natou fakatuʼu ai tonatou nofoʼaga ʼo ovi ki te vai.