Sopo
37 “ ʼE ta toku mafu ʼi taku sio ki te ʼu meʼa ʼaia,
Pea ʼe mole kei nofo maʼu ai.
2 Kotou fakalogo lelei ki tona leʼo,
ʼE hage ko te ʼuʼulu ʼo te mana.
3 ʼE pa ʼi te lagi katoa,
ʼE tapa tana hila+ ʼo kaku ki te ʼu potu taupotu ʼo te kele.
4 ʼOsi ʼaia pea ʼe logo ki he toe logoaʼa,
ʼE fakaofoofo tona leʼo,+
Pea ʼe mole ina taʼofi te malohi ʼo tona leʼo.
5 ʼE fakamanavahe te leʼo ʼo te ʼAtua ohage ko te mana,+
ʼE ina fai ni meʼa lalahi ʼe faigataʼa tatatou mahino ki ai.+
6 ʼE ina ui ki te nive: ‘To ki te kele,’+
Mo ui ki te ʼua: ‘Ke ʼua lalahi.’+
7 ʼE fakagata e te ʼAtua te gaue fuli ʼa te tagata,
Ke iloʼi e te hahaʼi fuli Tana gaue.
8 ʼE olo te ʼu manu ʼo te vao ki ʼonatou nofoʼaga,
Pea ʼe natou nonofo ʼi ʼonatou ʼana.
10 ʼI te manava ʼa te ʼAtua, ʼe faʼu ai te ʼaisi,+
Pea ʼe ʼaisi te ʼu koga meʼa ʼae ʼe mafola ai te vai.+
11 ʼEi, ʼe ina fakafonu te ʼu ʼao ʼaki te vai,
Mo fakatapa tana hila+ ʼi te ʼu ʼao.
12 ʼE feoloʼaki ʼo mulimuli ki ʼana fakatuʼutuʼu,
ʼO fakahoko ai ki te kele ia meʼa fuli ʼae neʼe fakatotonu age.+
13 ʼE ina fakahoko te ʼu meʼa ʼaia moʼo tauteaʼi+ ʼo ʼihi, peʼe moʼo palapalaʼi ʼo te kele,
Peʼe moʼo fakaha ʼo tona ʼofa agatonu.+
14 Sopo, fagono ki te ʼu meʼa ʼaeni!
Tuʼu muʼa ʼo fakakaukauʼi lelei te ʼu gaue fakaofoofo ʼa te ʼAtua.+
15 ʼE ke iloʼi koa pe ʼe takitaki feafeaʼi e te ʼAtua te ʼu ʼao,
Peʼe feafeaʼi tana fakatapa te hila ʼi tona ʼao?
16 ʼE ke iloʼi koa pe ʼe tautau feafeaʼi te ʼu ʼao ʼi te lagi?+
ʼE ko te ʼu gaue fakaofoofo ʼaia ʼo Ia ʼae ʼe ina iloʼi ia te meʼa fuli.+
17 He koʼe ʼe mafana ʼou teu
Moka ʼe tokalelei te kele ʼuhi ko te matagi ʼo te potu saute?+
19 Fakaha mai pe kotea ʼae ʼe tonu ke matou tala ki ai,
ʼE mole feala ia ke matou tali ki ai he ʼe matou nonofo ʼi te fakapoʼuli.
20 ʼE tonu koa ke au fakaha age ʼe au fia palalau?
Peʼe ʼi ai koa he logo ʼa he tahi ʼe tonu ke fakaha ki ai?+
21 ʼE mu malohi te malama* ʼi te lagi,
Kae ʼe hoki feala pe ke sisio ki ai te hahaʼi
Moka agi te matagi ʼo puli ai te ʼu ʼao.
22 ʼE haʼu mai te potu noleto he malama ʼe gigila ohage ko te aulo,
ʼE fakaofoofo te ʼalikisia ʼo te ʼAtua.+
23 ʼE mole feala ia ke tou mahino ki te Mafimafi,+
ʼE lahi ʼaupito tona malohi,+
ʼE mulimuli tuʼumaʼu ki te meʼa ʼae ʼe totonu+ pea mo tana faitotonu.+
24 Koia ʼae ʼe tonu ai ke manavasiʼi te hahaʼi kia te ia,+
He ʼe mole ina tali he tahi ia natou ʼae ʼe natou ui ʼe popoto.”+