Pesalemo
Ki te pule ʼo te kau faimaholo. Pesalemo ʼa Tavite.
31 Sehova e, ʼe au nono ia te koe.+
Ke mole au ufiufi ʼi he temi!+
Haofaki au ʼuhi ko tau faitotonu.+
2 Falele ʼo fagono mai.
Ke ke fakavilivili mai ʼo haofaki au.+
Ke ke liliu ko hoku nonoʼaga ʼi he moʼuga,
Ko he koga meʼa ke au hola ki ai moʼoku puipui.+
3 ʼEi, ko koe toku ʼutu mo toku kolo tau.+
ʼE ke takitaki au mo ke fakaha mai tou ala,+ ʼuhi ko tou huafa.+
5 ʼE au tuku atu ki ʼou nima toku maʼuli.+
Sehova e, ʼAtua ʼo te moʼoni,* neʼe ke totogi au.+
6 ʼE au fehiʼa kia natou ʼae ʼe atolasio ki te ʼu fakatata ʼae ʼe vaʼiganoa, ʼae ʼe mole honatou ʼuhiga,
Kae ʼe au falala au kia Sehova.
7 ʼE au fia fakafiafia lahi ʼuhi ko tou ʼofa agatonu,
He neʼe ke sio ki te lahi ʼo toku mamahi.+
ʼE ke iloʼi ʼoku tuʼania.
8 Neʼe mole ke tuku au ki ʼoku fili,
Kae ʼe ke tuku au ki he koga meʼa ʼe puipui ai au.
9 Sehova e, fakaha mai tou ʼofa he ʼe au lotomamahi.
Kua vaivai ʼoku mata ʼo feia mo toku sino katoa ʼuhi ko toku lotohoha.+
ʼE hifohifo toku malohi ʼuhi ko taku hala,
Pea kua vaivai ʼoku hui.+
11 ʼE manukiʼi au e ʼoku fili fuli,+
Tafito la ʼoku vahaʼa fale.
ʼE matataku ʼoku feilo ia au.
ʼE natou feholaki moka natou sisio kia au ʼi te kaugamalie.+
12 ʼE natou galoʼi au, ʼei, ʼe mole kei natou manatuʼi au ohage pe kua au mate.
ʼE au hage ko he ipu neʼe foaʼi.
13 ʼE lahi te ʼu laukovi neʼe au logo ki ai.
ʼE ʼa takai au e ni meʼa fakamataku.+
Ka natou fakatahitahi ʼo fakafeagai kia au,
ʼE natou fakatuʼutuʼu ke natou matehi au.+
14 Kae Sehova e, ʼe au falala kia te koe.+
ʼE au ui: “Ko koe toku ʼAtua.”+
15 ʼE fakalogo toku maʼuli kia te koe.
Haofaki au mai te ʼu nima ʼo ʼoku fili pea mo natou ʼae ʼe natou fakatagaʼi au.+
16 Ke inaina tau kaugana e te malama ʼo tou fofoga.+
Haofaki au ʼuhi ko tou ʼofa agatonu.
17 Sehova e, ke mole au ufiufi ʼi taku tagi kia te koe.+
18 Ke fakalogologo te kau gutuloi,+
Ia natou ʼae ʼe manukinuki ki te kau faitotonu, mo agatuʼu pea mo fiameʼalahi.
19 ʼI mahu leva ʼo tou manavaʼofa!*+
Neʼe ke taupau maʼa natou ʼae ʼe manavasiʼi kia te koe,+
Neʼe ke fakaha kia natou ʼae neʼe fenonoʼi ia te koe, ia muʼa ʼo te hahaʼi fuli.+
20 ʼE ke fakanono anai natou ʼi te potu fakalilo ʼo tou nofoʼaga,+
Ke natou mamaʼo mai te ʼu fakatuʼutuʼu kaka ʼa te tagata.
ʼE ke fakanono anai natou ʼi tou nonoʼaga,
Ke natou mamaʼo mai ia natou ʼae ʼe laukovi.+
21 Ke vikiʼi ia Sehova,
He neʼe ina fakaha mai tona ʼofa agatonu ʼi hona aluʼaga fakaofoofo+ ʼi he kolo neʼe ʼa takai e te ʼu fili.+
22 Neʼe au mataku ai mo ui:
“ ʼE au mate anai ʼi ʼou muʼa.”+
Kae neʼe ke logo ki taku kole tokoni atu.+
23 Kotou ʼoʼofa kia Sehova, ia koutou fuli ʼae ʼe agatonu kia te ia!+