Selemia
1 Koʼeni te ʼu folafola ʼa Selemia,* te foha ʼo Ilekisa, ʼae neʼe kau ʼi te kau pelepitelo ʼae neʼe maʼuʼuli ʼi Anatote,+ ʼi te fenua ʼo Pesamino. 2 Neʼe palalau ia Sehova kia ia ʼi te 13 taʼu ʼo te temi pule ʼo te hau ʼo Suta ko Sosiasi,+ te foha ʼo Amone.+ 3 Neʼe toe palalau kia ia ʼi te temi pule ʼo te hau ʼo Suta ko Soakimi,+ te foha ʼo Sosiasi, ʼo kaku ki te fakaʼosi ʼo te 11 taʼu ʼo te temi pule ʼo te hau ʼo Suta ko Setesiasi,+ te foha ʼo Sosiasi, ʼo kaku ki te ʼave popula ʼo te hahaʼi ʼo Selusalemi ʼi te nima mahina.+
4 Neʼe palalau mai ia Sehova ʼo ina ui:
Neʼe au fakanofo koe ko he polofeta ki te ʼu puleʼaga.”
6 Kae neʼe au ui: “Oie, siʼoku Tuʼi ʼAliki ko Sehova!
ʼE mole au poto ʼi te palalau ki te hahaʼi,+ he ʼe kei au tamasiʼi.”*+
7 Kae neʼe ui mai e Sehova:
“Tuku tau ui ʼae kei ke tamasiʼi.
ʼE tonu anai ke ke alu kia natou fuli ʼae ʼe au fekauʼi koe ki ai,
Pea ʼe ke fakaha anai ia meʼa fuli ʼae ʼe au fakatotonu atu.+
8 ʼAua naʼa ke mataku ʼi ʼonatou agaaga,+
He ʼe koʼeni te folafola ʼa Sehova: ‘ ʼE au nofo mo koe moʼou haofaki.’ ”+
9 Neʼe faoʼi leva e Sehova tona nima ʼo fāfā ki toku gutu.+ Pea neʼe ui mai e Sehova: “Neʼe au ʼai ʼaku folafola ki tou gutu.+ 10 Fakalogo, ʼi te ʼaho nei ʼe au tuku atu te pule ki ni hahaʼi mo ni puleʼaga, moʼo taʼaki pea mo taʼaga, moʼo maumauʼi pea mo holoʼi, moʼo laga pea mo to.”+
11 Neʼe toe palalau ia Sehova ʼo ina fehuʼi mai: “Selemia ʼe ke sio kitea?” Neʼe au tali age kia te ia: “ ʼE au sio ki he vaʼa amatie.”*
12 Neʼe ui mai leva e Sehova: “Neʼe tonu tau sio, he ʼe kua au ʼala lelei moʼo fakahoko taku folafola.”
13 Neʼe toe palalau mai ia Sehova ko tona tuʼa lua ʼaia mo fehuʼi mai: “ ʼE ke sio kitea?” Neʼe au tali age kia te ia: “ ʼE au sio ki he kulo ʼe pula, pea ʼe haga tona ava mai te potu noleto ki te potu saute.” 14 Neʼe ui mai leva e Sehova:
“ ʼE haʼu anai te malaʼia mai te potu noleto
Ki te hahaʼi fuli ʼo te fenua.+
15 Koʼeni te folafola ʼa Sehova:
‘ ʼE au pauʼi te ʼu famili fuli ʼo te ʼu puleʼaga ʼo te potu noleto,+
Pea ʼe natou ʼomai anai ʼo tahi tuku e ʼonatou hau tona hekaʼaga fakahau
ʼI te huʼaga ʼo te ʼu matapa ʼo Selusalemi,+
ʼI ʼona vaʼe kaupa ʼi te takafoli
Pea ʼe natou tauʼi anai te ʼu kolo fuli ʼo Suta.+
16 ʼE au fakaha anai kia natou ʼaku fakamau ʼo ʼuhiga mo ʼanatou agakovi fuli,
He neʼe natou lituʼa kia te au,+
Mo natou fakakohu ʼanatou sakilifisio ia muʼa ʼo ʼihi ʼatua,+
Pea mo natou tulolo ia muʼa ʼo ni meʼa neʼe natou faʼu mo atolasio ki ai.’+
17 Kae kia koe teuteu koe ʼo gaue.*
ʼE tonu ke ke tuʼu ake ʼo fakaha kia natou ia meʼa fuli ʼae ka au fakatotonu atu.
Tuku tau tekelili ʼuhi ko natou,+
Naʼa au fakamatakuʼi koe ʼi ʼonatou muʼa.
18 ʼI te ʼaho nei ʼe au fakaliliu koe ko he kolo malohi,
Ko he pou ukamea pea mo he kaupa kapa ke ke lavaʼi ai te fenua katoa,+
Te ʼu hau ʼo Suta pea mo ʼona tama ʼaliki,
ʼOna pelepitelo pea mo te hahaʼi ʼo te fenua.+
19 ʼE natou tauʼi anai koe,
Kae ʼe mole natou malolohi age* anai ia koe,
He ʼe koʼeni te folafola ʼa Sehova:
‘ ʼE au nofo mo koe+ moʼou haofaki.’ ”