Selemia
46 Koʼeni te meʼa ʼae neʼe ui e Sehova ki te polofeta ko Selemia ʼo ʼuhiga mo te ʼu puleʼaga:+ 2 Ko te logo ki Esipito+ ʼo ʼuhiga mo te foʼi kautau ʼo te hau ʼo Esipito, te Falaone ko Neko,+ ʼae neʼe nofo ovi ki te Efalate pea neʼe malo ai te Hau ʼo Papiloni ko Nepukanesa ʼi Kalekemisi, ʼi te fa taʼu ʼo te temi pule ʼo te hau ʼo Suta ko Soakimi,+ foha ʼo Sosiasi:
3 “Kotou teuteuʼi ʼakotou meʼa tali tau liliki* mo lalahi,
Pea kotou haʼele ki te tau.
4 Kau solia, kotou fakagutu te ʼu hosi mo heheka ki ai.
Kotou fakaʼatu ki te tau mo ʼai ʼokotou puloga.
Kotou fakamasila te ʼu tao mo tui ʼokotou kofu tau.
5 ‘ ʼE au tokagaʼi ʼe natou tekelili. Kotea ʼae ʼe hoko?
ʼE natou holomuli pea kua to ʼanatou tagata malolohi ʼi te tau.
Neʼe natou feholaki ʼi te mataku pea neʼe mole pe la he tahi neʼe sio ki muli ʼi ʼanatou tagata malolohi.
ʼE maʼu te mataku ʼi te potu fuli,’ ko te ui ʼaia ʼa Sehova.
6 ‘ ʼE mole feala ke feholaki te ʼu tagata ʼae ʼe lele vave, ʼo feia mo te ʼu tagata malolohi.
Neʼe natou tukia mo fetokaʼi+
ʼI te potu noleto, ʼi te kauvai ʼo Efalate.’
7 Ko ai koa ʼae ʼe hake ohage ko te Nile,
Ohage ko te ʼu vai tafe ʼae ʼe hou?
8 Ko Esipito ʼae ʼe hake mai ohage ko te Nile,+
Ohage ko te ʼu vai tafe ʼae ʼe hou.
ʼE ina ui: ‘ ʼE au hake anai pea ʼe au ʼaofi anai te kele.
ʼE au maumauʼi anai te kolo mo ʼona hahaʼi.’
9 ʼU hosi, kotou hahake ake!
ʼU saliote, kotou gaholo!
Ke kamata haʼele te ʼu tagata malolohi,
Te ʼu tagata ʼo Kusi mo Puti ʼae ʼe natou fakaʼaogaʼi te meʼa tali tau,+
10 “Ko te ʼaho ʼaia ʼo te Tuʼi ʼAliki ko Sehova ʼo te ʼatu kautau, ko he ʼaho ʼo te lagavaka, te ʼaho ʼae ʼe lagavaka ai ki ʼona fili. ʼE matehi anai natou e te heleta ʼo makona ai, pea ʼe malie anai ʼi tana inu tonatou toto, koteʼuhi ʼe teuteuʼi e te Tuʼi ʼAliki ko Sehova ʼo te ʼatu kautau he sakilifisio* ʼi te fenua ʼo te potu noleto, ’o ovi ki te Efalate.+
11 Hake ki Kileate ʼo toʼo he lolo magoni,+
Taʼahine taupoʼou ʼo Esipito!
ʼE mole he fua ʼo tau toʼo liuliuga ni faitoʼo
He ʼe mole kei ʼi ai he faitoʼo kia koe.+
12 Neʼe iloʼi e te ʼu puleʼaga tou fakalainoaʼi+
Pea neʼe logo ʼau kalaga ʼi te fenua katoa.
Kua feʼiʼaki te ʼu tagata malolohi
Pea natou fetokaʼi fakatahi.”
13 Koʼeni te folafola ʼa Sehova ki te polofeta ko Selemia ʼo ʼuhiga mo te haʼu ʼa te Hau ʼo Papiloni ko Nepukanesa ʼo tauʼi ia Esipito:+
14 “Kotou fakaha ki Esipito, kotou tala ki Miketoli.+
Kotou tala ki Nofi* pea mo Takepanese.+
Kotou ui: ‘Kotou fakaʼatu ki te tau mo kotou teuteu,
He ʼe matematehi anai te hahaʼi ʼae ʼi ʼokotou tafa ʼaki te heleta.
15 He koʼe kua pulihi ʼakotou tagata toʼa?
Neʼe mole natou lava tutuʼu maʼu
He neʼe humuki natou e Sehova.
16 ʼE kaugamalie ia natou ʼae ʼe tukia mo fetokaʼi.
ʼE natou feuiʼaki:
“Tutuʼu ake! Tou liliu ki totatou hahaʼi pea mo totatou fenua
Ke tou mamaʼo mo te heleta fakahoko mate.” ’
17 Neʼe natou tala ai:
‘ ʼE mole he ʼuhiga ʼo te logoaʼa noa ʼa te hau ʼo Esipito ko Falaone,
18 ʼE ui e te Hau ʼae ko tona huafa ko Sehova ʼo te ʼatu kautau: ‘ ʼE au tala moʼoni atu,
ʼE haʼu anai* ohage ko Tapole+ ʼae ʼe maʼoluga ʼi te ʼu moʼuga,
Ohage ko Kalemelo+ ʼae ʼe maʼoluga ʼi te tai.
19 Taʼahine ʼae ʼe nofo ʼi Esipito,
Teuteuʼi ʼau meʼa he ʼe ʼave popula anai koe.
20 ʼE hage ia Esipito ko he pipi fafine matalelei kei mui,
Kae ʼe ʼomai anai ia te ʼu lago ʼusiʼusi mai te potu noleto ʼo kai ia ia.
21 ʼE tatau aipe mo ʼana kau solia ʼae neʼe ina totogi, kua hage ko ni ʼuhiʼi pipi sisino.
Kua natou holomuli mo feholaki fakatahi.
Neʼe mole natou tutuʼu maʼu,+
He ʼe kua hoko kia natou te ʼaho ʼo te malaʼia,
ʼI te temi ʼae kua tonu ke fakamauʼi ai natou.’
22 ‘ ʼE logoaʼa ohage ko he gata ʼe hola,
He ʼe kaugamalie ia natou ʼae ʼe natou tuli ia ia mo ni toki,
Ohage ko ni tagata ʼe natou taʼaga ni fuʼu ʼakau.*
23 ʼE natou tuʼusi anai tona vao matuʼa,’ ko te ui ʼaia ʼa Sehova, ‘logo la ʼe hage ʼe mole feala he ulu ki loto,
He ʼe natou kaugamalie ohage ni heʼe, ʼe mole feala honatou lau.
24 ʼE ufiufi anai te taʼahine ʼo Esipito.
ʼE tuku anai ia ia ki te nima ʼo te hahaʼi ʼo te potu noleto.’+
25 “ ʼE ui e Sehova ʼo te ʼatu kautau, te ʼAtua ʼo Iselaele: ‘Koʼeni, ʼe au tauteaʼi anai ia Amone,+ te ʼatua ʼo No,*+ mo Falaone, mo Esipito, mo ʼona ʼatua+ pea mo ʼona hau, ʼei, ia Falaone pea mo natou fuli ʼae ʼe falala ki ai.’+
26 “ ʼE ui e Sehova: ‘ ʼE au tuku anai ia natou ki te nima ʼo natou ʼae ʼe natou fia matehi natou, te Hau ʼo Papiloni ko Nepukanesa+ pea mo tana kau solia. Hili ia, ʼe toe nofoʼi anai ohage ko te temi muʼa.’+
27 ‘Kae ko koe taku tagata faifekau ko Sakopo, ʼaua naʼa ke mataku,
Pea ʼaua naʼa ke mataku, Iselaele.+
ʼE au haofaki anai koe mai te potu mamaʼo ʼae ʼe ke nofo ai,
Pea ʼe au haofaki anai tou hakoga mai te fenua ʼae ʼe natou pilisoni ai.+
ʼE toe liliu mai anai ia Sakopo. ʼE maʼuli fimalie anai mo tokalelei,
ʼO mole tuʼania ki he tahi.+
28 ʼAua naʼa ke mataku, taku tagata faifekau ko Sakopo, he ʼe au nofo mo koe,’ ko te ui ʼaia ʼa Sehova.