Selemia
10 Hahaʼi ʼo Iselaele, kotou fakalogo ki te fakatuʼā ʼae neʼe tala e Sehova ʼo ʼuhiga mo koutou. 2 Koʼeni te folafola ʼa Sehova:
“ ʼAua naʼa kotou mulimuli ki te ʼu agaʼi fenua ʼo te ʼu puleʼaga,+
Pea ʼaua naʼa kotou tekelili ʼi te ʼu fakailoga ʼo te lagi
ʼUhi pe ʼae he ʼe tekelili te ʼu puleʼaga ʼi te ʼu fakailoga ʼaia.+
3 ʼE mole he ʼuhiga ʼo te ʼu agaʼi fenua ʼa te hahaʼi.
ʼE tuʼusi he fuʼu ʼakau ʼo te vao matuʼa,
Pea ʼe gaueʼi e te tagata tufuga ʼakau ʼaki tana meʼa gaue.+
4 ʼE fakamataleleiʼi ʼaki te siliva mo te aulo,+
Pea ʼe fakapipiki ʼaki ni hamale mo ni faʼo ke tuʼu maʼu.+
5 ʼE mole lava palalau te ʼu taula ʼatua ʼaia, ʼe natou hage ko he pou fualahi ʼe tuʼu ʼi he gaueʼaga kokomu.+
ʼE mole feala pe la ke natou haʼele, ʼe tonu ke fata.+
Pea ʼe mole feala pe la ke natou fai he meʼa ʼe kovi, ʼaua naʼa kotou matataku kia natou.
Pea ʼe mole toe feala pe la ke natou fai he meʼa ʼe lelei.”+
6 Sehova e, ʼe mole he tahi ʼe tatau mo koe.+
ʼE ke lahi pea ʼe maʼuhiga tou huafa ʼo ha ai tou mafimafi.
7 Hau ʼo te ʼu puleʼaga, ʼe mole tonu koa la ke matou manavasiʼi fuli kia te koe?+ ʼE mole ke tuha koa la mo te manavasiʼi ʼaia?
ʼE mahino ia, ʼe mole he tahi ʼe tatau mo koe,+
ʼI te kau popoto fuli ʼo te hahaʼi pea mo ʼonatou puleʼaga fuli.
8 ʼE natou agavale fuli, ʼe mole natou fakakaukau pe la.+
ʼE natou tuku ke akoʼi natou e he fuʼu ʼakau. ʼI fakaʼofaʼofa leva!+
9 ʼE fetuku mai te siliva mai Talesisi+ pea mo te aulo mai Ufasi,
ʼAe ʼe gaueʼi e te tagata tufuga.
ʼE fai te ʼu teu ʼo te ʼu taula ʼatua ʼaki te filo ʼuʼui pea mo te fuluʼi akeno huʼa lotuma fakapoʼuli.
ʼE faʼu te ʼu taula ʼatua fuli ʼaia e ni tagata tufuga faiva.
10 Kae ko Sehova ia ko te ʼAtua moʼoni.
Ko te ʼAtua ʼe maʼuli+ pea ko te Hau heʼe gata.+
ʼE galulu anai te kele ʼuhi ko tona hauhau,+
Pea ʼe mole lavaʼi anai e he puleʼaga tona hauhau.
11* ʼE kotou fakaha anai kia natou:
“ ʼE pulihi anai ʼi te kele pea ʼi te lalo lagi
Te ʼu ʼatua ʼae neʼe mole natou faʼu te lagi pea mo te kele.”+
12 Ko Ia ʼae neʼe ina faʼu te kele ʼaki tona mafimafi,
Ia Ia ʼae neʼe ina fakatuʼu te kele ʼae ʼe maʼuli lelei ʼaki tona poto,+
Pea ko ia ʼae neʼe ina folahi te lagi ʼaki tona ʼatamai.+
13 ʼE hou te ʼu vai ʼo te lagi
Moka ina fakaha tona leʼo,+
Pea ʼe ina fakahake ake ni ʼao mai te ʼu potu taupotu ʼo te kele,+
Mo ina fakatapa te hila mo fakato te ʼua ʼi he temi pe ʼe tahi,
Pea mo fakaagi te matagi mai ʼona fale tanakiʼaga meʼa.+
14 ʼE agavale mo hala ʼatamai te tagata fuli pe.
ʼE ufiufi anai te tagata tufuga ʼuhi ko te fakatata ʼae neʼe ina togi.+
ʼE ko he kaka tana fakatata ukamea
Pea ʼe mole manava pe la.+
15 Ko ni gaue ʼe vaʼi anai, ʼe mole honatou ʼuhiga.+
ʼE pupuli anai ʼi te ʼaho ʼae ka fakamauʼi ai natou.
16 Kae ʼe mole hage te Vahe* ʼo Sakopo ko te ʼu meʼa ʼaia,
Koteʼuhi ko Ia ʼae neʼe ina faʼu ia meʼa fuli,
Pea ko Iselaele ko te ʼakau ʼo tona tofiʼa.+
Ko tona huafa ko Sehova ʼo te ʼatu kautau.+
17 Fafine ʼae kua ʼa takai,
Toʼo ake tau taga ʼae ʼi te kele.
18 Koʼeni te folafola ʼa Sehova:
“ ʼI te temi nei, ʼe au li ki tuʼa te hahaʼi ʼi te fenua,+
Pea ʼe au fakamamahiʼi anai natou.”
19 Malaʼia kia au he ʼe au mahaki!*+
ʼE mole feala ke faitoʼo toku lavea.
Pea neʼe au ui: “ ʼE tonu ke au katakiʼi, ko toku mahaki ʼaia.
20 Kua maumauʼi toku fale la pea kua motumotu ʼona maea fuli.+
Kua mavae ʼaku tama pea kua natou pupuli.+
ʼE mole kei ʼi ai he tahi ke ina fakatuʼu toku fale la peʼe faoʼi ʼoku la.
Koia neʼe mole natou fakasiosio poto ai,
Pea kua mavetevete ʼanatou faga manu fuli.”+
22 Fagono! Ko he logo ʼe tau mai.
Ko he toe logoaʼa ʼe haʼu mai te fenua ʼo te potu noleto+
Moʼo fakaliliu te ʼu kolo ʼo Suta ko he koga meʼa lavaki, he nofoʼaga ʼo te ʼu kuli vao.+
23 Sehova e, ʼe au iloʼi lelei pe ʼe mole feala ki te tagata ke ina maʼu tokotahi tona ala.
ʼE mole feala ki te tagata ʼae ʼe haʼele ke ina takitaki ʼona lakaʼaga.+
24 Sehova e, fakatonutonuʼi au ʼo mulimuli ki tau faitotonu,
25 Ke to tou hauhau ki te ʼu puleʼaga ʼae ʼe mole natou tokagaʼi koe,+
Pea ki te hahaʼi ʼae ʼe mole natou fetapa ki tou huafa,