Sopo
42 Neʼe tali leva ia Sopo kia Sehova:
2 “ ʼI te temi nei, kua au iloʼi ʼe ke fealagia ia meʼa fuli,
ʼE mole faigataʼa kia koe te fai ʼo meʼa fuli ʼe ke loto ki ai.+
3 Neʼe ke ui: ‘Ko ai ʼae ʼe ina ʼave keheʼi taku tokoni, kae ʼe mole ina iloʼi he meʼa?’+
Neʼe au palalau, kae neʼe mole au mahino
He ʼe ko ni meʼa fakaofoofo kia au, ni meʼa ʼe mole au iloʼi.+
4 Neʼe ke ui: ‘Fakalelei siʼou loto, fakalogo mai he ʼe au palalau anai.
ʼE au fakafehuʼi anai koe pea ʼe ke fakamahino mai.’+
5 Neʼe logo ʼoku taliga ki te palalau ʼo ʼuhiga mo koe,
Kae ʼi te temi nei, kua au sio tonu kia te koe.
7 ʼI te ʼosi palalau leva ʼa Sehova kia Sopo, neʼe ui e Sehova kia Elifasi te tagata Temane:
“ ʼE kovi toku ita kia koe mo ʼou kaumeʼa ʼae ʼe lua,+ koteʼuhi neʼe mole kotou tala te moʼoni ʼo ʼuhiga mo au,+ ohage ko taku kaugana ko Sopo. 8 Koia ʼi te lakaga nei, kotou toʼo ni vitulo ʼe fitu mo ni ovi tagata ʼe fitu, ʼo kotou olo ki taku kaugana ko Sopo pea kotou momoli mai kia te au he holokoseta ʼo ʼuhiga mo takotou agahala. Pea ʼe hufakiʼi anai koutou e taku kaugana ko Sopo.+ ʼE mahino papau ia, ʼe au tali anai tana kole. ʼE mole au liufaki atu anai ʼo mulimuli ki takotou agavale, logo la takotou mole tala te moʼoni ʼo ʼuhiga mo au, ohage ko taku kaugana ko Sopo.”
9 Neʼe olo ai ia Elifasi te tagata Temane, mo Pilitate te tagata Suake pea mo Tesofale te tagata Naamati ʼo fai te meʼa ʼae neʼe fakatotonu age e Sehova. Pea neʼe fakalogo ia Sehova ki te faikole ʼa Sopo.
10 ʼI te ʼosi hufakiʼi e Sopo ʼona kaumeʼa,+ neʼe fakagata ai leva e Sehova ʼona ʼahiʼahi+ pea mo toe liufaki age ʼona koloa. Neʼe foaki age e Sehova te ʼu meʼa ʼae neʼe ina maʼu ʼi muʼa atu ʼo liuga lua.+ 11 Ko ʼona tehina mo tokolua fuli, ʼo toe feia pe mo ʼona kaumeʼa ʼafeā fuli,+ neʼe natou ʼomai ai ʼo fakasiosio pea neʼe natou kakai mo ia ʼi tona ʼapi. Neʼe natou kaugā mamahi mo fakapelepeleʼi ia ia ʼo ʼuhiga mo te ʼu malaʼia fuli ʼae neʼe fakagafua e Sehova ke hoko ki ai. Neʼe natou tahi foaki age he foʼi piesi siliva mo he mama aulo.
12 Koia, neʼe lahi age te tapuakiʼi e Sehova te koga fakaʼosi ʼo te maʼuli ʼo Sopo ʼo laka age ʼi te kamata.+ Neʼe maʼu e Sopo ni ovi ʼe 14 000, ni kamelo ʼe 6 000, ni hoaʼi pipi ʼe 1 000 pea mo ni asino fafine ʼe 1 000.+ 13 Neʼe ina toe maʼu ni foha ʼe toko fitu mo ni ʼofafine ʼe toko tolu.+ 14 Neʼe ina fakahigoaʼi tona ʼofafine ʼuluaki ko Semima, te lua ko Ketesia, pea ko te tolu ko Kelene-apuke. 15 Neʼe mole maʼu he fafine ʼi te fenua neʼe finemui ohage ko te ʼu ʼofafine ʼo Sopo. Pea neʼe toe foaki age e tanatou tamai honatou tofiʼa, ohage pe ko ʼonatou tokolua.
16 ʼOsi ʼaia, neʼe hoko atu te maʼuli ʼo Sopo lolotoga taʼu ʼe 140, pea neʼe sio ki ʼana fanau mo ʼona mokopuna ʼo kaku ki te fa taʼiake. 17 Neʼe loaloaga mo fiafia te maʼuli ʼo Sopo, pea neʼe mate leva.