Pesalemo
Ki te pule ʼo te kau faimaholo. Masikile* ʼa Tavite, ʼo mulimuli ki te Mahalate.*
53 ʼE ui e te kau vale ʼi ʼonatou loto:
“ ʼE mole he Sehova.”+
ʼE kaka ʼanatou gaue pea ʼe fakalialia ʼanatou aga.
ʼE mole he tahi ʼe ina fai te meʼa ʼae ʼe lelei.+
2 ʼE sioʼi e te ʼAtua te ʼu foha ʼo te tagata mai te lagi,+
ʼO vakaʼi pe ʼe ʼi ai he tahi ʼe fakasiosio poto, mo ina kumi ia Sehova.+
3 Neʼe natou mavae fuli mai te ala ʼae ʼe totonu.
ʼE natou agakaka fuli.
ʼE mole he tahi ʼe ina fai te meʼa ʼae ʼe lelei,
ʼE mole pe la he foʼi tokotahi.+
4 ʼE mole ʼi ai koa la he tagata agakovi ʼe mahino?
ʼE natou kai taku hahaʼi ohage pe ʼe natou kai he moʼi pane.
ʼE mole natou tagi kia Sehova.+
5 Kae ʼe natou matataku ʼaupito anai,
ʼEi, neʼe heʼeki natou matataku feia ki muʼa atu,*
He ʼe laku anai e te ʼAtua te ʼu hui ʼo natou ʼae ʼe natou tauʼi ia koe.
ʼE ke fakalainoaʼi anai natou koteʼuhi neʼe liʼaki natou e Sehova.
6 ʼOfa pe ke maʼu te haofaki ʼo Iselaele mai Sione!+
Ke fakafiafia ia Sakopo, ke fiafia ia Iselaele,
Moka toe fakaliliu mai e Sehova tana hahaʼi mai te maʼuli popula!