Pesalemo
Ki te pule ʼo te kau faimaholo. Masikile* ʼa Tavite, ʼi te temi ʼae neʼe alu ai ia Toeke te tagata Etome ʼo fakaha kia Saulo neʼe alu ia Tavite kia Asimeleke.+
52 Tagata malohi, he koʼe ʼe ke laupisi ki ʼau gaue kovi?+
ʼE mole puli anai ʼi he temi te ʼofa agatonu ʼo te ʼAtua.+
2 ʼE masila tou ʼalelo ohage ko he mataʼi tele,+
ʼE ina fakatuʼutuʼu te ʼu gaue ʼae ʼe kovi pea mo ina fakahoko.+
3 ʼE ke leleiʼia age te kovi ʼi te lelei,
ʼE ke leleiʼia age te loi ʼi te palalau ki te meʼa ʼae ʼe totonu. (Sela)
4 ʼI gutukaka leva!
ʼE ke leleiʼia te ʼu palalau fuli ʼae ʼe fakatupu lavea.
5 Koia ʼae ʼe pulihi ai anai koe e te ʼAtua ʼo talu ai.+
ʼE ina puke anai koe mo taʼaki mai tou fale la.+
ʼEi, ʼe ina taʼaki anai koe mai te fenua ʼo te kau maʼuli.+ (Sela)
6 ʼE sio anai te kau faitotonu ki ai pea tupu ai hanatou fakaʼapaʼapa lahi kia te ia,+
Pea ʼe natou vaʼi anai te tagata agakovi, ʼo natou ui:+
7 “Koʼeni te tagata ʼae neʼe mole kumi nonoʼaga ʼi te ʼAtua,+
Kae neʼe falala ia ki te lahi ʼo ʼona koloa,+
Pea mo ʼana fakatuʼutuʼu kaka.”