22 Neʼe manatuʼi leva e te ʼAtua ia Lasele, pea neʼe logo mo tali e te ʼAtua ʼana faikole ʼo ina fakafealagia ke faitama.+ 23 Neʼe faitama leva pea neʼe ina fanauʼi he tamasiʼi tagata. Neʼe ina ui leva: “Neʼe toʼo e te ʼAtua toku ufiufi!”+

10 Neʼe lotomamahi ʼaupito ia Ana, ʼo kamata faikole ai kia Sehova+ pea neʼe mole feala ke tuku tana tagi. 11 Pea neʼe ina fai te fakapapau ʼaeni: “Sehova ʼo te ʼatu kautau, sio ifo ki te mamahi ʼo tau kaugana. Kapau ʼe ke manatuʼi au ʼo mole ke galoʼi au mo foaki mai haku tamasiʼi tagata,+ ʼe au foaki atu anai ia ia kia te koe, Sehova, ke tauhi kia te koe ʼi tona maʼuli katoa, pea ʼe mole kosi anai tona ʼulu ʼi he temi.”+