Pesalemo
Ki te pule ʼo te kau faimaholo. Mikitame* ʼa Tavite, ʼo mulimuli ki te fasi ʼo te hiva “Te Lupe ʼAe ʼe Mole Tagi Pea ʼe Nofo Mamaʼo.” ʼI te temi ʼae neʼe puke ai ia ia e te kau Filisitini ʼi Kiete.+
56 ʼAtua e, fakaha mai tou ʼofa he ʼe tauʼi au e ni tagata.
ʼE natou tauʼi tuʼumaʼu mo gaohi koviʼi au ʼi te ʼaho katoa.
2 ʼE kumi tuʼumaʼu au ʼi te ʼaho katoa e ʼoku fili ke natou puke au.
ʼE tauʼi au e he tokolahi ʼaki te fialahi.
3 Ka au mataku+ ʼe au falala kia te koe.+
4 ʼE au falala ki te ʼAtua, ʼae ʼe au vikiʼi tana folafola,
ʼE au falala ki te ʼAtua, ʼe mole au mataku.
Kotea ʼae ʼe feala ke fai mai e te tagata?+
5 ʼE natou tauʼi mo gaohi koviʼi au ʼi te ʼaho katoa.
ʼE natou fai mai pe te meʼa ʼae ʼe kovi.+
6 ʼE natou fenonoʼi ke natou ʼohofi au.
ʼE natou lamalama ʼoku lakaʼaga fuli,+
Pea ʼe natou fakaʼamu ke natou matehi au.+
7 Siʼaki ia natou ʼuhi ko tanatou agakovi.
ʼAtua e, ʼi tou hauhau, maumauʼi te ʼu puleʼaga.+
8 ʼE ke tokagaʼi taku feholaʼaki.+
Tanaki ʼoku loʼimata ʼi tau ʼaiʼaga vai.+
ʼE mole tuʼu koa la ʼi tau tohi?+
9 ʼI te ʼaho ʼae ʼe au kole tokoni atu ai, ʼe holomuli anai ʼoku fili.+
ʼE au iloʼi papau ʼe nofo te ʼAtua mo au.+
10 ʼE au falala ki te ʼAtua, ʼae ʼe au vikiʼi tana folafola,
ʼE au falala kia Sehova, ʼae ʼe au vikiʼi tana folafola.
11 ʼEi, ʼe au falala ki te ʼAtua, ʼe mole au mataku.+
Kotea ʼae ʼe feala ke fai mai e te tagata?+