TAʼAGA LEA
1 Te ʼu taʼaga lea ʼa Salomone,+ foha ʼo Tavite,+ hau ʼo Iselaele:+
2 Neʼe tohi te ʼu taʼaga lea ʼaia moʼo akoʼi te poto+ pea mo akoako ʼihi,
Moʼo fakamahino ni palalau fakapotopoto,
3 Mo foaki te akoako+ ʼae ʼe maʼu ai te fakasiosio poto,
Te faitotonu,+ te fakakaukau lelei,+ te aga fakahagatonu,
4 Mo akoʼi te nofo tokaga+ ki te hahaʼi ʼae ʼe hoko tui,
Mo foaki te ʼatamai malama ki te tupulaga pea ke poto ʼi te fakakaukau.+
5 ʼE fakalogo te tagata poto pea ʼe tuputupu tona ʼatamai malama,+
Ko he tahi ʼe ʼatamai ʼe liliu ia ʼo poto ʼi te takitaki.*+
6 ʼE mahino anai ki he taʼaga lea pea mo he fakamatala faigataʼa,*
7 Ko te kamataʼaga ʼo te ʼatamai malama ʼe ko te manavasiʼi* kia Sehova.+
ʼE gata pe ki te kau agavale tanatou meʼa noaʼi te poto pea mo te akoako.+
8 Siʼoku foha, fakalogo ki te akoako ʼae ʼe foaki atu e tau tamai,+
Pea ʼaua naʼa ke siʼaki te ʼu ako ʼae neʼe foaki atu e tau faʼe.+
10 Siʼoku foha, kapau ʼe faigaʼi e he kau agahala ke ke alu mo natou, ʼaua naʼa ke muliʼi natou.+
11 Kapau ʼe natou ui atu: “Haʼu mo matou!
Tou fenonoʼi ke tou ʼohofi pea mo fakapogi ʼihi.
Tou fenonoʼi mo lamalama te kau faitotonu ke tou fakafiafia ai.
12 ʼE tou folo maʼuli anai natou ohage ko te Faitoka,*
ʼE natou pupuli katoa anai ohage ko natou ʼae ʼe hihifo ki te luo.
13 Tou kaihaʼa ʼonatou koloa maʼuhiga fuli.
ʼE tou fakafonu koloa anai ʼotatou ʼapi.
14 Haʼu ʼo fakatahi mo matou!
ʼE tou vaevae fakatatau anai te ʼu koloa ʼae ka tou kaihaʼa.”
15 Siʼoku foha, ʼaua naʼa ke muliʼi natou.
ʼAua naʼa ke haʼele ʼi tonatou ala,+
16 He ʼe natou feleleʼi ʼo fai te meʼa ʼae ʼe kovi.
ʼE natou fakavilivili ʼo faifakapo.+
17 ʼE mole he ʼuhiga ʼo te fai e te tagata kapu manu he hele kae sio ki ai te manulele.
18 Koia ʼae ʼe natou fenonoʼi ai ke natou matehi ni hahaʼi,
ʼE natou fenonoʼi moʼo matehi natou.
19 Ko te faʼahiga fai ʼaia ʼa natou ʼae ʼe fai puleʼaki kaka ke natou maʼu koloa,
Kae ʼe natou mamate anai moka natou koloaʼia.+
20 ʼE kalaga malohi te poto moʼoni+ ʼi te ala.+
ʼE logo tuʼumaʼu pe tona leʼo ʼi te ʼu malaʼe lalahi.+
21 ʼE kalaga ʼi te ʼu pokoʼi ala ʼae ʼe hahaʼi.
ʼE ina ui ʼi te ʼu huʼaga ʼo te kolo:+
22 “Kau vale, ʼe kaku anai ki ʼafea takotou manako ki te vale?
Kau vava, ʼe kaku anai ki ʼafea takotou fiafia ʼi te vaʼi ʼo ʼihi?
Pea mo koutou, kau agavale, ʼe kaku anai ki ʼafea takotou fehihiʼa ki te ʼatamai malama?+
23 Kotou tokagaʼi taku fakatonutonu,+
24 Neʼe au kalaga kae neʼe hoko atu pe takotou mole fia fakalogo,
Neʼe au faoʼi atu toku nima kae neʼe mole pe tokagaʼi e he tahi,+
25 Neʼe kotou lituʼa ki ʼaku tokoni fuli
Pea mo siʼaki tuʼumaʼu taku fakatonutonu,
26 Mo au foki la, ʼe au kata anai moka kotou tau mo te malaʼia,
ʼE au vaʼi anai koutou moka hoko te meʼa ʼae ʼe kotou tuʼania ki ai,+
27 Moka hoko mai te meʼa ʼaia ohage ko he afā,
Pea mo tokotou malaʼia ohage ko he tuʼani matagi,
Moka hoko kia koutou te mamahi mo te ʼu faigataʼaʼia.
28 ʼI te temi ʼaia, ʼe natou pauʼi tuʼumaʼu mai anai kae ʼe mole au tali age anai.
ʼE natou kumi anai au ʼi te ʼu potu fuli kae ʼe mole natou maʼu anai au,+
29 Koteʼuhi neʼe natou fehihiʼa ki te ʼatamai malama+
Pea neʼe natou fakatotonu ke mole natou manavasiʼi kia Sehova.+
30 Neʼe natou liʼaki ʼaku tokoni,
Neʼe natou meʼa noaʼi ʼaku fakatonutonu fuli.
31 Koia ʼe natou utu pe anai te ʼu fua ʼo ʼanatou aga,+
Pea ʼe natou mamahi anai ʼuhi pe ko ʼanatou fakatuʼutuʼu.
32 ʼE mamate anai te hahaʼi ʼae ʼe hoko tui ʼuhi ko tanatou hehe,
Pea ʼe pupuli anai te kau agavale ʼuhi ko tonatou lotonoa.
2 Siʼoku foha, kapau ʼe ke tali lelei ʼaku folafola,
Pea kapau ʼe ke taupau fakalelei ʼaku fakatotonu,+
Pea mo taki tou loto ki te fakasiosio tonu,+
3 Pea kapau ʼe ke toe pauʼi te ʼatamai,+
Kapau ʼe ke leʼo lahi ʼo kole te fakasiosio tonu,+
4 Kapau ʼe ke haga kumi te ʼu meʼa ʼaia ohage ko te siliva,+
Pea kapau ʼe ke kumi tuʼumaʼu ohage ko ni koloa neʼe fufu,+
5 ʼE ke mahino ai leva pe kotea te fakaʼuhiga ʼo te manavasiʼi kia Sehova,+
Pea ʼe ke maʼu ai anai te ʼatamai malama ʼo ʼuhiga mo te ʼAtua.+
7 ʼE ina taupau fakalelei te aga fakapotopoto maʼa te hahaʼi faitotonu,
ʼE ko he meʼa tali tau maʼa natou ʼae ʼe agatonu.+
8 ʼE tokaga ki te ʼu ala ʼo te kau faitotonu,
Pea ʼe ina puipui anai te ala ʼo tana kau agatonu.+
9 ʼE ke toe mahino ai leva ki te meʼa ʼae ʼe faitotonu pea mo totonu,
ʼO ke mahino ai pe kofea te ala ʼae ʼe lelei.+
10 Ka hu te poto ki tou loto,+
Pea ka ke leleiʼia te ʼatamai malama,+
11 ʼE leʼoleʼo anai koe e te fealagia fakakaukau,+
Pea ʼe haofaki anai koe e te fakasiosio tonu,
12 Mai te aga ʼae ʼe kovi,
Mo te tagata ʼae ʼe ina fakaha ni manatu fakalialia,+
13 Mo natou ʼae ʼe mole kei haʼele ʼi te ala ʼae ʼe totonu
Kae ʼe natou haʼele ʼi te ʼu ala fakapoʼuli,+
14 Mo natou ʼae ʼe fakafiafia ʼi te fai ʼo te aga ʼae ʼe kovi,
ʼAe ʼe fiafia ʼi te aga fakalialia mo te kovi,
15 ʼAe ʼe pikopiko ʼonatou ala,
Pea ʼe natou agakaka.
16 Koia ʼe puipui anai koe mai te fafine faiaga,*
Mai te ʼu palalau fakaoloolo ʼa te fafine ʼae ʼe ina fai ni aga heʼe ʼaoga,*+
17 ʼAe ʼe ina siʼaki te kaumeʼa lelei* ʼo tona temi tupulaga,+
Pea mo galoʼi te fuakava ʼo tona ʼAtua,
18 He ʼe ko te hifo ki tona ʼapi ʼe hage ko te hifo ki te mate,
Pea ʼe kaku ʼona ala kia natou ʼae ʼe mole kei honatou malohi ʼi te mate.+
19 ʼE mole toe liliu mai anai he tahi mai ia natou ʼae ʼe fakatahi mo ia,*
Peʼe ina toe maʼu te ʼu ala ʼo te maʼuli.+
20 Koia haʼele ʼi te ala ʼo te hahaʼi agalelei,
Pea mo haga haʼele ʼi te ʼu ala ʼo te kau faitotonu.+
21 ʼE gata pe ki te hahaʼi faitotonu ʼae ka maʼuʼuli ʼi te kele,
Pea ko natou pe ʼae ʼe agatonu ka nonofo ai.+
3 Siʼoku foha, ʼaua naʼa ke galoʼi taku akonaki,
Kae fakalogo ʼi tou loto katoa ki ʼaku fakatotonu,
2 He ʼe ke maʼuli anai ʼo fualoa,
Pea mo tokalelei.+
3 Ke mole puli ia koe te manavaʼofa* mo te agatonu.*+
Ke ke haʼi ki tou kia,
Pea ke ke tohi ki tou loto.+
4 ʼE ʼofainaʼi anai koe pea ʼe iloʼi anai tau fakasiosio poto
E te ʼAtua mo te tagata.+
Manavasiʼi kia Sehova ʼo maliu mai te kovi.
8 ʼE ko he faitoʼo lelei anai ki tou sino
Pea malohi ai mo ʼou hui.
9 Fakamaʼuhigaʼi ia Sehova ʼaki ʼau meʼa lelei tukupau,+
Pea mo te ʼu ʼuluaki fua* ʼo ʼau taʼukai fuli.*+
10 Pea ʼe fonu maumau anai ʼou fale tanakiʼaga meʼa,+
Pea ʼe toe feia pe anai mo ʼou tane vino foʼou.
11 Siʼoku foha, ʼaua naʼa ke liʼaki tou akonakiʼi e Sehova,+
Pea ʼaua naʼa ke fakalialia ki tana fakatonutonu,+
12 He ʼe fakatonutonuʼi e Sehova ia natou ʼae ʼe ʼofa ai,+
Ohage ko te fakatonutonuʼi e he tamai tona foha ʼofaina.+
13 Manuʼia te tagata ʼae ʼe ina maʼu te poto,+
Mo te tagata ʼae ʼe liliu ʼo fakasiosio tonu,
14 He ʼe lelei age te maʼu ʼo te poto ʼi te siliva,
Pea ʼe fua lelei age ia ʼi te aulo.+
16 ʼE maʼu he maʼuli loaloaga ʼi tona nima mataʼu,
Mo te koloa pea mo te kololia ʼi tona nima hema.
17 ʼE fakafiafia te haʼele ʼi ʼona ala,
Pea ʼe tokalelei ʼona ala fuli.+
18 ʼE ko he fuʼu ʼakau ʼo te maʼuli maʼa natou ʼae ʼe natou puke,
Pea ʼe kalagaʼi anai te manuʼia ʼo natou ʼae ʼe natou puke maʼu.+
19 Neʼe fakatuʼu e Sehova te kele ʼaki te poto.+
Pea neʼe ina toe fakatuʼu malohi te lagi ʼaki te fakasiosio tonu.+
20 Neʼe ina avahi te ʼu vai loloto ʼaki tona ʼatamai malama,
Pea neʼe hifo te hahau mai te lagi kauʼaoa.+
21 Siʼoku foha, ke ʼaua naʼa mamaʼo te ʼu meʼa ʼaia* mai ʼou mata.
Taupau te aga fakapotopoto mo te fealagia fakakaukau,
22 ʼE ke maʼu ai anai te maʼuli,
Pea ʼe ko he kahoa ki tou kia.
23 Koia ʼe ke haʼele fimalie anai ʼi tou ala,
Pea ʼe mole tukia anai tou vaʼe ki he meʼa.+
25 ʼE mole ke tuʼania anai he aluʼaga fakamataku ʼe hoko fakafokifa,+
Peʼe ko te afā ʼae ka to ki te kau agakovi.+
27 ʼAua naʼa ke fakafisi te fai ʼo te meʼa ʼae ʼe lelei kia natou ʼae ʼe ʼaoga ki ai,+
Kapau ʼe feala ke ke tokoni kia natou.+
28 ʼAua naʼa ke ui ki tou tatau: “Alu koe, hoki ke toe haʼu! ʼE au foaki atu anai hau meʼa apogipogi,”
Kapau ʼe feala ke ke foaki age ʼi te temi pe ʼaia.
29 ʼAua naʼa ke fai ni fakatuʼutuʼu kovi ki tou tatau,+
He ʼe nofo mo he lotofimalie ʼi ʼou tafa.
31 ʼAua naʼa ke maheka ki te tagata agamalohi,+
Pea ʼaua naʼa ke faʼifaʼitakiʼi ʼana aga,
32 Koteʼuhi ʼe fakalialia ia Sehova ki he tahi ʼe agakaka,+
Kae ʼe kaumeʼa lelei ia mo te hahaʼi faitotonu.+
33 ʼE to te malaʼia ʼo Sehova ki te ʼapi ʼo te tagata agakovi,+
Kae ʼe ina tapuakiʼi te ʼapi ʼo te kau faitotonu.+
35 ʼE fakaʼapaʼapaʼi anai te kau popoto, ko tonatou fakapale ʼaia,
Kae ʼe leleiʼia e te kau agavale te meʼa ʼae ʼe fakaufiufi.+
4 Siʼoku ʼu foha, kotou fakalogo ki te akoako ʼae ʼe foaki atu e takotou tamai.+
Kotou tokagaʼi ke kotou liliu ai ʼo ʼatamai,
2 He ʼe au foaki atu anai ni ako maʼuhiga.
ʼAua naʼa kotou siʼaki taku akonaki.+
4 Neʼe akoʼi au e taku tamai ʼo ui mai: “Ke ke taupau lelei ʼaku folafola ʼi tou loto.+
Fakalogo ki ʼaku fakatotonu pea ke maʼuli ai.+
5 Faiga ke ke maʼu te poto, faiga ke ke maʼu te ʼatamai.+
ʼAua naʼa galo kia koe ʼaku palalau, pea ʼaua naʼa ke situʼa ki ai.
6 ʼAua naʼa ke liʼaki te poto pea ʼe puipui ai koe.
Manako ki ai pea ʼe haofaki ai koe.
7 ʼE maʼuhiga ʼaupito* te poto,+ koia faiga ke ke maʼu,
Pea ki te ʼu meʼa fuli ʼae ʼe ke maʼu, faiga ke ke maʼu te ʼatamai.+
8 Fakamaʼuhigaʼi pea ʼe hikihiki ai koe.+
ʼE fakaʼapaʼapaʼi anai koe he ʼe ke faʼufua ki ai.+
9 ʼE foaki atu anai he pale fisiʼi teu matalelei,
ʼE fakamataleleiʼi anai koe ʼaki he pale taulekaleka.”
10 Siʼoku foha, fakalogo mai mo tali lelei ʼaku palalau,
Pea ʼe ke maʼuli fualoa anai ʼi ni lauʼi taʼu.+
12 ʼE mole ke ʼefihia anai ʼi he meʼa moka ke haʼele,
Pea ʼe mole ke tukia anai moka ke lele.
13 Puke maʼu te fakatonutonu, ʼaua naʼa ke lituʼa ki ai.+
Taupau lelei he ʼe ke maʼuli ai anai.+
16 ʼE mole feala ke natou momoe mo kapau ʼe mole natou fai te kovi.
ʼE mole natou mamoe mo kapau ʼe mole natou fakatupu tukia ki he tahi.
17 ʼE natou kai te pane ʼo te agakovi,
Pea ʼe natou inu te vino ʼo te agamalohi.
18 Kae ʼe hage te ala ʼo te kau faitotonu ko te malama ʼo te uhu,
Moka mafoa mamalie ake te ʼaho ʼo kaku ki tona mafoa lelei.+
19 ʼE hage te ala ʼo te kau agakovi ko te fakapoʼuli,
ʼE mole natou iloʼi te meʼa ʼae ʼe natou tukia ai.
20 Siʼoku foha, tokagaʼi ʼaku palalau,
Fakalogo lelei ki ʼaku tokoni.
21 ʼAua naʼa ke maliu kehe mai ai,
Taupau lelei ʼi tou loto.+
22 ʼE maʼu ai te maʼuli e natou ʼae ʼe natou tokagaʼi,+
Pea mo te maʼuli malolo ki tonatou sino.
25 Sio fakahagatonu,
ʼEi, sio fakamamaʼu ki te meʼa ʼae ʼi ʼou muʼa.+
27 ʼAua naʼa ke afe ki te faʼahi mataʼu peʼe ki te faʼahi hema.+
Fakamamaʼo ʼou vaʼe mai te kovi.
5 Siʼoku foha, tokagaʼi toku poto!
Fakalogo lelei ki te meʼa ʼae ʼe au akoʼi atu ʼo ʼuhiga mo te fakasiosio tonu,+
2 Ke feala ai ke ke taupau tou fealagia fakakaukau,
Pea ke alu tahi tuʼumaʼu ʼau palalau mo te ʼatamai malama.+
3 ʼE huʼa malie te ʼu laugutu ʼo te fafine faiaga* ohage ko te meli,+
Pea ʼe lave lelei age ia ʼi te lolo.+
4 Kae ki muli age, ko te fafine ʼaia ʼe kona ohage ko te apiseneto,*+
Pea ʼe hage ia ko he heleta matalua ʼe masila.+
5 ʼE hifo ʼona vaʼe ki te mate.
ʼE alu fakahagatonu ʼona lakaʼaga ki te Faitoka.*
6 ʼE mole tokaga tuʼa tahi ia ki te ala ʼo te maʼuli.
ʼE taka ʼi he mo he, kae ʼe mole ina iloʼi pe kotea te fua ʼo tana aga.
7 Siʼoku foha, ʼi te temi nei, fakalogo mai,
ʼAua naʼa ke liʼaki ʼaku palalau.
8 Fakamamaʼo mai ai,
ʼAua naʼa ke fakaovi ki te huʼaga ʼo tona ʼapi,+
9 Ke mole ʼulihi ai tou matagafua e niʼihi,+
Pea ke mole ke mamahi ai ʼi ni taʼu,+
10 Ke mole maumauʼi e niʼihi ʼou koloa,+
Pea ke mole maʼu e te matapule te ʼu koloa ʼae neʼe ke gaue kinakina ki ai,
11 Kapau ʼe mole ke fai te faʼahi ʼaia, ʼe ke lauga anai ʼi te fakaʼosi ʼo tou maʼuli,
Moka puli tou malohi mo vaivai ai tou sino,+
12 Pea ʼe ke ui anai: “Oie, neʼe au fehiʼa ki te fakatonutonu!
Oie, neʼe au meʼa noaʼi te valoki!
13 Neʼe mole au fakalogo ki te leʼo ʼo ʼoku faiako,
Pea neʼe mole au tokagaʼi ʼaku tagata faitokoni.
16 He koʼe ʼe hali anai ki tuʼa ʼou matapuna vai,
Pea mo ʼou vai tafe ki te ʼu malaʼe lalahi ʼo te kolo?+
17 Ke maʼu pe e koe tokotahi,
ʼAua naʼa ke vaevae mo niʼihi.+
18 Ke tapuakina tou matapuna vai,
Pea ke ke fiafia mo te ʼohoana ʼo tou temi tupulaga,+
19 Te tia fafine ʼofaina mo te tao taulekaleka ʼo te ʼu moʼuga.+
Ke ke fiafia tuʼumaʼu ʼi tona sino.
Pea ke ke fiafia hoholo ʼi tona ʼofa.+
20 Siʼoku foha, he koʼe ʼe ke fiafia anai mo he fafine faiaga,*
Peʼe ke faʼufua ki he fafine ʼe ina fai ni aga heʼe ʼaoga?*+
22 ʼE to te agakovi ki te hele ʼuhi pe ko ʼana hala,
Pea ʼe hage anai ʼe haʼisia ʼuhi ko ʼana agahala.+
23 ʼE mate anai he neʼe mole ina tokagaʼi te fakatonutonu,
Pea ʼe hehe anai ʼuhi ko te lahi ʼo tana agavale.
6 Siʼoku foha, kapau neʼe ke fakapapau ʼe ke huʼi anai te maʼua ʼo tou tatau,+
Pe neʼe ke talaga mo he tahi ʼo tukuʼaki,+
2 Kapau ʼe liliu tau fakapapau ko he hele kia koe,
ʼO ke haʼisia ai ʼi ʼau palalau,+
3 Siʼoku foha, fai te meʼa ʼaeni ke ke ʼateaina mai ai,
He ʼe kua puleʼi koe e tou tatau:
Alu ki tou tatau ʼo fiamalalo mo kole mamahi ki ai.+
4 ʼAua naʼa ke moeʼi ʼou mata,
Peʼe ke tulemoe.
5 Faiga ke ke ʼateaina ohage ko he tia fafine neʼe hola mai te ʼu nima ʼo te tagata kapu manu,
Peʼe ko he manulele mai te ʼu nima ʼo te tagata puke manulele.
7 ʼE mole ʼi ai hona kamutoa, peʼe ko hona taupau peʼe ko hona pule,
8 Kae ʼe ina teuteuʼi tana meʼa kai ʼi te temi mafana,+
ʼE ina tanaki tana meʼa kai lolotoga te taʼukai.
9 Tagata pikoʼelo, ʼe kaku anai ki ʼafea tau takoto?
Ko ʼafea ʼae ka ke tuʼu ake ai mai tau moe?
10 ʼAi pe hau kiʼi moe, hau kiʼi tulemoe,
ʼAi pe hau kiʼi ʼukuma ke ke malolo,+
11 Pea ʼe hoko fakafokifa anai kia koe te masiva ohage ko he tagata kaihaʼa,
ʼEi, ʼe hoko fakafokifa anai kia koe te fakaʼofaʼofa ohage ko he tagata kaihaʼa ʼe toʼo mahafu.+
12 ʼE haʼele kaka te tagata ʼae ʼe mole hona ʼaoga mo agakovi.+
13 ʼE kivi mata,+ mo tauaka ʼona vaʼe pea ʼe gaugaue ʼona kauʼi tuhi.
14 ʼE fiafia tona loto ʼi te fai ʼo te meʼa ʼae ʼe kovi.
ʼE ina fai tuʼumaʼu ni fakatuʼutuʼu kovi+ pea mo fakahoko ni maveuveu.+
15 Koia ʼae ʼe hoko fakafokifa ai tona malaʼia,
ʼE tauteaʼi anai ʼi he temi pe ʼe tahi pea ʼe mole feala ke fakamalolo.+
16 ʼE fehiʼa ia Sehova kia meʼa ʼe ono,
Pea ʼe fakalialia kia meʼa ʼe fitu:
17 Te fialahi,+ te gutuloi,+ te fakapogi ʼo he tahi kae neʼe mole ina fai he meʼa ʼe kovi,+
18 Te loto ʼae ʼe ina fai ni fakatuʼutuʼu kaka,+ te ʼoho ki te meʼa ʼae ʼe kovi,
19 Te fakamoʼoni ʼe gutuloi tuʼumaʼu,+
Pea mo he tahi pe ʼe fakatupu kē ʼi ni tehina.+
20 Siʼoku foha, fakalogo ki te fakatotonu ʼo tau tamai,
Pea ʼaua naʼa ke siʼaki te ʼu ako ʼae neʼe foaki atu e tau faʼe.+
21 Haʼi tuʼumaʼu ki tou loto,
Nonoʼo ki tou kia.
22 ʼE natou takitaki anai ʼou lakaʼaga,
ʼE natou leʼoleʼo anai koe moka ke takoto,
Pea ʼe natou akoʼi anai koe moka ke ʼala ake.
23 Ko te fakatotonu ʼe ko he malama taki,+
Ko te lao ʼe ko he malama,+
Pea ko te ʼu valoki mo te fakatonutonu ʼe ko te ala ʼaia ki te maʼuli.+
25 ʼAua naʼa ke manumanū ʼi tou loto ki tona finelelei,+
ʼAua naʼa ke tuku ke fakahalaʼi koe ʼi te taulekaleka ʼo tona fofoga,
26 He ʼe kei toe pe ki te tagata hana kiʼi moʼi pane ʼuhi ko te fafine paomutu,+
Pea kapau ko he fafine ʼohoana, ʼe puli ai tona maʼuli.
27 ʼE tuku anai koa e he tagata he afi ki tona fatafata kae ʼe mole vela ai ʼona mutuʼi meʼa?+
28 Pe ʼe feala anai koa ke haʼele he tagata ʼi he ʼu mamala kakaha kae ʼe mole vela ai ʼona vaʼe?
29 ʼE toe feia pe anai mo ia ʼae ʼe momoe mo te ʼohoana ʼo tona tatau,
Ko ia ʼae ʼe fāfā ki ai ʼe tauteaʼi anai.+
30 ʼE mole meʼa noaʼi he tagata kaihaʼa
Mo kapau ʼe kaihaʼa he ʼe fia kai.
31 Kae ka maʼu, ʼe ina totogi ʼo tuʼa fitu,
ʼE tonu anai ke fakafisi ki te ʼu koloa fuli ʼo tona ʼapi.+
32 Ko he tahi pe ʼe tono mo he fafine ʼe mole aga fakapotopoto,
Ko ia ʼae ka ina fai te aga ʼaia, ʼe tuʼutamakiʼia.+
35 ʼE mole ina tali anai he totogi.
ʼE mole fimalie anai tatau aipe pe ʼe kotea tau meʼa ʼofa.
2 Fakalogo ki ʼaku fakatotonu pea ʼe ke maʼuli anai.+
Ke maʼuhiga kia koe ʼaku ako ohage ko te maʼuhiga ʼo tou kanoʼi mata.
4 Ui age ki te poto: “Ko koe ko toku tokolua,”
Pea toe ui age ki te ʼatamai: “Ko koe ko toku kaiga,”
5 Ke puipui ai koe mai te fafine faiaga,*+
Mai te fafine ʼae ʼe ina fai he ʼu aga heʼe ʼaoga* pea mo he ʼu palalau fakaoloolo.+
6 Neʼe au sio mai toku ʼapi,
ʼI te matapa fakamalama vagavaga
7 Ki te hahaʼi ʼae ʼe hoko tui,
Pea neʼe au tokagaʼi ʼi te kau tupulaga he tama neʼe mole aga fakapotopoto.+
8 Neʼe fakalaka ʼo ovi ki te ala ʼo te fafine ʼaia,
Pea neʼe alu ʼi te ala ʼae ʼe tuʼu ai tona ʼapi,
ʼI te vave poʼuli.
10 Pea neʼe au sio ki te haʼu ʼa te fafine ki te tama,
Neʼe teu ohage ko he fafine paomutu+ pea neʼe kaka tona loto.
11 Ko he fafine logoaʼa mo matasoka,+
ʼE mole nofo maʼu ʼi tona ʼapi.
12 ʼI ʼihi temi, ʼe nofo ʼi te ʼu ala, ʼi ʼihi temi, ʼe nofo ʼi te ʼu malaʼe lalahi,
ʼE nofo ovi ki te ʼu magaʼi ala fuli ʼo lamalama.+
13 Pea koʼeni kua ina puke pea mo ʼuma ki ai.
Neʼe pauʼu ʼo ina ui age:
14 “Neʼe tonu ke au momoli te ʼu sakilifisio ʼo te tokalelei.*+
Pea neʼe au fakahoko ʼaku fakapapau ʼi te ʼaho nei.
15 Koia ʼae neʼe au haʼu ai ʼo fakafelaveʼi mai kia koe,
ʼO kumi koe, pea koʼeni kua au maʼu koe!
17 Pea neʼe au fakamagoni ʼaki te mila,* mo te aloese pea mo te kasia.*+
18 Haʼu la ke ta konana ʼi te ʼofa ʼo kaku ki te uhu,
Ta fefakafiafiaʼaki ʼi te laukau mamahi.
19 ʼE puli toku ʼohoana ʼi fale,
Kua folau mamaʼo ia.
20 Neʼe alu ia mo tana paʼaga,
Pea ʼe hoki liliu mai ʼi te kua katoa ʼo te mahina.”
21 ʼE ina fakahalaʼi te tama ʼaki tana poto palalau.+
ʼE ina fakalalata ʼaki ni palalau fakaoloolo.
22 Fokifa pe kua ina muliʼi ohage ko he vitulo ʼe ʼave ke tamateʼi,
Peʼe ko he tagata vale ʼe ʼave ke haʼihaʼi moʼona fakatuʼā,+
23 ʼO kaku ki te fanahi ʼo tona ʼate e he kauʼi nahau.
ʼE hage pe ko he manulele ʼe ʼoho ki he hele, ʼe mole ina iloʼi ʼe mate ai anai.+
24 Siʼoku foha, ʼi te temi nei, fakalogo mai,
Tokagaʼi ʼaku palalau.
25 ʼAua naʼa hehe tou loto ʼi ʼona ala.
27 Ko te alu ki tona ʼapi ʼe hage ko te alu ki te Faitoka,*
ʼE hifo ia ki te ʼu potu fakapoʼuli ʼo te mate.
8 ʼE mole koa la ko te poto ʼae ʼe pauʼi?
ʼE mole koa la ko te leʼo ʼo te ʼatamai?+
4 “Hahaʼi, ko koutou ʼae ʼe au pauʼi,
ʼE au palalau atu kia koutou fuli!
6 Kotou fakalogo mai he ʼe maʼuhiga te meʼa ʼae ka au fakaha atu.
ʼE puʼaki atu e ʼoku laugutu te meʼa ʼae ʼe totonu,
7 ʼE fanafana e toku gutu te moʼoni,
Pea ʼe fehiʼa ʼoku laugutu ki te agakovi.
8 ʼE moʼoni fuli ʼaku palalau.
ʼE mole maʼu ai he kaka peʼe ko he loi.
9 ʼE mahino gafua ʼaku palalau fuli kia natou ʼae kua fakasiosio tonu,
Pea ʼe totonu fuli ia kia natou ʼae kua natou maʼu te ʼatamai malama.
10 Kotou filifili taku fakatonutonu ʼi te siliva,
Te ʼatamai malama ʼi te aulo ʼae neʼe fakamaʼa.+
11 ʼE lelei age te poto ʼi te ʼu feo.*
ʼE lahi age tona maʼuhiga ʼi te ʼu koloa fuli.
12 Ko au te poto ʼe au nofo mo te aga fakaʼeteʼete,
Kua au maʼu te ʼatamai malama mo te fealagia fakakaukau.+
13 Ko te manavasiʼi kia Sehova ko te fehiʼa ki te meʼa ʼae ʼe kovi.+
ʼE mole au leleiʼia te fiatuʼu, te fialahi,+ te mamiō kovi, pea mo te ʼu fasituʼu.+
15 ʼE hoko atu te pule ʼa te ʼu hau ʼuhi ko au,
Pea ʼe fai e te hahaʼi maʼu tuʼulaga ni lao faitotonu.+
16 ʼE hoko atu te pule ʼa te kau tama ʼaliki ʼuhi ko au,
Pea ʼe faifakamau te kau ʼaliki ʼi te faitotonu.
18 ʼE au maʼu te koloa mo te kololia,
Te ʼu koloa ʼae ʼe tologa, mo te faitotonu.
19 ʼE lelei age te meʼa ʼae ʼe feala ke au momoli ʼi te aulo ʼae kua fakamaʼa,
Pea ʼe lelei age te meʼa ʼae ʼe feala ke au foaki ʼi te siliva ʼae ʼe lelei.+
20 ʼE maʼu te faitotonu ʼi te ala ʼae ʼe au haʼele ai,
ʼEi, ʼe fakaʼapaʼapaʼi te meʼa ʼae ʼe totonu ʼi te ʼu ala ʼae ʼe au haʼele ai.
21 ʼE au foaki he tofiʼa lelei kia natou ʼae ʼe ʼoʼofa kia au,
Pea ʼe au fakafonu ʼonatou fale tanakiʼaga meʼa.
23 Neʼe fakanofo au ki toku tuʼulaga talu mai fualoa,+
Talu mai te kamata, ia muʼa ʼo te fakatuʼu ʼo te kele.+
24 Neʼe fanauʼi au kae neʼe heʼeki ʼi ai he tai loloto,+
Pea neʼe heʼeki fofonu te ʼu matapuna vai.
25 Neʼe fanauʼi au ʼi muʼa ʼo te fakatuʼu ʼo te ʼu kiʼi moʼuga,
ʼI muʼa ʼo te faʼu ʼo te ʼu moʼuga lalahi,
26 Kae neʼe heʼeki ina fakatupu te kele mo ʼona fenua laulelei,
Peʼe ko he potu kele.
27 Neʼe kua au nofo mo ia ʼi tana teuteuʼi te lagi.+
ʼI tana tohi he laini ʼi te vaha ʼo te lagi mo te tai,+
28 ʼI tana hili te ʼu ʼao ki ʼoluga,
ʼI tana fakatupu te ʼu matapuna vai mai te ʼu potu loloto ʼo te kele,
29 ʼI tana fakatotonu ki te tai
Ke mole fakalaka ʼi te tuʼakoi ʼae neʼe ina fakatuʼu,+
ʼI tana fai te ʼu fakatafito ʼo te kele,
Neʼe ina pele ʼosi au+ ʼi te ʼaho fuli.
Neʼe au fiafia tuʼumaʼu pe ʼi ʼona muʼa.+
31 Neʼe au fakafiafia ʼi te kele ʼae kua feala tona nofoʼi,
Pea neʼe makehe toku ʼofa ki te ʼu foha ʼo te tagata.
32 Siʼoku ʼu foha, ʼi te temi nei, kotou fakalogo mai,
He ʼe manuʼia ai ia natou ʼae ʼe natou mulimuli ki ʼaku fakatotonu.
33 Kotou fakalogo ki te fakatonutonu+ ke kotou fakapotopoto ai,
ʼAua naʼa kotou meʼa noaʼi ʼi he temi.
34 Manuʼia te tagata ʼae ʼe fia fakalogo mai
Pea ʼe haʼu ʼi te ʼaho fuli ki toku ʼapi, ʼi te mafoata,
ʼO talitali ʼi toku huʼaga.
35 ʼE maʼuli anai ia ia ʼae ʼe ina maʼu au,+
Pea ʼe ʼofa ai ia Sehova.
36 ʼE tuʼutamakiʼia anai ia ia ʼae ʼe mole ina tokagaʼi au,
Pea ko natou ʼae ʼe natou fehihiʼa ia au ʼe natou leleiʼia te mate.”+
9 Neʼe laga e te poto moʼoni tona ʼapi,
Neʼe ina togi ʼona pou ʼe fitu.
2 Neʼe ina teuteuʼi lelei tana moʼi pipi,
Neʼe ina huʼi tana vino,
Pea neʼe ina fakatoka tona laupapa.
4 “Hahaʼi ʼae ʼe hoko tui, kotou ʼomai ki heni.”
ʼE ina ui kia natou ʼae ʼe mole aga fakapotopoto:
5 “Kotou ʼomai ʼo kai taku pane
Pea mo inu taku vino ʼae neʼe au huʼi.
6 Tuku la takotou hoko tui pea ʼe kotou maʼuʼuli ai anai.+
Kotou maʼuʼuli ʼo mulimuli ki te ʼatamai ʼae kua kotou maʼu.”+
7 Ko ia ʼae ʼe ina akonakiʼi he tahi ʼe vava ʼe fakalainoaʼi anai,+
Pea ko ia ʼae ʼe ina fakatonutonuʼi he tahi ʼe agakovi ʼe mamahi anai.
8 ʼAua naʼa ke fakatonutonuʼi he tahi ʼe vava he ʼe fehiʼa anai kia koe.+
Fakatonutonuʼi he poto pea ʼe ʼofa anai ia kia koe.+
9 Vaevae mo he poto pea ʼe toe poto age anai.+
Akoʼi he tahi ʼe faitotonu pea ʼe toe ʼatamai age anai.
10 Ko te kamataʼaga ʼo te poto ʼe ko te manavasiʼi kia Sehova,+
Pea ko te iloʼi ʼo te ʼAtua Maʼoniʼoni+ ʼe ko te ʼatamai ʼaia.
12 Kapau ʼe ke poto, ʼe ke maʼu anai ʼona fua lelei.
Kapau ʼe ke vava, ʼe ke utu tokotahi pe anai ʼona fua kovi.
13 Ko te fafine agavale ʼe logoaʼa,+
ʼE vale ia pea ʼe mole ina iloʼi he meʼa.
14 ʼE heka ʼi te huʼaga ʼo tona ʼapi,
ʼI he hekaʼaga, ʼi te ʼu potu maʼoluga ʼo te kolo,+
15 ʼO kalaga ai kia natou ʼae ʼe fakalaka,
Kia natou ʼae ʼe olo fakahagatonu ʼi te ala:
16 “Hahaʼi ʼae ʼe hoko tui, kotou ʼomai ki heni.”
ʼE ina ui kia natou ʼae ʼe mole aga fakapotopoto:+
18 Kae ʼe mole natou iloʼi ko te potu ʼaia ʼe nonofo ai ia natou ʼae ʼe mole kei honatou malohi ʼi te mate,
Ko te kau fakaafe ʼa te fafine ʼaia ʼe natou nonofo ʼi te ʼu potu loloto ʼo te Faitoka.*+
10 Te ʼu taʼaga lea ʼa Salomone:+
ʼE fakafiafiaʼi e he foha poto tana tamai,+
Kae ʼe fakamamahiʼi e he tama vale tana faʼe.
2 ʼE mole he ʼuhiga ʼo te ʼu koloa ʼae neʼe maʼu ʼi he aga fakakaka,
Kae ʼe ko te faitotonu ʼae ʼe ina haofaki mai te mate.+
3 ʼE mole tuku anai e Sehova te tagata faitotonu ke pakupaku,+
Kae ʼe mole ina foaki anai ki te kau agakovi te meʼa ʼae ʼe natou manumanū ki ai.
5 ʼE tanaki e te foha ʼae ʼe fakasiosio poto te taʼukai ʼi te temi mafana,
Kae ʼe fakaufiufi te foha ʼae ʼe moe mate ʼi te temi ʼo te taʼukai.+
6 ʼE maʼu e te tagata faitotonu ni tapuakina.+
Ka palalau te tagata agakovi ʼe ina fufu tana agamalohi.
7 ʼE manatuʼi anai te tagata faitotonu pea ʼe palalauʼi lelei anai,+
Kae ʼe galoʼi anai te higoa ʼo te agakovi.+
8 ʼE mulimuli anai ia ia ʼae ʼe poto ki te ʼu fakatotonu,+
Kae ʼe malamalaki anai ia ia ʼae ʼe palalau vale.+
9 ʼE haʼele fimalie anai ia ia ʼae ʼe agatonu,+
Kae ko ia ʼae ʼe pikopiko ʼona ala ʼe mole feala anai ke ina fufu te meʼa ʼae neʼe ina fai.+
10 ʼE fakatupu mamahi ia ia ʼae ʼe kaka ʼo kemoʼi tona mata,+
Pea ʼe malamalaki anai ia ia ʼae ʼe palalau vale.+
11 ʼE ko he matapuna ʼo te maʼuli te ʼu palalau ʼa te tagata faitotonu,+
Kae ka palalau te tagata agakovi ʼe ina fufu tana agamalohi.+
13 ʼE maʼu te poto ʼi te ʼu laugutu ʼo ia ʼae ʼe ina maʼu te fakasiosio tonu,+
Kae ko ia ʼae ʼe mole aga fakapotopoto ʼe fakatuʼā anai ʼaki te kauʼi ʼakau.+
14 ʼE taupau lelei e natou ʼae ʼe natou maʼu te poto ia te ʼatamai malama,+
Kae ʼe fakatupu fihifihia te ʼu palalau ʼa te vale.+
15 Ki he tagata ʼe hage ʼona koloa ko he kolo tau.
Ko te mamahi ʼo te kau fakaʼofaʼofa ʼe ko tonatou masisiva.+
16 ʼE maʼu te maʼuli ʼi te gaue ʼa te tagata faitotonu,
Kae ʼe fakaʼaogaʼi e te tagata agakovi te fua ʼo tana gaue ki te agahala.+
17 Ko ia ʼae ʼe ina tokagaʼi te fakatonutonu ʼe ko he ala ia* ʼe ina taki ʼihi ki te maʼuli,
Kae ko ia ʼae ʼe ina meʼa noaʼi te valoki ʼe ina fakaheʼi natou.
19 Ka lahi fau te palalau ʼa he tahi, ʼe lakahala,+
Kae ko ia ʼae ʼe tokaga ki ʼana palalau, ʼe aga fakapotopoto.+
20 ʼE hage te ʼalelo ʼo te tagata faitotonu ko te siliva ʼae neʼe fakamaʼa,+
Kae ʼe mole faʼa maʼuhiga te ʼu manatu ʼa te tagata agakovi.
21 ʼE fua lelei te ʼu palalau ʼa te tagata faitotonu ki te tokolahi,+
Kae ʼe mamate te kau agavale he ʼe mole natou aga fakapotopoto.+
23 ʼE meʼa noaʼi e te tagata agavale te aga fakaufiufi,
Kae ʼe maʼu te poto e te tagata ʼae ʼe fakasiosio tonu.+
24 ʼE hoko anai ki te tagata agakovi te meʼa ʼae ʼe tuʼania ki ai,
Kae ʼe foaki anai ki te tagata faitotonu te meʼa ʼae ʼe fakaʼamu ki ai.+
25 ʼE puli anai te tagata agakovi moka ʼosi to te afā,+
Kae ko te tagata faitotonu ʼe ko he fakatafito ia ʼe tuʼu ʼo talu ai.+
26 Ohage ko te maninia ʼo te ʼu nifo ʼi te vinika, pea mo te ʼahu ki te ʼu mata,
ʼE feia te tagata pikoʼelo ki tona pule.
27 ʼE fakatologa te maʼuli ʼi te manavasiʼi kia Sehova,+
Kae ko te ʼu taʼu ʼo te kau agakovi ʼe nounou anai.+
28 ʼE ko he matapuna ʼo te fiafia te fakaʼamu ʼa te kau faitotonu,+
Kae ʼe puli anai te ʼamanaki ʼa te kau agakovi.+
29 ʼE ko he kolo tau ki te tagata agatonu te ʼu aga ʼa Sehova,+
Kae ʼe ko he malaʼia ia ki te kau agakovi.+
30 ʼE mole tukia anai te tagata faitotonu ʼi he temi,+
Kae ki te kau agakovi, ʼe mole natou toe maʼuʼuli anai ʼi te kele.+
31 ʼE haʼu te poto mai te gutu ʼo te tagata faitotonu,
Kae ko te ʼalelo fasituʼu ʼe pulihi anai ʼo talu ai.
32 ʼE iloʼi e te ʼu laugutu ʼo te tagata faitotonu te meʼa ʼae ʼe lelei,
Kae ko te gutu ʼo te tagata agakovi, ʼe kaka pe ia.
11 ʼE fakalialia ia Sehova ki te ʼu meʼa fua ʼae ʼe kaka,
3 Ko te agatonu ʼae ʼe ina takitaki te hahaʼi faitotonu,+
Kae ʼe tuʼutamakiʼia anai te hahaʼi kaka ʼuhi ko ʼanatou puleʼaki.+
4 ʼE mole he ʼuhiga ʼo te koloa ʼi te ʼaho ʼo te hauhau,+
Kae ko te faitotonu ʼae ka ina haofaki mai te mate.+
5 ʼE fakatonutonuʼi e te tagata agatonu tona ala ʼuhi ko te faitotonu,
Kae ʼe tukia anai te tagata agakovi ʼuhi ko tana aga.+
6 ʼE haofaki anai te hahaʼi agatonu ʼuhi ko tanatou faitotonu,+
Kae ʼe fakahalaʼi anai te hahaʼi kaka e ʼonatou holi.+
7 Ka mate he tagata agakovi, ʼe puli ai tana ʼamanaki,
Pea ʼe toe puli ai mo te ʼu fakaʼamu ʼae ʼe tupu mai tona malohi.+
9 ʼE iku te ʼu palalau ʼa te tagata ʼae ʼe mole fakaʼapaʼapa ki te ʼAtua* ki te mate ʼo tona tatau,
Kae ʼe haofaki te kau faitotonu ʼuhi ko te ʼatamai malama.+
10 ʼE fiafia he kolo ʼi te ʼu gaue lelei ʼa te kau faitotonu,
Kae ʼe logo ni kalaga fakafiafia ʼi te mamate ʼa te kau agakovi.+
11 ʼE koloaʼia he kolo ʼuhi ko te maʼu tapuakina ʼa te hahaʼi agatonu,+
Kae ʼe maumauʼi ia ʼi te ʼu palalau ʼa te kau agakovi.+
12 Ko ʼae ʼe mole aga fakapotopoto ʼe ina meʼa noaʼi tona tatau,
Kae ʼe nofo fakalogologo te tagata ʼae ʼe fakasiosio tonu.+
13 ʼE fealuʼaki te tagata faifasituʼu ʼo fakaha te ʼu meʼa ʼae ʼe mole tonu ke iloʼi,+
Kae ʼe taupau ia e ia ʼae ʼe tuha mo te falala.
14 ʼE mamahi te hahaʼi moka ʼe mole poto te pule ʼi te takitaki,*
Kae ʼe fua lelei anai mo kapau ʼe kaugamalie te kau faitokoni.+
15 ʼE fihifihia moʼoni anai ia ia ʼae ʼe fakapapau ʼe ina huʼi anai te maʼua ʼo he tahi ʼe mole ina iloʼi,+
Kae ʼe mole hoko anai he meʼa kia ia ʼae ʼe fakafisi ki ai.
16 ʼE maʼu te kololia e te fafine ʼae ʼe lelei,+
Kae ʼe kaihaʼa koloa te ʼu tagata ʼae ʼe mole ʼoʼofa.
18 ʼE maʼu e te tagata agakovi he totogi ʼe kaka,+
Kae ko ia ʼae ʼe faitotonu ʼe ina maʼu he fakapale moʼoni.+
19 Ko ia ʼae ʼe lagolago malohi ki te faitotonu, ʼe maʼuli anai,+
Kae ko ia ʼae ʼe ina tuli te kovi, ʼe mate anai ia.
20 ʼE fakalialia ia Sehova kia natou ʼae ʼe kaka ʼonatou loto,+
Kae ʼe fiafia ia natou ʼae ʼe maʼuli agatonu.+
21 ʼE mahino papau ia, ʼe fakatuʼā anai he tahi ʼe agakovi,+
Kae ʼe hao anai te ʼu fanau ʼa te kau faitotonu.
22 Ohage ko he mama aulo ʼi te ihu ʼo he puaka,
ʼE feia te fafine finemui ʼae ʼe mole aga fakapotopoto.
23 ʼE iku ki te lelei te fakaʼamu ʼa te kau faitotonu,+
Kae ʼe iku te ʼu holi ʼa te kau agakovi ki te hauhau ʼo te ʼAtua.
24 Ka foaki lahi e he tahi, pea ʼe ina maʼu ʼo lahi age.+
Kae ko ia ʼae ʼe ina taupau te meʼa ʼae ʼe tonu ke ina foaki, ʼe maʼuli masiva anai ia.+
25 Ko ia ʼae ʼe lotofoaki ʼe maʼuli lelei anai,+
Pea ko ia ʼae ʼe ina foaki he meʼa inu ki ʼihi ʼe toe malie anai mo ia.+
26 ʼE fakamalaʼia anai e te hahaʼi ia ia ʼae ʼe ina taupau maʼa ia te fulumeto,
Kae ʼe tapuakiʼi anai ia ia ʼae ʼe ina fakatau.
27 ʼE ʼofainaʼi anai ia ia ʼae ʼe faiga fakamalotoloto ʼo fai te meʼa ʼae ʼe lelei,+
Kae ʼe hoko moʼoni anai te malaʼia kia ia ʼae ʼe faiga ʼo fai te meʼa ʼae ʼe kovi.+
28 ʼE toka anai ia ia ʼae ʼe falala ki ʼona koloa,+
Kae ʼe hage anai te faitotonu ko he fuʼu ʼakau ʼe failau.+
29 ʼE utu anai te matagi e ia ʼae ʼe fakatupu fihifihia ki tona famili,+
Pea ʼe kaugana anai te vale ki te poto.
31 Kapau ʼe maʼu e te tagata faitotonu te meʼa ʼae ʼe tuha mo ia ʼi te kele,
ʼE feafeaʼi age la kia ia ʼae ʼe agakovi mo ia ʼae ʼe agahala!+
12 Ko ia ʼae ʼe manako ki te fakatonutonu ʼe toe manako ia ki te ʼatamai malama,+
Kae ko ia ʼae ʼe fehiʼa ki te fakatonutonu ʼe mole ʼatamai ia.+
2 ʼE fiafia ia Sehova ʼi te tagata agalelei,
Kae ʼe ina fakatuʼā te tagata ʼae ʼe ina fai ni fakatuʼutuʼu kovi.+
3 ʼE mole feala ke maʼuli fimalie he tahi ʼi tana agakovi,+
Kae ʼe mole taʼaki anai te tagata faitotonu ʼi he temi.
4 ʼE ko he kolona te fafine faʼafai ki tona ʼohoana,+
Kae ʼe hage te fafine aga fakaufiufi ko he mahaki ʼe ina kaina te ʼu hui.+
5 ʼE totonu te ʼu manatu ʼa te kau faitotonu,
Kae ʼe kaka te ʼu tokoni ʼa te kau agakovi.
6 ʼE fakatupu mate te ʼu palalau ʼa te kau agakovi,+
Kae ʼe maʼu te haofaki ʼi te ʼu palalau ʼa te hahaʼi ʼae ʼe totonu.+
8 ʼE palalauʼi lelei he tagata ʼuhi ko ʼana palalau fakapotopoto mo fakaʼeteʼete,+
Kae ʼe meʼa noaʼi anai ia ia ʼae ʼe kaka tona loto.+
9 ʼE lelei age te maʼuli malalo kae ʼe maʼu he kaugana,
ʼI te fiameʼameʼa kae mole maʼu he meʼa kai.+
10 ʼE tokaga te tagata faitotonu ki ʼana manu lalata,+
Kae ʼe lotofefeka te tagata agakovi logo la tana ui ʼae ʼe manavaʼofa.
11 ʼE makona anai te tagata ʼae ʼe ina gaueʼi tona kele,+
Kae ʼe mole aga fakapotopoto ia ia ʼae ʼe ina tuli te ʼu meʼa vaʼiganoa.
12 ʼE manumanū te tagata agakovi ki te ʼu meʼa ʼae neʼe faʼao e ʼihi kau agakovi,
Kae ʼe maʼuli lelei te aka ʼo te kau faitotonu.
13 ʼE to ki he hele te tagata agakovi ʼuhi ko ʼana palalau kaka,+
Kae ʼe hao mai te mamahi te tagata faitotonu.
14 ʼE fimalie te tagata ʼi te meʼa ʼae ʼe lelei ʼuhi ko ʼana palalau,+
Pea ʼe fua lelei anai te gaue ʼo ʼona nima.
17 ʼE fakaha e he fakamoʼoni agatonu te moʼoni,
Kae ʼe fai e he fakamoʼoni loi ni palalau kaka.
18 ʼE hage ko he heleta te ʼu palalau ʼae ʼe mole fakakaukauʼi,
Kae ʼe fakamalolo te ʼu palalau ʼa te kau popoto.+
20 ʼE kaka te loto ʼo natou ʼae ʼe natou fai ni fakatuʼutuʼu kovi,
Kae ʼe fiafia ia natou ʼae ʼe natou kumi te tokalelei.+
22 ʼE fakalialia ia Sehova ki te kau gutuloi,+
Kae ʼe fiafia ia ia natou ʼae ʼe agatonu.
24 ʼE pule anai ia natou ʼae ʼe gaue kinakina,+
Kae ʼe fakakauganaʼi anai ia natou ʼae ʼe pipikoʼelo.+
26 ʼE alu te tagata faitotonu ʼo vakavakaʼi ʼona koga meʼa lunaʼia,
Kae ʼe hehe te kau agakovi ia ʼuhi ko ʼanatou aga.
28 ʼE taki te ala ʼo te faitotonu ki te maʼuli,+
ʼE mole maʼu te mate ʼi te ala ʼaia.
13 ʼE tokagaʼi e he foha poto te akoako ʼae ʼe foaki age e tana tamai,+
Kae ko ia ʼae ʼe vava ʼe mole fakalogo ia ki te fakatonutonu.+
2 ʼE kai e he tagata te meʼa ʼae ʼe lelei ʼuhi ko ʼana palalau,+
Kae ʼe holi te tagata kaka ki te agamalohi.
3 Ko ia ʼae ʼe tokaga ki ʼana palalau ʼe ina puipui tona maʼuli,+
Kae ʼe malaʼia anai ia ia ʼae ʼe lahi fau tana palalau.+
4 ʼE lahi te ʼu holi ʼa te tagata pikoʼelo kae ʼe mole hana meʼa,+
Kae ʼe fimalie anai ia ia ʼae ʼe faʼa gaue.+
5 ʼE fehiʼa te tagata faitotonu ki te loi,+
Kae ʼe maʼu pe te ufiufi mo te fakalainoa ʼi te ʼu gaue ʼa te tagata agakovi.
6 ʼE puipui ia ia ʼae neʼe mole ina fai he meʼa ʼe kovi ʼi tana faitotonu,+
Kae ʼe higa anai te tagata agahala ʼi tana agakovi.
7 ʼE ʼi ai he tahi ʼe fia maʼu koloa kae ʼe mole hana meʼa,+
Mo he tahi age ʼe fia masiva kae ʼe lahi ʼona koloa.
8 ʼE feala ke totogi e he tagata tona maʼuli ʼaki ʼona koloa,+
Kae ʼe mole pe la tuʼutamakiʼia te kau masisiva.+
11 ʼE puli anai te ʼu koloa ʼae neʼe maʼu vave,+
Kae ʼe lahi anai te ʼu koloa ʼo ia ʼae neʼe ina tanaki mamalie.
12 ʼE lotomamahi ia ia ʼae ʼe mole hoko vave tana fakaʼamu,+
Kae ka hoko he fakaʼamu ʼe hage ko he fuʼu ʼakau ʼo te maʼuli.+
13 ʼE fua kovi anai te meʼa noaʼi ʼo te ʼu fakatotonu,+
Kae ʼe fakapale anai ia ia ʼae ʼe fakaʼapaʼapa ki ai.+
15 ʼE leleiʼia ia ia ʼae ʼe fakasiosio poto,
Kae ʼe tokakovi te ala ʼo te hahaʼi kaka.
16 ʼE fakapotopoto ia ia ʼae ʼe ina fakaʼaogaʼi te ʼatamai malama,+
Kae ʼe fakaha pe e te vale tana agavale.+
17 ʼE malaʼia te tagata ʼave logo agakovi,+
Kae ʼe maʼu te malolo mai te tagata agatonu ʼae neʼe fekauʼi.+
18 ʼE masiva anai mo ufiufi ia ia ʼae ʼe mole ina tokagaʼi te fakatonutonu,
Kae ʼe fakakololiaʼi anai ia ia ʼae ʼe ina tali tona akonakiʼi.+
20 Ko ia ʼae ʼe haʼele mo te kau popoto ʼe liliu anai ia ʼo poto,+
Kae ʼe faigataʼaʼia anai ia ia ʼae ʼe fakatahi mo te kau agavale.+
22 ʼE tuku e te tagata agalelei he tofiʼa ki ʼona mokopuna,
Kae ʼe taupau anai te ʼu koloa ʼo te tagata agahala maʼa te tagata faitotonu.+
23 ʼE lahi te meʼa kai ʼe maʼu mai te kele ʼae neʼe gaueʼi e te masiva,
Kae ʼe feala ke puli* ʼuhi ko te aga heʼe faitotonu.
24 ʼE fehiʼa ki tona foha ia ia ʼae ʼe mole ina fakaʼaogaʼi tana kauʼi ʼakau,*+
Kae ko ia ʼae ʼe ʼofa ki tona foha ʼe tokaga ʼo fakatonutonuʼi.*+
14 ʼE laga e te fafine ʼae ʼe poto moʼoni tona ʼapi,+
Kae ko ia ʼae ʼe vale ʼe ina maumauʼi totonu pe ia.
2 Ko ia ʼae ʼe aga fakahagatonu ʼe manavasiʼi ia kia Sehova,
Kae ʼe meʼa noaʼi ia e ia ʼae ʼe ina fai ni puleʼaki kaka.
3 ʼE hage ko he kauʼi ʼakau te ʼu palalau fialahi ʼa te kau vale,
Kae ko he puipui te ʼu laugutu ʼo te poto.
4 ʼE maʼa te kaiʼaga manu moka ʼe mole he faga pipi,
Kae ʼe lahi te taʼukai ʼuhi ko te malohi ʼo te vitulo.
6 ʼE kumi e te tagata vava te poto kae ʼe mole ina maʼu ia,
Kae ʼe faigafua te maʼu ʼo te ʼatamai malama e te tagata ʼatamai.+
8 ʼE iloʼi pe e te tagata aga fakaʼeteʼete te ala ʼae ʼe tonu ke haʼele ai ʼuhi ko te poto,
9 ʼE meʼa noaʼi e te kau vale te ʼu hala ʼae neʼe natou fai,+
Kae ʼe faiga te hahaʼi faitotonu ke natou fakatokatoka.
10 ʼE iloʼi totonu pe e te loto ʼona mamahi,
Pea ʼe mole feala ke ina vaevae mo he tahi tona fiafia.
11 ʼE maumauʼi anai te ʼu ʼapi ʼo te kau agakovi,+
Kae ʼe tuʼu ia ʼo talu ai te ʼu fale la ʼo te kau faitotonu.
13 ʼE feala pe ke katakata he tahi kae mamahi tona loto,
Pea ʼe feala pe ke liliu te fiafia ko he mamahi.
14 ʼE utu anai e te tagata kaka te ʼu fua ʼo tana aga,+
Kae ʼe fakapale anai te tagata lelei ʼuhi ko tana aga.+
16 ʼE tokaga te poto ʼo fakamamaʼo mai te kovi,
Kae ʼe lotonoa te vale ʼo falala pe kia ia.
17 ʼE agavale ia ia ʼae ʼe hoko ita,+
Kae ʼe fehiʼaʼinaʼi te tagata ʼae ʼe ina fakakaukauʼi lelei he aluʼaga.
18 Ko te tofiʼa ʼo te hahaʼi ʼae ʼe hoko tui* ko te vale,
Kae ʼe ko he kolona ki te hahaʼi popoto te ʼatamai malama.+
19 ʼE tulolo anai te hahaʼi agakovi ki te hahaʼi agalelei,
Pea ʼe natou tulolo anai ʼi te ʼu matapa ʼo te hahaʼi faitotonu.
20 ʼE toe fehiʼaʼinaʼi te masiva e ʼona vahaʼa fale,+
Kae ʼe lahi te ʼu kaumeʼa ʼo ia ʼae ʼe maʼu koloa.+
21 ʼE agahala ia ia ʼae ʼe ina meʼa noaʼi tona tatau,
Kae ʼe fiafia ia ia ʼae ʼe ʼofa ki ʼae ʼe veliveli.+
22 ʼE mole hehe anai koa ia natou ʼae ʼe natou fai ni fakatuʼutuʼu kovi?
Ko natou ʼae ʼe natou fakatotonu ke natou fai te meʼa ʼae ʼ e lelei, ʼe natou maʼu anai te manavaʼofa* mo te agatonu.+
23 ʼE maʼu anai ni lelei ʼi te ʼu gaue kinakina fuli pe,
Kae ʼe masiva anai te tagata ʼae ʼe palalau pe.+
24 ʼE ko he kolona ki te kau popoto ʼonatou koloa,
Kae ko te vale ʼo te kau vale ʼe tuʼumaʼu aipe tonatou vale.+
25 ʼE haofaki te maʼuli e he fakamoʼoni agatonu,
Kae ʼe fai tuʼumaʼu e te fakamoʼoni loi ni palalau kaka.
26 Ko te tagata ʼae ʼe manavasiʼi kia Sehova ʼe falala katoa kia te ia,+
Pea ʼe ko he nonoʼaga anai ki ʼana fanau te manavasiʼi ʼaia.+
27 ʼE ko he matapuna ʼo te maʼuli te manavasiʼi kia Sehova,
ʼE ina fakamaliu kehe te mate mai te tagata.
28 ʼE fakaʼapaʼapaʼi he hau ʼi te kaugamalie ʼo tana hahaʼi,+
Kae ʼe ko he malaʼia ki he pule moka mole hana kau fakalogo.
29 ʼE fakasiosio tonu ia ia ʼae ʼe tuai ʼi te ita,+
Kae ʼe ha te vale ʼo ia ʼae ʼe mole faʼa kataki.+
30 ʼE maʼu te maʼuli malolo ʼi he loto ʼe fimalie,
Kae ʼe hage te maheka ko he mahaki ʼe ina kaina te ʼu hui.+
31 ʼE laukovi ki tona Tupuʼaga te tagata ʼae ʼe ina kakaʼi ia ia ʼae ʼe veliveli,+
Kae ʼe fakakololiaʼi te Tupuʼaga e te tagata ʼae ʼe manavaʼofa kia ia ʼae ʼe masiva.+
32 ʼE to anai te agakovi ʼuhi ko tana agakovi,
Kae ʼe maʼu anai e te faitotonu hona nonoʼaga ʼi tana agatonu.+
35 ʼE fiafia te hau ʼi he kaugana ʼe fakasiosio poto,+
Kae ʼe ita lahi ia kia ia ʼae ʼe aga fakaufiufi.+
2 Ka palalau te kau poto, ʼe natou fakaʼaogaʼi lelei te ʼatamai malama,+
Kae ʼe hoko palalau te kau agavale.
4 ʼE hage te ʼu palalau malū ko he fuʼu ʼakau ʼo te maʼuli,+
Kae ʼe fakatupu mamahi te ʼu palalau kaka.
5 ʼE mole fakaʼapaʼapa tuʼa tahi te agavale ki tona fakatonutonuʼi e tana tamai,+
Kae ko he tahi ʼe ʼatamai ʼe ina tali tona akonakiʼi.+
6 ʼE lahi te ʼu koloa ʼi te ʼapi ʼo te tagata faitotonu,
Kae ʼe tuʼutamakiʼia pe te tagata agakovi ʼi ʼana gaue.+
7 ʼE haʼu te ʼatamai malama mai te ʼu laugutu ʼo te kau poto,+
Kae ʼe mole haʼu ia mai te loto ʼo te kau vale.+
8 ʼE fakalialia ia Sehova ki te ʼu sakilifisio ʼa te kau agakovi,+
Kae ʼe fiafia ia ʼi te ʼu faikole ʼa te kau faitotonu.+
9 ʼE fakalialia ia Sehova ki te aga ʼa te tagata agakovi,+
Kae ʼe ʼofa ia ki ʼae ʼe ina kumi te faitotonu.+
10 ʼE hage ʼe kovi* te fakatonutonu kia ia ʼae ʼe ina siʼaki te ala ʼae ʼe totonu,+
ʼE mate anai ia ia ʼae ʼe fehiʼa ki te fakatonutonu.+
11 ʼE mole puli he meʼa kia Sehova ʼi te Faitoka* mo te koga meʼa ʼo te fakaʼauha.*+
Kae ʼe feafeaʼi age la ki te loto ʼo te tagata!+
12 ʼE mole leleiʼia e te tagata vava te tagata ʼae ʼe ina fakatonutonuʼi ia ia.+
ʼE mole alu tuʼa tahi pe la ʼo kole tokoni ki te tagata poto.+
13 ʼE matamalimali he tahi moka ʼe fiafia tona loto,
Kae ʼe puli te lotomalohi ʼi te mamahi.+
16 ʼE lelei age te veliveli ʼo te ʼu koloa kae manavasiʼi kia Sehova+
ʼI te lahi ʼo te ʼu koloa mo ni tuʼania.+
19 ʼE hage te ala ʼo te tagata pikoʼelo ko he ʼa ʼakau talatala,+
Kae ʼe hage te ala ʼo te hahaʼi faitotonu ko he ala laulahi mo tokalelei.+
21 ʼE fiafia te tagata ʼae ʼe mole aga fakapotopoto ʼi tana agavale,+
Kae ʼe haʼele fakahagatonu te tagata ʼae ʼe fakasiosio tonu.+
22 ʼE to noa anai te ʼu fakatuʼutuʼu ʼi te mole kumi tokoni,
Kae ʼe hoko ia moka ʼe lahi te kau faitokoni.+
23 ʼE fiafia he tagata ʼi tana fai he tali ʼe tonu.+
ʼI meʼa fakafiafia leva te fai ʼo he palalau lelei ʼi tona temi tonu!+
24 ʼE hake ki te ala ʼo te maʼuli ia ia ʼae ʼe fakasiosio poto,+
Pea ʼe maliu kehe ia mai te ala ʼae ʼe hifo ki te Faitoka.*+
25 ʼE holoʼi anai e Sehova te ʼapi ʼo te tagata fiameʼalahi,+
Kae ʼe ina taupau anai te ʼu tuʼakoi ʼo te kele ʼo te fafine vitua.+
26 ʼE fakalialia ia Sehova ki te ʼu puleʼaki kaka ʼa te tagata agakovi,+
Kae ʼe maʼa ki ʼona mata te ʼu palalau ʼae ʼe lelei.+
27 ʼE fakatupu fihifihia ki tona famili ia ia ʼae ʼe ina maʼu fakakaka ʼona koloa,+
Kae ʼe maʼuli anai ia ia ʼae ʼe fehiʼa ki te ʼu meʼa ʼofa ʼae ʼe foaki fakafufu.+
28 ʼE metitasio te tagata faitotonu ʼi muʼa ʼo tana tali,*+
Kae ʼe puʼaki mai e te kau agakovi ni leakovi.
29 ʼE mamaʼo ia Sehova mai te kau agakovi,
Kae ʼe logo ia ki te faikole ʼa te kau faitotonu.+
30 ʼE fiafia te loto moka matamalimali he tahi,
ʼE fakamalohiʼi te ʼu hui e he logo lelei.+
31 ʼE kau ʼi te kau popoto
Ia ia ʼae ʼe fakalogo ki te fakatonutonu ʼae ʼe maʼu ai te maʼuli.+
32 ʼE meʼa noaʼi te maʼuli e natou fuli ʼae ʼe lituʼa ki te fakatonutonu,+
Kae ko ia ʼae ʼe ʼatamai ʼe ina tali te fakatonutonu.+
16 ʼE teuteuʼi e he tagata te ʼu manatu ʼo tona loto,
Kae ʼe haʼu mai ia Sehova te tali ʼae ʼe ina fai.+
2 ʼE manatu te tagata ʼe lelei ʼana faʼahiga aga fuli,+
Kae ʼe sivisivi e Sehova te ʼu tupuʼaga ʼo tana aga.+
3 Tuku kia nima ʼo Sehova ia meʼa fuli ʼae ʼe ke fai,+
Pea ʼe fua lelei anai ʼau fakatuʼutuʼu.
4 ʼE fakaʼaogaʼi e Sehova ia meʼa fuli moʼo fakahoko tana fakatuʼutuʼu,
ʼO toe feia pe mo te tagata agakovi ki te ʼaho ʼo te mamahi.+
5 ʼE fakalialia ia Sehova kia natou fuli ʼae ʼe fialahi,+
ʼE mahino papau ia, ʼe mole natou hao anai ʼi te fakatuʼā.
6 ʼE fakamolemole anai te hala ʼuhi ko te agalelei* mo te agatonu,+
Pea ʼe kita maliu kehe mai te kovi ʼuhi ko te manavasiʼi kia Sehova.+
7 Ka fiafia ia Sehova ʼi te aga ʼa he tagata,
ʼE ina faigaʼi ke felogoi lelei te ʼu fili mo te tagata ʼaia.+
9 Tatau aipe pe ʼe teuteuʼi e he tagata tona ala,
Kae ko Sehova ʼae ʼe ina takitaki ʼona lakaʼaga.+
10 ʼE tonu ke palalau te hau ʼo mulimuli ki te takitaki ʼa te ʼAtua,+
ʼE tonu ke ina fakahoko tuʼumaʼu te faitotonu.+
11 ʼE haʼu mai ia Sehova te ʼu meʼa fua ʼae ʼe tonu,
Ko te ʼu meʼa fua fuli ʼae ʼi te kato ko tana gaue.+
12 ʼE fakalialia te ʼu hau ki te ʼu faʼahiga aga ʼae ʼe kovi,+
He ʼe ko te faitotonu ʼae ʼe tuʼu malohi ai te hekaʼaga fakahau.+
13 ʼE fiafia te ʼu hau ʼi te ʼu palalau ʼae ʼe ha ai te faitotonu.
ʼE natou ʼoʼofa ia natou ʼae ʼe palalau fakahagatonu.+
14 ʼE hage te ita ʼo te hau ko he tagata ʼe fekauʼi ke alu ʼo matehi he tahi,+
Kae ʼe fakafimalieʼi ia e te tagata poto.+
15 ʼE maʼu te maʼuli ʼi te malamagia ʼo te fofoga ʼo te hau,
ʼE hage tona ʼofa ko he ʼao ʼo te ʼua ʼi te temi mātala ʼo te ʼu fisiʼi ʼakau.+
16 ʼE maʼuhiga age te maʼu ʼo te poto ʼi te aulo!+
ʼE lelei age te maʼu ʼo te ʼatamai ʼi te siliva!+
17 ʼE mamaʼo te ala laulahi ʼo te kau faitotonu mai te kovi.
ʼE puipui tona maʼuli e ia ʼae ʼe tokaga ki tona ala.+
18 ʼE muʼamuʼa te fiameʼalahi ʼi te malaʼia,
Pea ʼe muʼamuʼa te fiatuʼu ʼi te lakahala.+
19 ʼE lelei age te fiamalalo ʼi te lotolotoiga ʼo te kau agavaivai+
ʼI te vaevae mo te kau fiameʼalahi ʼonatou koloa.
20 ʼE iku lelei anai te aluʼaga ʼo ia ʼae ʼe fakasiosio poto,
Pea ʼe manuʼia anai ia ia ʼae ʼe falala kia Sehova.
22 ʼE ko he matapuna ʼo te maʼuli te fakasiosio poto kia natou ʼae ʼe natou maʼu,
Kae ʼe fakatuʼā te kau vale ʼi tanatou agavale.
24 ʼE hage te ʼu palalau lelei ko te meli,
Ko he fakafimalie mo he faitoʼo ki te ʼu hui.+
25 ʼE ui e te tagata ʼe lelei tona ala,
Kae ki muli age, ʼe ina taki ia ki te mate.+
26 ʼE kavakavahia te tagata gaue ʼae ʼe fia kai,
ʼEi, ʼe uga e tona fia kai ke gaue kinakina.+
27 ʼE huke e te tagata ʼae ʼe mole hona ʼuhiga te meʼa ʼae ʼe kovi,+
ʼE hage ʼana palalau ko he afi kakaha.+
29 ʼE fakalalata e he tagata agamalohi tona tatau,
ʼO ina taki ia ki te ala ʼae ʼe kovi.
30 ʼE kivi mata moka ina fakatuʼutuʼu ke ina fai he meʼa ʼe kovi.
ʼE ina ʼuʼusi ʼona laugutu moka ina fakahoko tana fakatuʼutuʼu kovi.
32 ʼE lelei age ia ia ʼae ʼe mole ita vave+ ʼi he tagata malohi,
Pea ʼe lelei age ia ia ʼae ʼe ina lolomi tona ita ʼi te tagata ʼae ʼe ina maʼu he kolo.+
17 ʼE lelei age he moʼi pane magemage kae ʼe maʼu ai te tokalelei,+
ʼI he ʼapi ʼae ʼe fai tuʼumaʼu ai he kaitahi kae ʼe fekēʼaki ai te hahaʼi.+
2 ʼE pule anai he tagata kaugana ʼe fakasiosio poto ki he foha ʼe aga fakaufiufi,
Pea ʼe ina maʼu anai he vahe ʼo te tofiʼa ohage pe ko te ʼu foha ʼo te pule.
3 ʼE haka te siliva mo te aulo ʼi te afi moʼonā fakamaʼa,+
Kae ko Sehova ʼae ʼe ina sivisivi te ʼu loto.+
4 ʼE tokagaʼi e te tagata agakovi te ʼu palalau fakalotomamahi,
Pea ʼe fakalogo te tagata kaka ki te ʼu loi.+
5 ʼE laukovi ki tona Tupuʼaga ia ia ʼae ʼe ina vaʼi he tahi ʼe masiva,+
Pea ʼe fakatuʼā anai te tagata ʼae ʼe fiafia ʼi te ʼu malaʼia ʼo ʼihi.+
6 ʼE ko he kolona te ʼu mokopuna ki ʼanatou kui,
Pea ʼe ko he kololia te ʼu tamai ki ʼonatou foha.
7 ʼE mole tuha he ʼu palalau faitotonu* mo he tagata agavale.+
ʼE feafeaʼi age la ki he ʼu palalau kaka ʼa he tagata takitaki!+
8 Ko he meʼa ʼofa ʼe hage kia ia ʼae ʼe ina maʼu ko he maka maʼuhiga.+
Pe kofea pe he koga meʼa ʼe alu ki ai, ʼe manuʼia anai ʼuhi ko te meʼa ʼofa ʼaia.+
9 ʼE ʼofa ia ia ʼae ʼe fakamolemole ki he lakahala,+
Kae ko ia ʼae ʼe palalau tuʼumaʼu ki he aluʼaga ʼe ina veteki he ʼu kaumeʼa lelei.+
10 ʼE fua lelei age te fakatonutonu ki he tagata ʼatamai,+
ʼI ni foʼi ta ʼe teau ki he tagata agavale.+
11 ʼE agatuʼu tuʼumaʼu pe he tagata agakovi,
Pea ʼe fekauʼi anai he tagata lotofefeka ke alu ʼo fakatuʼā.+
12 ʼE lelei age he felaveʼi mo he uluso fafine ʼae kua toʼo ʼona ʼuhi
ʼI he felaveʼi mo he tahi ʼe agavale.+
13 Kapau ʼe tauʼi e he tahi te lelei ʼaki te kovi,
ʼE mole puli anai te kovi ʼi tona loto fale.+
14 ʼE hage te kamata ʼo he kē ko te avahi ʼo he kaupa ʼe ina taʼofi te vai.
ʼI muʼa ʼo te hoko ʼo te kē, mavae ʼi te fakaʼapaʼapa.+
15 Ko ia ʼae ʼe mole ina fakatuʼā te agakovi pea mo ia ʼae ʼe ina fakatuʼā te faitotonu,+
ʼE fakalialia ia Sehova kia naua toko lua.
16 Kotea te ʼuhiga ʼo te fealagia ʼae ke maʼu e te vale te poto
Mo kapau ʼe mole loto ki ai?+
17 ʼE fakaha e he kaumeʼa moʼoni tona ʼofa ʼi te temi fuli pe,+
Pea ʼe ko he tehina ia neʼe tupu ki te ʼu temi mamahi.+
18 ʼE fakapapau e te tagata ʼae ʼe mole aga fakapotopoto
ʼE ina huʼi anai te maʼua ʼo he tahi ia muʼa ʼo tona tatau.+
19 ʼE lakahala anai ia ia ʼae ʼe ina leleiʼia te fekēʼaki.+
ʼE tuʼutamakiʼia anai ia ia ʼae ʼe ina fakamaʼoluga tona matapa.+
20 ʼE mole hoko anai te ʼu fakatuʼutuʼu ʼo ia ʼae ʼe lotokaka,+
Pea ʼe pulinoa anai ia ia ʼae ʼe ina fai ni palalau kaka.
21 ʼE lotomamahi anai ia ia ʼae neʼe ina fakatupu he tamasiʼi vale,
Pea ʼe mole fiafia anai te tamai ʼa he tamasiʼi ʼe mole fakapotopoto.+
23 ʼE tali anai e he tagata agakovi he meʼa ʼofa neʼe foaki fakafufu age
Moʼo tala ni fakamau heʼe faitotonu.+
24 ʼE manatuʼi tuʼumaʼu te poto e ia ʼae ʼe fakasiosio tonu,
Kae ʼe sio te vale ia ki te potu taupotu ʼo te kele.+
25 ʼE fakatupu lotomamahi he foha vale ki tana tamai,
Pea mo ina fakamamahiʼi ia ia ʼae neʼe ina fanauʼi.+
26 ʼE mole ko he meʼa lelei te fakatuʼā ʼo he tahi ʼe faitotonu,
Pea ʼe heʼe faitotonu te huipiʼi ʼo he hahaʼi ʼe tuha mo te fakaʼapaʼapa.
27 Ko he tahi ʼe ina maʼu te ʼatamai malama ʼe ina taʼofi ʼana palalau,+
Pea ʼe lotololomi ia ia ʼae ʼe fakasiosio tonu.+
28 Maʼiape la mo he tagata agavale, ʼe ui anai ʼe poto mo kapau ʼe nofo fakalogologo,
Pea ko ia ʼae ʼe ina mapunuʼi tona gutu ʼe ui anai ʼe ʼatamai.
2 ʼE mole leleiʼia e ia ʼae ʼe vale te ʼatamai,
ʼE ina fia fakaha pe te meʼa ʼae ʼi tona loto.+
3 ʼE maʼu te vaʼiganoa e te tagata agakovi,
Pea ʼaki te lainoa te ufiufi.+
4 ʼE hage te ʼu palalau ʼa he tagata ko he ʼu vai loloto.+
ʼE hage te matapuna ʼo te poto ko he liuʼa ʼe tafe tuʼumaʼu.
5 ʼE mole lelei te kau fakatahi mo te tagata agakovi,+
Peʼe ko te fakafisi ki te tagata agatonu te faitotonu.+
7 ʼE mamahi ia ia ʼae ʼe vale ʼuhi ko tona gutu,+
Pea ʼe tuʼutamakiʼia tona maʼuli ʼuhi ko ʼona laugutu.
8 ʼE hage te ʼu palalau ʼa ia ʼae ʼe faifasituʼu ko ni meʼa kai lelei+
ʼE folo pea ʼe hifo lelei ki te fatu.+
9 Ko ia ʼae ʼe piko ʼi tana gaue
ʼE tau tehina mo ia ʼae ʼe fakatupu mamahi.+
10 ʼE ko he tule malohi te huafa ʼo Sehova.+
ʼE lele ki ai te faitotonu pea ʼe puipui ai.+
11 Ki he tagata ʼe hage ʼona koloa ko he kolo tau.
ʼI tana fakakaukau, ʼe hage ko he kaupa ʼe ina puipui ia ia.+
14 ʼE katakiʼi e he tagata tona mahaki moka lotomalohi,+
Kae ko ai ʼae ʼe ina lava katakiʼi te lotovaivai?+
15 ʼE maʼu te ʼatamai malama e te tagata ʼae ʼe ʼatamai,+
ʼE kumi e te tagata poto te ʼatamai malama ʼi tana fakalogo.
16 ʼE ava ni matapa ki te tagata ʼae ʼe foaki meʼa ʼofa,+
Pea ʼe fakaovi ai ki ni hahaʼi maʼuhiga.
17 Ko ia ʼae ʼe ina ʼuluaki fakaha tana manatu ki he aluʼaga ʼe hage mai ia ʼe moʼoni,+
ʼO kaku ki te hoki ʼomai ʼa te kau fakafeagai ʼo kole age ke ina fakamoʼoni ʼana palalau.+
18 ʼE fakagata te ʼu kē ʼi te fai ʼo he toho,+
Pea ʼe ina fakatokatoka* anai ni kau fakafeagai malolohi.
19 ʼE malohi te ita ʼo he tehina ʼi he kolo malohi,+
ʼE ʼi ai ni kē ʼe hage ko te ʼu ʼakau fakamaʼu ʼo te ʼu matapa ʼo he kolo tau.+
20 ʼE fakafonu e he tagata ia tona fatu ʼaki ʼana palalau.+
ʼE makona anai ʼi te fua ʼo ʼona laugutu.
21 ʼE pule te ʼalelo ki te mate mo te maʼuli.+
Ko natou ʼae ʼe natou fia fakaʼaogaʼi ʼe natou maʼu pe anai ʼona nunuʼa.+
22 Ko te tagata ʼae ʼe ina maʼu hona ʼohoana ʼe lelei ʼe ina maʼu he koloa,+
Pea ʼe ʼofa ia Sehova ʼi te tagata ʼaia.+
23 ʼE palalau te tagata masiva ʼo kolekole,
Kae ʼe tali fakafefeka age te tagata maʼu koloa.
24 ʼE ʼi ai ni kaumeʼa ʼe natou feagakoviʼaki,+
Kae ʼe ʼi ai he kaumeʼa ʼe ʼofa lahi age ia ʼi he tehina.+
2 ʼE mole lelei mo kapau ʼe mole maʼu e he tahi te ʼatamai malama,+
Pea ʼe agahala ia ia ʼae ʼe ʼoho noa.
3 ʼE kovi te ala ʼae ʼe toʼo e he tagata ʼuhi ko tana agavale,
Kae ʼe ita ia kia Sehova ʼi tona loto.
4 ʼE lahi te ʼu kaumeʼa ʼi te maʼu koloa,
Kae ki te masiva, maʼiape la mo tona kaumeʼa ʼe ina siʼaki anai.+
6 ʼE kaugamalie ia natou ʼae ʼe natou kumi ke leleiʼia natou e he ʼaliki,*
Pea ʼe kaumeʼa fuli te hahaʼi mo te tagata ʼae ʼe fai meʼa ʼofa.
ʼE haga kolekole kae ʼe mole pe la he tahi ʼe tali ki ai.
8 Ko ia ʼae ʼe aga fakapotopoto ʼe ʼofa kia ia totonu.+
Ko ia ʼae ʼe ina fakamaʼuhigaʼi te fakasiosio tonu ʼe fua lelei anai ki ai.+
9 ʼE fakatuʼā anai te fakamoʼoni loi,
Pea ʼe mate anai ia ia ʼae ʼe loi tuʼumaʼu.+
10 ʼE mole tuha mo te tagata agavale te maʼuli fakaʼaliʼaliki,
Kae ʼe feafeaʼi age la ki he pule ʼa he kaugana ki ni tama ʼaliki!+
11 ʼE mahino papau ia, ʼe mole ita vave he tagata ʼe fakasiosio poto,+
Pea ʼe tuha ke vikiʼi moka ʼe mole ina tokagaʼi he lakahala neʼe fai age.+
12 ʼE hage te itaita ʼa te hau ko te gugulu ʼa he laione,+
Kae ʼe hage tona ʼofa ko te hahau ʼae ʼe to ki te vao ʼakau.
13 ʼE tuʼania he tamai ʼuhi ko te agavale ʼo tona foha,+
Pea ʼe hage he fafine ʼohoana munamuna* ko he ʼato ʼe tutulu tuʼumaʼu.+
14 ʼE maʼu ni koloa mo ni ʼapi mai te ʼu tamai,
Kae ʼe maʼu mai ia Sehova he fafine ʼohoana ʼe aga fakapotopoto.+
15 ʼE faʼa moe ia ia ʼae ʼe piko,
Pea ʼe pakupaku anai.+
16 Ko ia ʼae ʼe fakalogo ki te ʼu fakatotonu ʼe ina taupau tona maʼuli.+
ʼE mate anai ia ia ʼae ʼe ina meʼa noaʼi te ʼu fua ʼo tana aga.+
17 Ko ia ʼae ʼe agaʼofa kia ia ʼae ʼe veliveli ʼe ina foaki kia Sehova+
ʼAe ka Ina fakapale ʼana gaue.+
19 ʼE utu anai e te tagata itaita te ʼu fua ʼo tana aga:
Kapau ʼe ke faigaʼi ʼo puipui ia ia, ʼe tonu anai ke ke fai liuliuga.+
21 ʼE lahi te ʼu fakatuʼutuʼu ʼi te loto ʼo te tagata,
Kae ko te finegalo ʼo Sehova ʼae ka hoko.+
22 Ko te meʼa ʼae ʼe leleiʼia ʼi he tagata ʼe ko tona ʼofa agatonu,+
Pea ʼe lelei age te masiva ʼi te gutuloi.
23 Ko ia ʼae ʼe manavasiʼi kia Sehova, ʼe maʼuli anai ia.+
ʼE moe fimalie anai ia ʼo hao mai te malaʼia.+
24 ʼE ʼai e te tagata pikoʼelo tona nima ki te pa meʼa kai,
Kae ʼe mole ina toe lava ʼaumai pe la ki tona gutu.+
25 Taʼi te tagata vava+ ke aga fakaʼeteʼete ia ia ʼae ʼe hoko tui,+
Pea mo fakatonutonuʼi ia ia ʼae ʼe ʼatamai ke toe lahi age tona ʼatamai malama.+
26 Ko ia ʼae ʼe ina gaohi koviʼi tana tamai mo kapu tana faʼe,
ʼE ko he tama aga fakaufiufi mo fakatupu lainoa.+
27 Siʼoku foha, kapau ʼe mole kei ke fakalogo ki te fakatonutonu,
ʼE ke fakamamaʼo anai mai te ʼu folafola fakapotopoto.
28 ʼE meʼa noaʼi e te fakamoʼoni loi ia te faitotonu,+
Pea ʼe malie ki te gutu ʼo te kau agakovi te meʼa ʼae ʼe kovi.+
29 ʼE ko te fakatuʼā ʼae ka maʼu e te kau vava,+
Pea ʼe teuteuʼi te kauʼi ʼakau ki te tuʼa ʼo te kau agavale.+
20 ʼE fakatupu vava te vino+ pea ʼe fakatupu logoaʼa te kava.+
ʼE mole aga fakapotopoto ia ia ʼae ʼe fakamamaʼo mai te ala ʼae ʼe totonu ʼuhi ko tana inu.+
2 ʼE fakamataku he hau ohage ko te gugulu ʼa he laione,+
ʼE tuʼutamakiʼia te maʼuli ʼo ia ʼae ʼe ina lagaʼi tona ita.+
4 ʼE mole fuli kele ia ia ʼae ʼe pikoʼelo ʼi te temi momoko.
Pea ʼe kai kolekole anai ʼi te taʼukai he ʼe mole hana meʼa.*+
5 ʼE hage te ʼu manatu ʼa te tagata ko ni vai loloto,
Kae ʼe ohu ake e ia ʼae ʼe fakasiosio tonu.
6 ʼE ui e te hahaʼi tokolahi ʼe natou agatonu,
Kae ko ai ʼae ʼe ina lava maʼu he tagata agatonu?
7 ʼE agatonu te tagata faitotonu.+
Manuʼia ʼana fanau ʼae ka tutupu ake!+
8 Ka ʼafio te hau ʼi tona hekaʼaga fakahau ʼo faifakamau,+
ʼE ina tokagaʼi ia meʼa fuli ʼae ʼe kovi.+
12 Ko te taliga ʼae ʼe logo mo te mata ʼae ʼe sio,
Neʼe faʼu lua e Sehova.+
13 ʼAua naʼa ke manako ki te moe naʼa ke masiva ai.+
Avahi ʼou mata pea ʼe ke mahu anai ʼi te pane.+
14 ʼE ui e te tagata faifakatau: “ ʼE mole lelei, ʼe mole lelei!”
Kae ʼi tana alu ʼe fiameʼameʼa ia ʼi te meʼa ʼae neʼe ina toʼo.+
16 Kapau neʼe fakapapau e he tagata ʼe ina huʼi anai te maʼua ʼo he tahi ʼe mole ina iloʼi, toʼo te kofu ʼo te tagata ʼaia.+
Kapau neʼe ina fai maʼa he fafine* matapule, toʼo mai te tagata ʼona koloa moʼo fakamoʼoni ʼe ina huʼi anai.+
17 ʼE kano leleiʼia e te tagata te pane ʼae neʼe ina maʼu fakakaka,
Kae ki ʼamuli ʼe fonu kilikili anai tona gutu.+
18 ʼE iku lelei te ʼu fakatuʼutuʼu ʼi te kumi tokoni.+
19 ʼE fealuʼaki te tagata faifasituʼu ʼo fakaha te ʼu meʼa ʼae ʼe mole tonu ke iloʼi.+
ʼAua naʼa ke fakatahi mo ia ʼae ʼe fiafia ʼi te faifatufatu.
20 Ko ia ʼae ʼe ina lotokoviʼi tana tamai mo tana faʼe,
ʼE mate anai tona malama moka fakapoʼuli.+
21 Ko te tofiʼa ʼae neʼe maʼu fakakaka,
ʼE mole fua lelei anai ki ʼamuli.+
22 ʼAua naʼa ke ui: “ ʼE au liufaki anai te kovi!”+
Falala kia Sehova+ pea ʼe ina haofaki anai koe.+
23 ʼE fakalialia kia Sehova te ʼu meʼa fua kaka,*
Pea ʼe mole lelei te meʼa fua ʼae ʼe hala.
24 Ko Sehova ʼae ʼe ina takitaki te ʼu lakaʼaga ʼo te tagata.+
ʼE feafeaʼi anai te mahino ʼa te tagata ki tona ala?
25 ʼE fakatupu tuʼutamaki ki he tagata tana hoko ui: “Maʼoniʼoni!”+
Pea hoki fakakaukau ki muli age ki te fakapapau ʼae neʼe ina fai.+
26 ʼE fakamavetevete e he hau poto te kau agakovi+
Ohage pe ko te toʼo kehe ʼo te tegaʼi fulumeto mai tona kili.+
27 Ko te manava ʼo he tagata ʼe ko te malama ʼa Sehova,
ʼAe ʼe ina fakaha ia meʼa fuli ʼae ʼe fufu ʼi tona loto.
29 Ko te kololia ʼo te kau tupulaga ko tonatou malohi,+
Pea ko te taulekaleka ʼo te kau matuʼa ko tonatou ʼulu hina.+
30 ʼE haʼu te kovi ki tuʼa moka ta he tahi ʼo lavea ai,+
Pea ʼe fakamaʼa e te ʼu foʼi ta ia meʼa fuli ʼae ʼi te loto.
21 ʼE hage te loto ʼo he hau ko he ʼu liuʼa ʼi te nima ʼo Sehova.+
ʼE ina taki ki te ʼu potu fuli ʼae ʼe loto ki ai.+
3 Ka faitotonu he tahi,
ʼE lahi age te fiafia ʼa Sehova ʼi hana fai he sakilifisio.+
4 Ko te fialahi mo te fiatuʼu,
ʼE ko te malama ʼae ʼe ina taki te kau agakovi pea ʼe ko he agahala ia.+
5 ʼE mahino papau ia, ʼe fua lelei anai te ʼu fakatuʼutuʼu ʼa te tagata faʼa gaue.+
Kae ko natou fuli ʼae ʼe ʼoho noa ʼe masisiva anai.+
6 Ko te maʼu ʼo ni koloa mai ni palalau kaka,
ʼE hage ia ko he mao ʼe puli vave mo he hele fakatupu mate.*+
7 ʼE tafiʼi anai te kau agakovi ʼi tanatou agamalohi,+
He ʼe mole natou fia mulimuli ki te faitotonu.
8 ʼE pikopiko te ala ʼo te tagata ʼae ʼe lakahala,
Kae ʼe faitotonu te tagata ʼae ʼe maʼa tona loto.+
9 ʼE lelei age te nofo ʼi he faʼahi ʼo te ʼato
11 Ka fakatuʼā he tahi ʼe vava, ʼe liliu ai ʼo popoto te kau vale,
Pea ka lelei age te mahino ʼa he tahi ʼe poto, ʼe ina iloʼi ai te meʼa ʼae ʼe tonu ke ina fai.+
12 ʼE sioʼi e te Faitotonu te ʼapi ʼo te tagata agakovi.
ʼE ina fakato te malaʼia ki te kau agakovi.+
13 Ko ia ʼae ʼe ina pupunu tona taliga ki te tagi ʼa ia ʼae ʼe veliveli,
ʼE mole tali anai he tahi kia ia moka tagi.+
14 ʼE malū te ita moka fai fakafufu he meʼa ʼofa,+
ʼEi, ʼe malū he ita kovi moka fai fakakaka he meʼa ʼofa.
15 Ko he fiafia ki te tagata faitotonu te fai ʼo te meʼa ʼae ʼe totonu,+
Kae ko he meʼa fakalialia kia natou ʼae ʼe natou fai te meʼa ʼae ʼe kovi.
16 Ko te tagata ʼae ʼe mole kei haʼele ʼi te ala ʼo te fakasiosio poto,
ʼE fakatahi anai mo natou ʼae ʼe mole kei honatou malohi ’i te mate.+
17 ʼE masiva anai ia ia ʼae ʼe ina leleiʼia te ʼu fakafiafia.+
ʼE mole maʼu koloa anai ia ia ʼae ʼe ina leleiʼia te lolo mo te vino.
18 Ko te tagata agakovi ko he totogi* ia maʼa te tagata faitotonu,
Pea ʼe toʼo anai te tagata kaka moʼo fetogi te tagata faitotonu.+
20 ʼE maʼu he koloa maʼuhiga mo he lolo ʼi te ʼapi ʼo te tagata poto,+
Kae ko ia ʼae ʼe agavale ʼe ina maumauʼi anai te meʼa ʼae ʼe ina maʼu.+
21 Ko ia ʼae ʼe ina haga kumi te faitotonu mo te ʼofa agatonu,
ʼE ina maʼu anai te maʼuli, mo te faitotonu pea mo te kololia.+
22 ʼE lava kake te tagata poto ki te kaupa ʼo te kolo ʼo te kau malolohi,
Pea mo pulihi ai te malohiʼaga ʼae ʼe natou falala ki ai.+
23 Ko ia ʼae ʼe tokaga ki ʼana palalau,
ʼE mole tau anai ia mo he ʼu fihifihia.+
24 Ko te tagata fiameʼameʼa ʼae ʼe mole fakakaukau ki te ʼu nunuʼa ʼo tana aga,
ʼE ui anai ko he tahi ʼe fiatuʼu ʼo fiameʼalahi mo nekenekea.+
25 ʼE mate anai te tagata pikoʼelo ʼuhi ko te ʼu meʼa ʼae ʼe holi ki ai,
He ʼe mole fia gaue.+
26 ʼE lotomanumanū te tagata pikoʼelo ʼi te ʼaho katoa,
Kae ʼe lotofoaki te tagata faitotonu ʼo mole ina taupau he meʼa maʼa ia.+
27 ʼE ko he meʼa fakalialia te sakilifisio ʼa te tagata agakovi,+
Tafito la moka ʼe ina fai ʼaki he lotokovi.*
28 ʼE mate anai te fakamoʼoni loi,+
Kae ʼe malave loto moka fakaha e te tagata te ʼu palalau ʼae neʼe logo ki ai.
29 ʼE fia fakaha e te tagata agakovi ʼe lotofalala,+
Kae ko te tagata faitotonu ʼe haʼele ia ʼi te ala ʼae ʼe lelei.+
30 ʼE mole maʼu he poto, mo he fakasiosio tonu, mo he tokoni moka fakafeagai kia Sehova.+
22 ʼE lelei age he matagafua lelei* ʼi ni koloa lalahi,+
ʼE lelei age te fakaʼapaʼapaʼi ʼo kita ʼi te siliva mo te aulo.
2 ʼE tatau ia ia ʼae ʼe maʼu koloa mo ia ʼae ʼe masiva,
Neʼe fakatupu naua e Sehova.+
3 ʼE sio te tagata aga fakaʼeteʼete ki te tuʼutamaki pea ʼe nono ia,
Kae ʼe haga alu pe te tagata vale pea fua kovi pe kia ia.
4 Ko te fua ʼo te agavaivai pea mo te manavasiʼi kia Sehova,
ʼE ko te maʼu koloa, mo te kololia pea mo te maʼuli.+
5 ʼE maʼu ni vao talatala mo ni hele ʼi te ala ʼo te tagata kaka,
Kae ʼe fakamamaʼo mai ai ia ia ʼae ʼe ina fakamaʼuhigaʼi tona maʼuli.+
6 Akoʼi ki te tama* te ala ʼae ʼe tonu ke haʼele ai,+
Tatau aipe moka matuʼa, ʼe mole mavae anai mai ai.+
7 ʼE puleʼi e te tagata maʼu koloa te kau masiva,
Pea ko ia ʼae ʼe toʼo maʼua ʼe popula kia ia ʼae neʼe toʼo maʼua ai.+
8 Ko ia ʼae ʼe ina nunusi te heʼe faitotonu ʼe ina utu anai te malaʼia,+
Pea ʼe fasiʼi anai te ʼakau ʼo tona ita.+
9 ʼE tapuakina anai ia ia ʼae ʼe lotofoaki,
He ʼe ina vaevae tana meʼa kai mo ia ʼae ʼe masiva.+
10 Kapu ia ia ʼae ʼe vava,
Ke mole toe ʼi ai he kē,
Pea hoki gata ai leva te ʼu fihi mo te ʼu laukovi.
11 ʼE kaumeʼa anai mo te hau
Ia ia ʼae ʼe maʼa tona loto pea mo ina fai ni palalau mālie.+
12 ʼE taupau e Sehova te ʼatamai malama,
Kae ʼe ina molehi te ʼu palalau ʼa te tagata kaka.+
13 ʼE ui e te tagata pikoʼelo: “ ʼE ʼi ai he laione ʼi tuʼa.
ʼE ina kai anai au ʼi te malaʼe lahi ʼo te kolo.”+
14 ʼE ko he luo loloto te gutu ʼo te ʼu fafine faiaga.*+
ʼE to anai ki ai ia ia ʼae ʼe mole ʼofainaʼi e Sehova.
15 ʼE pipiki te agavale ki te loto ʼo te tama,*+
Kae ʼe mamaʼo anai ia mai ai moka fakaʼaogaʼi te ʼakau ʼo te fakatonutonu.+
16 ʼE liliu anai ʼo masiva
Ia ia ʼae ʼe ina kakaʼi te masiva ke maʼu koloa ai+
Pea mo ia ʼae ʼe ina foaki he ʼu meʼa ʼofa ki te tagata koloaʼia.
17 Tokaga ʼo fakalogo ki te ʼu palalau ʼa te kau poto,+
Pea mo avahi tou loto ki te ʼatamai malama ʼae ʼe au foaki atu,+
18 Mo ke taupau he ʼe fua lelei anai kia koe,+
Pea ke faipalalau tuʼumaʼu ki ai.+
19 ʼE au foaki atu he ʼatamai malama ʼi te ʼaho nei
Ke feala ai hau falala kia Sehova.
20 Neʼe heʼeki au tohi atu koa la,
Mo foaki atu he ʼu tokoni mo he ʼatamai malama?
21 Neʼe au akoʼi atu he ʼu palalau ʼe moʼoni mo tuha mo te falala,
Ke feala ai hau foaki he ʼu logo ʼe totonu kia ia ʼae neʼe ina fekauʼi koe.
22 ʼAua naʼa ke kaihaʼa te masiva he ʼe masiva,+
Pea ʼaua naʼa ke gaohi koviʼi ia ia ʼae ʼe veliveli ʼi te matapa ʼo te kolo,+
23 He ʼe fakafofoga anai e Sehova ia naua ʼi te faifakamau,+
Pea ʼe ina pulihi anai ia natou ʼaia neʼe agakaka.
24 ʼAua naʼa ke fakatahi mo he tahi ʼe hoko ita,
Pea ke fakamamaʼo mai ia ia ʼae ʼe itaita,
25 Ke ʼaua naʼa ke mulimuli ki te ʼu aga ʼaia,
Naʼa ke to ai ki he hele.+
26 ʼAua naʼa ke fakatahi mo natou ʼae ʼe natou talaga mo tukuʼaki
ʼE natou huʼi anai te ʼu maʼua ʼo ʼihi.+
27 Ka mole feala hau totogi,
Pea ʼe toʼo anai tou palepale.
28 ʼAua naʼa ke hiki he tuʼakoi ʼafeā ʼo he kele
Neʼe fakatuʼu e ʼau kui.+
29 Neʼe ke sio koa ki he tagata ʼe faiva ʼi tana gaue?
ʼE tuʼu anai ia muʼa ʼo ni hau.+
ʼE mole tuʼu anai ia muʼa ʼo ni faʼahiga tagata pe.
23 Ka ke kai fakatahi mo he hau,
Tokaga lelei ki te ʼu meʼa ʼae ʼi ʼou muʼa.
2 Kapau ʼe ke mahani ʼi te kai lahi,
Kai fakameʼameʼa.
3 ʼAua naʼa ke manumanū ki ʼana meʼa kai lelei,
Naʼa fakahalaʼi ai koe.
4 ʼAua naʼa ke kinakina fau ʼi te kumi koloa.+
Tuku pea ke ʼatamai.*
5 ʼE ke sio anai kua puli ia,+
He ʼe ʼi ai ʼona pakakau ohage ko te akuila pea ʼe lele ia ʼi te lagi.+
6 ʼAua naʼa ke toʼo te meʼa kai ʼa ia ʼae ʼe kaikovi,
ʼAua naʼa ke manumanū ki ʼana meʼa kai lelei,
7 He ʼe hage ia ko he tahi ʼe ina tohi ia meʼa fuli ʼae ʼe ke kai.
ʼE ina ui atu: “Kai mo inu,” kae mole ko tona loto ʼaia.
8 ʼE ke luaʼi anai ʼau maʼaga,
Pea ʼe mole he ʼuhiga anai ʼo te ʼu laupisi ʼae neʼe ke fai age.
10 ʼAua naʼa ke hiki he tuʼakoi ʼafeā ʼo he kele,+
Pea ʼaua naʼa ke hu ki te gaueʼaga ʼa ia ʼae ʼe hala mo tamai,
11 He ʼe mafimafi tonatou Haofakiʼaga.
Ko ia ʼae ka ina fakafofoga natou ʼi te faifakamau.+
12 Avahi tou loto ʼo tali te fakatonutonu,
Pea mo ʼou taliga ki te ʼu palalau fakapotopoto.
13 ʼE tonu ke ke akonakiʼi tou foha.*+
ʼE mole mate anai moka ke ta ʼaki he kauʼi ʼakau.
14 Ta ʼaki he kauʼi ʼakau
Ke hao mai te Faitoka.*
16 ʼE au fiafia anai ʼi toku loto katoa,
Moka fakaha e ʼou laugutu te meʼa ʼae ʼe totonu.
17 Ke mole maheka tou loto ki te kau agahala,+
Kae ke manavasiʼi kia Sehova ʼi te ʼaho katoa,+
18 He ʼe ke maʼu ai anai he ka haʼu ʼe lelei,+
Pea ʼe mole puli anai tau ʼamanaki.
19 Siʼoku foha, fakalogo ke ke liliu ai ʼo poto,
Takitaki tou loto ki te ala ʼae ʼe totonu.
20 ʼAua naʼa ke fakatahi mo natou ʼae ʼe natou inu fakavale te vino,+
Pea mo natou ʼae ʼe natou kai fakavale te kanoʼi manu,+
21 He ʼe masisiva anai te kau konana mo te hahaʼi ʼae ʼe kakai fakavalevale,+
Pea ʼe teu mahaehae anai ia natou ʼae ʼe tulemomoe.
22 Fakalogo ki tau tamai ʼae neʼe ke tupu ai,
Pea ʼaua naʼa ke meʼa noaʼi tau faʼe ʼuhi pe he ʼe kua finematuʼa.+
23 Totogi* te moʼoni pea ʼaua naʼa ke fakatau ʼi he temi.+
Toe fai feia ki te poto, te fakatonutonu pea mo te ʼatamai.+
24 ʼE mahino ia, ʼe fiafia anai te tamai ʼa he faitotonu.
Pea ʼe fiafia anai te tamai ʼae neʼe tupu ai he foha poto.
25 ʼE fiafia anai tau tamai mo tau faʼe,
ʼEi, ʼe fiafia anai ia ia ʼae neʼe ina fanauʼi koe.
26 Siʼoku foha, foaki mai tou loto,
Pea ke ke fiafia ʼi tau sioʼi ʼaku aga.+
27 ʼE hage te fafine paomutu ko he luo loloto,
Pea ʼe hage te fafine ʼae ʼe ina fai ni aga heʼe ʼaoga* ko he vai keli lauveliveli.+
28 ʼE nono ʼo lamalama ohage ko he tagata kaihaʼa,+
Pea ʼe kaugamalie age te ʼu tagata heʼe agatonu ʼuhi ko ia.
29 Maʼa ai te malaʼia? Maʼa ai te lotohoha?
Maʼa ai te ʼu kē? Maʼa ai te ʼu lauga?
Maʼa ai te ʼu lavea kae mole hona tupuʼaga? Maʼa ai te ʼu mata fufula?
31 ʼAua naʼa ke sioʼi te lanu kula ʼo te vino,
ʼAe ʼe tapa gigila mo hifo lelei,
32 Koteʼuhi ki muli age, ʼe ʼusiʼusi ia ohage ko he gata,
Pea ʼe kona ia ohage ko he gata kafokona.
34 ʼE ke hage anai ko he tagata ʼi te loto tai,
Peʼe ko he tagata ʼae ʼe takoto ʼi te fuga fana ʼo he vaka.
35 ʼE ke ui anai: “Neʼe ta au, kae neʼe mole au logoʼi.*
Neʼe haha au, kae neʼe mole au iloʼi.
ʼE au ʼala koa ʼafea?+
ʼE kei au fia inu pe.”
24 ʼAua naʼa ke maheka ki te kau agakovi,
Pea ʼaua naʼa ke fia fakatahi mo natou,+
2 He ʼe fakakaukauʼi e ʼonatou loto te agamalohi,
Pea ʼe natou palalau ki ni fakatuʼutuʼu kovi ʼae ʼe natou fia fakahoko.
5 ʼE malohi he tagata poto,+
Pea ʼuhi ko te ʼatamai malama, ʼe tuputupu ai tona malohi.
6 ʼE maʼuhiga te poto ’i te takitaki* moka hoko he tau,+
Pea ʼe maʼu te haofaki* ʼi te kaugamalie ʼo te kau faitokoni.+
7 ʼE mole maʼu e te vale te poto moʼoni,+
Pea ʼe mole palalau ia ʼi te matapa ʼo te kolo.
8 Ko ia ʼae ʼe ina fakatuʼutuʼu ke ina fai te meʼa ʼae ʼe kovi,
ʼE lau anai ia ʼe faiva ʼi te kaka.+
9 ʼE iku ki te agahala te ʼu fakatuʼutuʼu kaka ʼa te vale,
Pea ʼe fehiʼaʼinaʼi ia ia ʼae ʼe vava.+
10 Kapau ʼe ke lotovaivai ʼi te temi mamahi,
ʼE mole lahi anai tou malohi.
11 Haofaki ia natou ʼae ka ʼave ʼo matehi,
Pea tokoni kia natou ʼae ka ʼave ʼo tamateʼi.+
12 Kapau ʼe ke ui: “Neʼe mole matou iloʼi he meʼa,”
ʼE mole iloʼi koa ʼau manatu e Ia ʼae ʼe ina sivisivi te ʼu loto?*+
ʼEi, ʼe iloʼi anai e Ia ʼae ʼe ina sioʼi koe,
Pea ʼe ina liufaki anai ki te takitokotahi ʼo mulimuli ki ʼana gaue.+
13 Siʼoku foha, kai te meli he ʼe lelei,
ʼEi, ʼe huʼa malie ia.
14 Ke ke iloʼi ʼe toe fua lelei feia pe mo te poto kia koe.+
Kapau ʼe ke maʼu, ʼe lelei anai tou ka haʼu,
Pea ʼe mole puli anai tau ʼamanaki.+
15 ʼAua naʼa ke agakovi ʼo nono ovi ki te ʼapi ʼo te tagata faitotonu moʼona ʼohofi.
ʼAua naʼa ke maumauʼi tona maloloʼaga.
16 ʼE feala ke toka tuʼa fitu te tagata faitotonu kae ʼe toe tuʼu ake anai ia.+
ʼE mole tatau ia mo te tagata agakovi ʼae ʼe tukia ʼi te malaʼia.+
17 Ka toka tou fili ʼaua naʼa ke fiafia,
Pea ka tukia ʼaua naʼa fiafia tou loto,+
18 Naʼa sio ki ai ia Sehova pea ita,
19 ʼAua naʼa ke ita ʼuhi ko te kau agakovi,
Pea ʼaua naʼa ke maheka kia natou,
20 He ʼe mole he ka haʼu kia natou ʼae ʼe agakovi.+
ʼE mate anai te malama taki ʼo te kau agakovi.+
21 Siʼoku foha, fakaʼapaʼapa lahi kia Sehova mo te hau.+
ʼAua naʼa ke fakatahi mo te kau agatuʼu,*+
22 Koteʼuhi ʼe hoko fakapunamaʼuli anai kia natou te malaʼia.+
Pea ʼe mole iloʼi te faʼahiga tautea ʼae ka nā* fakahoko kia natou.+
23 Neʼe toe fai te ʼu palalau ʼaeni e te kau popoto:
ʼE mole tonu ke ke fakapalatahi ʼi te faifakamau.+
24 Ko ia ʼae ʼe ina ui ki te tagata agakovi: “ ʼE ke faitotonu,”+
ʼE laukoviʼi anai e te hahaʼi pea ʼe valokiʼi e te ʼu puleʼaga.
26 ʼE faʼufua te hahaʼi kia ia ʼae ʼe tali fakahagatonu.*+
27 Fakatuʼutuʼu ʼau gaue ʼae ʼi tuʼa pea teuteuʼi ia meʼa fuli ʼi te ʼu gaueʼaga.
Hili ia pea ke laga tou fale.*
28 ʼAua naʼa ke tukugakoviʼi tou tatau kae mole hona tupuʼaga.+
ʼAua naʼa ke fakaʼaogaʼi ʼou laugutu moʼo fakahalaʼi ʼo he tahi.+
29 ʼAua naʼa ke ui: “ ʼE au fai anai ohage pe ko tana fai mai.
30 Neʼe au fakalaka ʼo ovi ki he gaueʼaga ʼa he tagata pikoʼelo,+
ʼO ovi ki he gaueʼaga vite ʼa he tagata ʼe mole aga fakapotopoto.
32 Neʼe au sioʼi te aluʼaga ʼaia pea neʼe au fakakaukauʼi.
ʼI taku sio ki ai, neʼe au toʼo mai ai te ako ʼaeni:
33 ʼAi pe hau kiʼi moe, hau kiʼi tulemoe,
ʼAi pe hau kiʼi ʼukuma ke ke malolo,
34 Pea ʼe hoko fakafokifa anai kia koe te masiva ohage ko he tagata kaihaʼa,
ʼEi, ʼe hoko fakafokifa anai kia koe te fakaʼofaʼofa ohage ko he tagata kaihaʼa ʼe toʼo mahafu.+
25 Ko te tahi ʼu taʼaga lea ʼaeni ʼa Salomone,+ neʼe hiki* e te kau sikalaipe ʼa Esekiasi,+ te hau ʼo Suta:
2 Ko te kololia ʼo te ʼAtua ko te fufu ʼo he meʼa,+
Pea ko te kololia ʼo te ʼu hau ko te vakavakaʼi ʼo he meʼa.
3 Ohage pe ko te maʼoluga ʼo te lagi pea mo te loloto ʼo te kele,
ʼE mole feala ke mahino he tahi ki te loto ʼo te ʼu hau.
4 Toʼo te sikoli ʼi te siliva,
Pea ʼe maʼa katoa ai anai.+
5 Toʼo te tagata agakovi mai ia muʼa ʼo te hau,
Pea ʼe tuʼu malohi anai tona hekaʼaga fakahau ʼi te faitotonu.+
6 Tuku tau fiamatamuʼa ia muʼa ʼo te hau,+
Pea ʼaua naʼa ke heka fakatahi mo te hahaʼi maʼuhiga.+
7 He ʼe lelei age ke ina ui atu: “Haʼu ʼo heka ʼi heni,”
ʼI hana fakamalaloʼi koe ia muʼa ʼo he ʼaliki.+
8 ʼAua naʼa ke fai fakavilivili he faifakamau,
He kotea anai ka ke fai moka fakalainoaʼi koe e tou tatau?+
9 Felogoi mo ia ki tokolua fihifihia,+
Kae ʼaua naʼa ke fakamatala te ʼu meʼa ʼae kua fakaha atu,+
10 Ke mole fakalainoaʼi koe e ia ʼae ʼe fakalogo atu,
Pea ke mole ke fai ni leakovi* ʼe mole feala hona tataʼofi.
12 Kia ia ʼae ʼe fakalogo, ʼe hage ia ia ʼae ʼe ina fakatonutonuʼi fakapotopoto
Ko he foʼi hau aulo, ʼei, ko he meʼa fakateuteu aulo.+
13 Kia natou ʼae neʼe natou fekauʼi te tagata ʼave logo agatonu,
ʼE hage ia ko te mokomoko ʼo te nive ʼi te temi taʼukai,
He ʼe ina toe fakamalohiʼi tona pule.+
14 Ko he tagata ʼe laupisi ki he meʼa ʼofa ʼe mole ina foaki,
ʼE hage ko te ʼu ʼao mo te matagi ʼae ʼe mole natou fakato te ʼua.+
15 ʼE fakalotoʼi he kamutoa ʼaki te kataki fualoa,
Pea ʼe feala ke fasiʼi he hui ʼaki ni lea malū.+
16 Ka ke maʼu he meli, kai pe te meʼa ʼae ʼe ʼaoga kia koe,
He kapau ʼe lahi fau tau kai pea ʼe feala pe ke ke toe luaʼi.+
17 ʼAua naʼa ke alu tuʼumaʼu ki te ʼapi ʼo tou tatau,
He ʼe feala ai ke fiu mo fehiʼa ia koe.
18 Ko he tagata ʼe ina fai he fakamoʼoni loi ki tona tatau,
ʼE hage ko he ʼakau, he heleta mo he kauʼi nahau masila.+
19 Ko he falala ki he tahi ʼe mole tuha mo te falala* ʼi he temi faigataʼa,
ʼE hage ko he tahi ʼe ina kaiʼi tona nifo ʼae kua fasi peʼe ko he tahi ʼe vaʼe piko.
20 Ko ia ʼae ʼe hiva ki he tahi ʼe lotomamahi,+
ʼE hage ko ia ʼae ʼe ina huʼi tona kofu ʼi he ʼaho momoko,
Peʼe ko he vinika ʼe huaʼi ki te sota.
21 Kapau ʼe fia kai tou fili,* foaki age hana moʼi pane,
Kapau ʼe fia inu, foaki age hana moʼi vai,+
22 He ʼe ke tanaki anai ki tona fuga ʼulu ni mamala kakaha,*+
Pea ʼe fakapale anai koe e Sehova.
23 ʼE fakato ni ʼua e te matagi noleto,
Pea ʼe fakatupu ita te gutu ʼae ʼe faifatufatu.+
24 ʼE lelei age te nofo ʼi he faʼahi ʼo te ʼato
25 Ko he logo lelei mai he fenua mamaʼo+
ʼE hage ko he vai mokomoko ki he tahi ʼe gaʼegaʼe.
26 Ko he tagata faitotonu ʼe mulimuli ki he tahi ʼe agakovi
ʼE hage ko he matapuna vai ʼe ʼepu mo he vai keli ʼe ʼuli.
26 ʼE mole tuha te fakaʼapaʼapa mo he tahi ʼe vale,+
Ohage ko te nive ʼi te temi vela mo te ʼua ʼi te temi taʼukai.
2 ʼE mole hoʼi hola noa pe he manulele peʼe ko te lele ʼa he kiʼi misi,
ʼE feia pe mo he malaʼia, ʼe mole hoʼi hoko noa.*
3 ʼE ʼaoga te huipi ki te hosi mo te fakagutu ki te asino,+
Pea ko te koga ʼakau ki te ʼu tuʼa ʼo te kau vale.+
4 ʼAua naʼa ke tali ki te vale ʼo mulimuli ki tona vale,
Naʼa ke tatau mo ia.
5 Tali ki te vale ʼo mulimuli ki tona vale
Ke ʼaua naʼa ina ui ʼe poto.+
6 Ko ia ʼae ʼe ina foaki ni gaue ki he tahi ʼe vale,
ʼE hage ko he tahi ʼe ina fakalaveaʼi ʼona vaʼe.
7 Ko he taʼaga lea ʼi te gutu ʼo te kau vale,
ʼE hage ko te ʼu vaʼe ʼo he tahi ʼe haʼele ketu.+
8 Ko he fakakololiaʼi ʼo he tahi ʼe vale,
ʼE hage ko te nonoʼo ʼo he maka ki he makamaka.+
9 Ko he taʼaga lea ʼi te gutu ʼo te kau vale,
ʼE hage ko he ʼakau talatala ʼi te nima ʼo he tahi ʼe konahia.
10 Ko he tahi ʼe ina fakagaueʼi he tagata vale peʼe ko he tahi ʼe fakalaka
ʼE hage ko he tagata fainahau ʼe hoko fana ʼo lavevea ai te hahaʼi.
11 Ohage ko he kuli ʼe toe liliu ʼo kai tona lua
ʼE feia te vale ʼae ʼe toe liliu ki tona vale.+
12 Neʼe ke sio koa ki he tagata ʼe ina ui ʼe poto?+
ʼE lahi age te ʼamanaki ia kia ia ʼae ʼe vale.
13 ʼE ui e te tagata pikoʼelo: “ ʼE ʼi ai he laione ʼi te ala,
He laione ʼi te malaʼe lahi ʼo te kolo!”+
14 Ohage ko he matapa ʼe fetaʼaki tuʼumaʼu,
ʼE feia te femafuliʼaki ʼa te tagata pikoʼelo ʼi tona palepale.+
15 ʼE ʼai e te tagata pikoʼelo tona nima ki te pa meʼa kai,
Kae ʼi te lahi ʼo tona piko ʼe mole ina lava ʼaumai pe la ki tona gutu.+
16 ʼE manatu te tagata pikoʼelo ʼe poto age ia
ʼI he toko fitu ʼe palalau fakapotopoto.
17 Ko he tahi ʼe fakalaka ʼe ita ki he kē ʼe mole kau ai,
ʼE hage ko he tahi ʼe ina puke te ʼu taliga ʼo he kuli.+
18 Ohage ko he tagata vale ʼe ina li ni tao ulo mo fana ni kauʼi nahau kona,
19 ʼE feia te tagata ʼae ʼe ina kakaʼi tona tatau mo ui: “Ko te gaoʼi pe ia.”+
20 Ka mole he fafie, ʼe mate te afi,
Pea ka mole he tahi ʼe fasituʼu, ʼe gata ai te kē.+
21 Ko he tagata fakatupu kē
ʼE hage ko te li ʼo ni mamala ki ni mamala kakaha pea mo te hokohokoʼi ʼo ni fafie ʼi he afi.+
22 ʼE hage te ʼu palalau ʼa ia ʼae ʼe faifasituʼu ko ni meʼa kai lelei
ʼE folo pea ʼe hifo lelei ki te fatu.+
23 Ko te ʼu palalau lelei ʼae ʼe fai e he tagata agakovi,
ʼE hage ko te vali ʼo he vanisi siliva ki he ipu kua foa.+
24 Ko ia ʼae ʼe fehiʼa ki ʼihi ʼe mole ha ʼi ʼana palalau,
Kae ʼe kaka tona loto.
25 ʼE malie ʼana palalau kae ʼaua naʼa ke falala ki ai,
Koteʼuhi ʼe maʼu ʼi tona loto he ʼu aga fakalialia ʼe fitu.*
26 ʼE loi moʼo fufu tona fehiʼa,
Kae ʼe ha anai tana agakovi ʼi te hahaʼi.
27 Ko ia ʼae ʼe ina keli he luo, ʼe to anai ia ki ai,
Pea kapau ʼe fuli he maka e he tahi, ʼe feala pe ke teka mai te maka ʼaia ʼo tataʼo.+
28 Ko he tahi ʼe gutuloi ʼe fehiʼa kia natou ʼae ʼe ina fakamamahiʼi,
Pea ʼe fakatupu malaʼia ia ia ʼae ʼe laupisi.+
27 ʼAua naʼa ke fiameʼameʼa ki te apogipogi
He ʼe mole ke iloʼi pe kotea ʼae ka hoko.+
2 Ke vikiʼi koe e he tahi kehe, kae mole ko koe totonu,
ʼEi, ʼe mole ko koe kae ko ʼihi.+
3 ʼE mamafa te maka, ʼo toe feia pe mo te ʼone,
Kae ʼe mamafa age te ita ʼae ʼe fakatupu e he tagata vale.+
4 ʼE kovi te itaita mo fua kovi ohage ko he puvai,
Kae ko ai ʼae ʼe ina lava taʼofi te maheka?+
5 ʼE lelei age te fakatonutonuʼi fakahagatonu ʼi te mole fakaha ʼo tokita ʼofa.+
6 ʼE fakatupu mamahi te fakatonutonu ʼa he kaumeʼa kae ʼe agatonu ia,+
Kae ʼe lahi* te ʼu ʼuma ʼa he fili.
7 ʼE fakafisi he tahi kua makona ki te meli foʼou,
Kae ko ia ʼae ʼe pakupaku, ʼe malie kia ia te meʼa ʼae ʼe kona.
8 Ohage ko te fakamamaʼo* ʼa he manulele mai tona moeʼaga,
ʼE toe feia mo te fakamamaʼo ʼa he tagata mai tona loto fale.
9 ʼE fakalotofiafia te lolo mo te iseso.
ʼE feia he kaumeʼa lelei ʼe ina fai he ʼu tokoni ʼofa.+
10 ʼAua naʼa ke liʼaki tou kaumeʼa, ʼo feia ki te kaumeʼa ʼo tau tamai,
Pea ʼaua naʼa ke hu ki te ʼapi ʼo tou tehina ʼi te temi ʼae ʼe ke faigataʼaʼia ai.
ʼE lelei age he vahaʼa fale ʼi he tehina ʼe nofo mamaʼo.+
11 Siʼoku foha, ke ke fakapotopoto pea ke ke fakafiafiaʼi toku loto,+
Ke feala ai haku tali kia ia ʼae ʼe laukovi mai kia te au.+
12 ʼE sio te tagata aga fakaʼeteʼete ki te tuʼutamaki pea ʼe nono ia,+
Kae ʼe haga alu pe te tagata vale pea fua kovi pe kia ia.
13 Kapau neʼe fakapapau e he tagata ʼe ina huʼi anai te maʼua ʼo he tahi ʼe mole ina iloʼi, toʼo te kofu ʼo te tagata ʼaia.
Kapau neʼe ina fai maʼa he fafine* matapule, toʼo mai te tagata ʼona koloa mo’o fakamoʼoni ʼe ina huʼi anai.+
14 Kapau ʼe fakaʼapaʼapaʼi leʼo lahi e he tahi tona tatau ʼi te mafoata,
ʼE ui ʼe fakatupu malaʼia anai kia ia.
15 ʼE hage he fafine ʼohoana munamuna* ko he ʼato ʼe tutulu tuʼumaʼu ʼi te ʼaho ʼua.+
16 Ko ia ʼae ʼe ina lava taʼofi te fafine ʼaia, ʼe feala hana taʼofi te matagi
Pea mo puke he moʼi lolo ʼi tona nima mataʼu.
17 Ohage ko te ukamea ʼe ina fakamasila te ukamea,
ʼE feia te tokoni ʼa he tagata ki hona kaumeʼa ke poto age.+
18 Ko ia ʼae ʼe tokaga ki tona fuʼu fiku ʼe kai anai ki ʼona fua,+
Pea ko ia ʼae ʼe tokaga ki tona pule ʼe fakaʼapaʼapaʼi anai.+
19 Ohage ko te fakaʼata e te vai he fofoga,
ʼE feia te fakaʼata e te loto ʼo he tagata he loto ʼo he tahi kehe.
20 ʼE mole makokona ʼi he temi te Faitoka* mo te koga meʼa ʼo te fakaʼauha,*+
ʼO feia pe mo te ʼu mata ʼo te tagata.
21 ʼE haka te siliva mo te aulo ʼi te afi moʼonā fakamaʼa.+
ʼO toe feia pe, ʼe ha te ʼuhiga moʼoni ʼo he tahi moka vikiʼi.
22 Tatau aipe pe ʼe ke tuki lailai he tahi ʼe vale,
Ohage ko tau lailaiʼi te ʼu tegaʼi ʼakau,
Kae ʼe mole puli anai tana agavale.
23 ʼE tonu ke ke iloʼi lelei te agaaga ʼo tau faga manu.
Tokaga lelei ki tau faga ovi,+
24 He ʼe mole maʼu te koloa ʼo talu ai,+
Pea ʼe mole tuku holo te pale ki te ʼu taʼiake fuli.
25 ʼE moamoa te luna pea homo te luna foʼou,
Pea ʼe tanaki te vao ʼo te ʼu moʼuga.
26 ʼE ke teuteu ʼaki te ʼu fuluʼi akeno
Pea ʼe ke totogi he gaueʼaga ʼaki te ʼu tao tagata.
27 Pea ʼe feʼauga anai te huʼa pipi ʼo te tao moʼo fafaga ʼo koe,
Mo tou famili pea mo ʼau fafine kaugana.
28 ʼE feholaki te kau agakovi logo la ʼe mole tuli natou e he tahi,
Kae ʼe lototoʼa te kau faitotonu ohage ko he laione.+
2 Ka talagataʼa te hahaʼi ʼo he fenua ki te lao, pea ʼe lahi te fetogi ʼo te kau ʼaliki,+
Kae ʼaki te tokoni ʼa he tagata ʼe fakasiosio tonu mo ʼatamai, ʼe fualoa anai te pule ʼa he ʼaliki.+
3 Ko te tagata masiva ʼae ʼe ina kakaʼi ia natou ʼae ʼe liliki,+
ʼE hage ko te ʼua ʼae ʼe ina ʼave te ʼu meʼa kai fuli.
4 Ko natou ʼae ʼe fakafisi ki te lao ʼe natou palalau lelei ʼo ʼuhiga mo te tagata agakovi,
Kae ko natou ʼae ʼe fakaʼapaʼapa ki te lao, ʼe iita kia natou ʼaia.+
5 ʼE mole mahino te kau agakovi ki te faitotonu,
Kae ko natou ʼae ʼe natou kumi ia Sehova, ʼe natou mahino kia meʼa fuli.+
6 ʼE lelei age he masiva ʼe agatonu
ʼI he tagata maʼu koloa ʼe agakaka.+
7 Ko he foha ʼe ʼatamai ʼe fakaʼapaʼapa ki te lao,
Kae ko ia ʼae ʼe fakatahi mo natou ʼae ʼe kakai fakavalevale, ʼe ina fakalainoaʼi tana tamai.+
8 Ko ʼae ʼe koloaʼia he ʼe ina kole ke huʼi age he falā mo hona tupu,+
ʼE ina tanaki maʼa ia ʼae ʼe manavaʼofa ki te kau masiva.+
10 Ko ia ʼae ʼe ina fakaneke te kau faitotonu ke natou fai te aga ʼae ʼe kovi, ʼe to anai ki te luo ʼae neʼe ina keli,+
Kae ʼe maʼu anai e te kau agatonu te meʼa ʼae ʼe lelei.+
11 ʼE ui e te tagata maʼu koloa ʼe poto,+
Kae ko te masiva ʼae ʼe ina maʼu te fakasiosio tonu, ʼe mahino ia ki tona ʼuhiga moʼoni.+
12 Ka maui mālie te maʼuli ʼo te kau faitotonu, ʼe maʼu ai te fiafia,
Kae ka pule te kau agakovi, ʼe fenonoʼi te hahaʼi.+
13 Ko ia ʼae ʼe ina fufu ʼana agahala, ʼe mole fua lelei anai kia ia,+
Kae ʼe fakamolemole anai kia ia ʼae ʼe ina fakaha mo ina liʼaki ʼana agahala.+
14 Fiafia ia ia ʼae ʼe nofo tokaga,
Kae ko ia ʼae ʼe logogataʼa ʼe malaʼia anai.+
15 Ko he takitaki agakovi ʼae ʼe ina puleʼi he hahaʼi vaivai,
ʼE hage ko he laione ʼe gugulu mo he uluso ʼe ina ʼohofi he manu.+
16 Ko he pule ʼe mole ina maʼu te fakasiosio tonu, ʼe ina fakaʼaogaʼi koviʼi tona tuʼulaga,+
Kae ʼe maʼuli fualoa anai ia ia ʼae ʼe fehiʼa ki te ʼu koloa ʼae neʼe maʼu fakakaka.+
17 Ko he tahi neʼe faifakapo ʼe feholaʼaki anai ʼi tona maʼuli katoa.+
Ke ʼaua naʼa tokoni he tahi ki ai!
18 ʼE haofaki anai te tagata ʼae ʼe nofo agatonu,+
Kae ʼe to fakafokifa anai ki te malaʼia ia ia ʼae ʼe aga fakakaka.+
19 Ko ia ʼae ʼe ina to hana gaueʼaga ʼe mahu anai tana meʼa kai,
Kae ko ia ʼae ʼe ina fai ni gaue ʼe mole hona ʼuhiga, ʼe to anai ia ki te masiva.+
20 ʼE lahi anai te tapuakina ʼa te tagata agatonu,+
Kae ko ia ʼae ʼe fia maʼu koloa fakavilivili ʼe mole nofo agatonu anai.+
21 ʼE mole lelei te fakapalatahi,+
Kae ʼe feala pe ke agakovi he tahi ke ina maʼu hana moʼi pane.
22 Ko te tagata manumanū ʼe fia maʼu koloa fakavilivili,
Kae ʼe mole mahino kia ia ʼe masiva anai.
23 ʼE leleiʼia age anai ia ia ʼae ʼe ina valokiʼi te aga ʼa he tahi,+
Ia ia ʼae ʼe ina fai ni palalau fakalai.
24 Ko ia ʼae ʼe ina fakamasivaʼi tana tamai mo tana faʼe mo ui: “ ʼE lelei pe ia,”+
ʼE kovi tana aga ohage pe ko he tagata ʼe ina fakahoko ni maumau.+
26 ʼE agavale ia ia ʼae ʼe falala ki tona loto,+
Kae ʼe hao anai ʼi te malaʼia ia ia ʼae ʼe aga fakapotopoto.+
27 Ko ia ʼae ʼe lotofoaki ki te kau masiva ʼe mole hala anai ʼi he meʼa,+
Kae ʼe malaʼia anai ia ia ʼae ʼe faikaka neʼe mole sio kia natou.
28 Ka pule te kau agakovi, ʼe nono te tagata,
Kae ka natou pupuli, ʼe kaugamalie te kau faitotonu.+
29 Ko he tagata ʼe mole fia fakalogo logo la tona fakatonutonuʼi tuʼa lahi,+
ʼE tauteaʼi fakafokifa anai ʼo mole feala ke fakamalolo.+
2 Ka kaugamalie te kau faitotonu pea ʼe fakafiafia te hahaʼi,
Kae ka pule te tagata agakovi pea ʼe mamahi te hahaʼi.+
3 Ko te tagata ʼae ʼe manako ki te poto ʼe ina fakafiafiaʼi tana tamai,+
Kae ko ia ʼae ʼe fakatahi mo ni fafine paomutu ʼe ina maumauʼi ʼona koloa.+
4 Ka faitotonu he hau ʼe tokalelei te fenua,+
Kae ʼe haʼele kovi anai moka kumi e he tagata ni meʼa ʼofa ʼe foaki fakakaka.
5 Ko he tagata ʼe ina laupisiʼi tona tatau
Ko he hele ia ki ʼona vaʼe.+
6 Ka talagataʼa he tagata agakovi ko he hele kia ia,+
Kae ʼe kalaga fakafiafia ia ia ʼae ʼe faitotonu.+
7 ʼE tokaga te tagata faitotonu ke fakamauʼi te kau masiva ʼi te faitotonu,+
Kae ʼe meʼa noaʼi ia e te tagata agakovi.+
9 Ka fihi he tagata poto mo he tagata vale,
ʼE ʼi ai ni leʼo lalahi mo ni vava, pea ʼe alu noa te ʼu palalau ʼa te tagata poto.+
10 ʼE fehiʼa te kau faifakapo kia ia ʼae ʼe mole ina fai he meʼa ʼe kovi,+
Pea ʼe natou fia matehi te tagata faitotonu.*
11 ʼE mole kei tataʼofi e he tagata vale te ʼu meʼa ʼae ʼe ina logoʼi,+
Kae ʼe nofo fakalogologo pe te tagata poto mo lotololomi.+
12 Ka tokagaʼi e he pule ni loi,
ʼE agakovi fuli ʼana kaugana.+
13 ʼE tatau te tagata masiva mo te tagata agakovi,
He ʼe fakamu e Sehova te malama kia naua tokolua.*
14 Ka fakamauʼi e he hau te kau masiva ʼi te faitotonu,+
ʼE tuʼu malohi tona hekaʼaga fakahau ʼo talu ai.+
15 ʼE maʼu te poto ʼi te kauʼi ʼakau* mo te fakatonutonu,+
Kae ka tuku he fanau ke faʼifaʼitaliha ʼe ufiufi ai tana faʼe.
16 Ka kaugamalie te kau agakovi ʼe lahi te talagataʼa,
Kae ʼe sisio anai te kau faitotonu ki tanatou fetoki.+
17 Fakatonutonuʼi tou foha he ʼe ke fimalie ai anai,
Pea ʼe lahi anai tou manuʼia.+
18 Ka mole takitaki te hahaʼi e te ʼAtua, ʼe natou aga fakavalevale,+
Kae ʼe fiafia pe ia natou ʼae ʼe fakaʼapaʼapa ki te lao.+
19 ʼE mole tuku e he kaugana ke fakatonutonuʼi ia ia ʼaki ni palalau,
Tatau aipe pe ʼe mahino, ʼe mole pe fakalogo ia.+
20 Neʼe ke sio koa ki he tagata ʼe hoko palalau?+
ʼE lelei age te ka haʼu ʼo he tahi ʼe vale ʼi te tagata ʼaia.+
21 Ka pele fakavale he kaugana talu tana kei tupulaga,
ʼE maʼuli galo anai ki ʼamuli.
23 ʼE fakamalaloʼi anai he tagata ʼuhi ko tona fialahi,+
Kae ʼe fakamaʼuhigaʼi anai ia ia ʼae ʼe agavaivai.+
24 Ko ia ʼae ʼe fakatahi mo he tagata kaihaʼa ʼe fehiʼa pe kia ia totonu.
ʼE logo ki te kumi ʼo he fakamoʼoni, kae ʼe mole ina fakaha he meʼa.+
26 ʼE kole e te tokolahi ke felogoi mo he pule,*
Kae ʼe maʼu pe e he tagata te faitotonu mai ia Sehova.+
27 ʼE fehiʼa ia ia ʼae ʼe faitotonu kia ia ʼae ʼe mole faitotonu,+
Pea ʼe fehiʼa te tagata agakovi kia ia ʼae ʼe agatonu.+
30 Koʼeni te logo maʼuhiga neʼe fakaha e Akule foha ʼo Iake, kia Itiele mo Ukale:
2 ʼE au vale age au ʼi te hahaʼi fuli,+
Pea ʼe mole au maʼu te ʼatamai ʼae ʼe tonu ke maʼu e he tagata.
3 Neʼe mole au ako te poto,
Pea ʼe mole au maʼu te ʼatamai malama ʼo te Maʼoniʼoni.
4 Ko ai ʼae neʼe hake ki selo mo toe hifo mai ai?+
Ko ai ʼae neʼe ina taʼofi te matagi ʼi ʼona ʼalofi nima?
Ko ai ʼae neʼe ina tanaki te vai ʼi tona kofu?+
Ko ai ʼae neʼe ina fakatuʼu te ʼu tuʼakoi ʼo te kele?+
Ko ai tona higoa pea mo te higoa ʼo tona foha? Fakaha mai.
5 ʼE maʼa* te ʼu folafola fuli ʼa te ʼAtua.+
Ko he meʼa tali tau kia natou ʼae ʼe fenonoʼi ia te ia.+
6 ʼAua naʼa ke hilifaki he meʼa ki ʼana folafola+
Naʼa ina fakatonutonuʼi koe
Pea ʼe ha lelei ai anai ʼe ke gutuloi.
7 ʼAtua e, ko meʼa ʼe lua ʼe au kole atu.
ʼAua naʼa ke fakafisi ki ai ʼi muʼa ʼo taku mate.
8 Fakamamaʼo ia au te malualoi mo te loi.+
Ke ʼaua naʼa au masiva mo koloaʼia.
Tuku pe ke au kai te meʼa kai ʼae kua vaheʼi mai,+
9 Ke ʼaua naʼa au makona ai mo fakafisi kia te koe mo ui: “Ko ai ia Sehova?”+
Ke ʼaua naʼa ke tuku ke au masiva ke mole au kaihaʼa ai mo ʼulihi te huafa ʼo toku ʼAtua.
10 ʼAua naʼa ke alu ki te pule ʼo fasituʼu ki tana kaugana
Naʼa ina laukoviʼi koe pea ʼe ke lakahala ai anai.+
11 ʼE ʼi ai te taʼiake ʼe ina lotokoviʼi tana tamai
Pea ʼe mole ina tapuakiʼi tana faʼe.+
12 ʼE ʼi ai te taʼiake ʼe ina ui kua maʼa,+
Kae neʼe heʼeki fufulu tona ʼuli.
13 ʼE ʼi ai te taʼiake ʼe fialahi ʼaupito,
Pea ʼe ha tana fiameʼalahi ʼi tana faʼahiga sio.+
14 ʼE ʼi ai te taʼiake ʼe hage ʼona nifo ko ni heleta,
Mo ʼona kaugao ko ni hele.
ʼE ina kai natou ʼae ʼe liliki ʼi te kele
Mo natou ʼae ʼe masisiva ʼi te hahaʼi.+
15 ʼE kalaga ni ʼuhi ʼe lua ʼo te ʼu ʼunufe mihi toto: “Foaki mai! Foaki mai!”
Ko meʼa ʼe tolu ʼe mole makokona,
ʼEi, ko meʼa ʼe fa ʼe mole natou ui ʼi he temi: “Kua feʼauga!”
16 Te Faitoka,*+ he fafine paʼa,
He kele magemage,
Mo te afi ʼe mole ina ui ʼi he temi: “Kua feʼauga!”
17 Ko ia ʼae ʼe ina vaʼi tana tamai mo meʼa noaʼi te fakalogo ki tana faʼe,+
ʼE kapeʼi anai tona foʼi mata e te ʼu kolopo ʼo te vai tafe
Pea mo kai anai e te ʼu ʼuhi ʼo te akuila.+
18 Ko meʼa ʼe tolu ʼe faigataʼa,
ʼEi, ko meʼa ʼe fa ʼe mole au mahino ki ai:
19 Te lele ʼa he akuila ʼi te lagi,
Te totolo ʼa he gata ʼi he fuʼu maka,
Te alaga vaka ʼi te moana,
Pea mo te faʼahiga aga ʼa he tagata ki he taʼahine.
20 Koʼeni te aga ʼa he fafine tono:
ʼE kai, ʼe ina holoholoʼi tona gutu,
ʼO ina ui: “Neʼe mole au fai he meʼa ʼe kovi.”+
21 Ko meʼa ʼe tolu ʼe galulu ai te kele,
ʼEi, ko meʼa ʼe fa ʼe mole lava katakiʼi e te hahaʼi:
22 Ko he kaugana ʼe fakanofo ke hau,+
Ko he tahi ʼe vale ʼe kai ʼo makona,
23 Ko he fafine ʼe fehiʼaʼinaʼi kae ʼe ʼohoanaʼi,
Pea mo he fafine kaugana ʼe ina fetogi tona fafine pule.+
24 Ko meʼa maʼuli ʼe fa ʼe liliki ʼosi ʼi te kele,
Kae ʼe natou popoto ʼosi:+
29 Ko meʼa maʼuli ʼe tolu ʼe fakaofoofo tanatou haʼele,
ʼEi, ko meʼa ʼe fa ʼe makehe tanatou feoloʼaki:
30 Te laione ʼae ʼe malohi ʼaupito ʼi te ʼu manu,
ʼE mole mataku ia ʼi he tahi,+
31 Te kuli ʼae ʼe lele vave, te tao tagata,
Pea mo he hau mo tana kautau.
33 Ko te fakaʼaʼasili ʼo te ita ʼe hoko ai ni kē,
Ohage pe ko te gaueʼi ʼo te huʼa pipi ke maʼu ai he potilo,
Mo te laʼusi ʼo te ihu ke hahali te toto.+
31 Koʼeni te ʼu palalau ʼa te Hau ko Lemuele, ʼe ko te ʼu palalau maʼuhiga ʼa tana faʼe moʼona akoʼi:+
2 Siʼaku tama, kotea ka au ui atu?
ʼEi, siʼi koe ʼae neʼe au fuafatuʼi, kotea ka au ui atu?
Kotea he palalau ka au foaki atu, tama ʼo ʼaku fakaʼamu?+
3 ʼAua naʼa ke fakaʼaogaʼi tou malohi ki te hahaʼi fafine,+
Mo ke fai he aga ʼe tuʼutamaki ai ni hau.+
4 Lemuele, ʼe mole ʼa te ʼu hau,
ʼEi, ʼe mole ʼa te ʼu hau te inu ʼo te vino
Pea ke ui e te ʼu pule: “Foaki mai he meʼa ke matou iinu,”+
5 Naʼa natou iinu mo galoʼi te lao
Pea mo kakaʼi natou ʼae ʼe liliki.
7 Ke natou iinu mo galoʼi ai tonatou masiva
Pea ke mole natou manatuʼi ai tonatou malaʼia.
8 Palalau maʼa ia ʼae ʼe ʼalelo mate
Mo haofaki natou fuli ʼae ka mamate.+
א [Alefa]
10 Ko ai ʼae ʼe feala ke ina maʼu hona ʼohoana fafine faʼafai?*+
ʼE maʼuhiga age ia ʼi te ʼu feo.*
ב [Peta]
11 ʼE falala katoa tona ʼohoana kia ia,
ʼO mole masiva ia ʼi he meʼa.
ג [Kimela]
12 ʼE fai e te fafine ki tona ʼohoana te meʼa ʼae ʼe lelei, kae mole ko te meʼa ʼae ʼe kovi,
ʼI te ʼaho fuli ʼo tona maʼuli.
ד [Taleta]
13 ʼE ina maʼu te fuluʼi ovi mo te lino.
Ko he fafine faʼa gaue ia.+
ה [He]
ו [Vave]
15 Pea tahi ʼae, ʼe tuʼu ake ia kae kei poʼuli.
ʼE ina foaki te meʼa kai ki tona famili,
Pea ki ʼana fafine kaugana tonatou vahe.+
ז [Saini]
16 ʼE ina fakatotonu ke ina maʼu he gaueʼaga pea ʼe ina totogi.
ʼAki te fua ʼo tana gaue kinakina,* neʼe ina to he gaueʼaga vite.
ח [Heti]
ט [Teta]
18 ʼE sio ʼe haʼele lelei tana faikoloa.
ʼE mole mate tona malama ʼi te poʼuli.
י [Iota]
19 ʼE puke e ʼona nima te meʼa gaue ʼae ʼe ʼai ki ai te fuluʼi ovi
Pea mo puke te meʼa takai filo.+
כ [Kafa]
20 ʼE tokoni kia ia ʼae ʼe veliveli,
Pea ʼe lotofoaki kia ia ʼae ʼe masiva.+
ל [Lameta]
21 ʼE mole tuʼania ia ʼo ʼuhiga mo tona famili ʼi te temi nive
He ʼe natou kofu mafana fuli.
מ [Mema]
22 ʼE ina fai tonu ʼana kie kafu.
Pea ʼe ina fai ʼaki te lino mo te fuluʼi ovi huʼa lotuma fakapoʼuli ʼona mutuʼi meʼa.
נ [Nuna]
23 ʼE iloa tona ʼohoana ʼi te ʼu matapa ʼo te kolo,+
Pea ʼe heka fakatahi mo te kau takitaki ʼo te fenua.
ס [Sameke]
24 ʼE ina fai mo fakatau ni mutuʼi meʼa lino,
Pea mo toe fakatau ni kiliʼi pipi ki te ʼu tagata faikoloa.
ע [Aini]
25 ʼE ina maʼu te malohi mo te taulekaleka,
ʼE sio mo lotofalala ki te ka haʼu.
פ [Pe]
צ [Sati]
ק [Kofi]
28 ʼE tutuʼu ake ʼana fanau ʼo fakavikiviki kia ia,
Pea toe tuʼu ake tona ʼohoana ʼo vikiʼi ia ia.
ר [Lesa]
ש [Sini]
30 ʼE feala ke kaka te matalelei mo fakatemi* te taulekaleka,+
Kae ʼe palalau leleiʼi te fafine ʼae ʼe manavasiʼi kia Sehova.+
ת [Tau]
31 Kotou fakapale ia ia ki te ʼu gaue ʼae neʼe ina fai,+
ʼEi, ke vikiʼi ia ia ʼi te ʼu matapa ʼo te kolo.+
Peʼe “ ʼe ina maʼu he ʼu tokoni fakapotopoto.”
Peʼe “lea fakata.”
Peʼe “fehuʼi faigataʼa.”
Peʼe “fakaʼapaʼapa lahi.”
Vakaʼi Te ʼu Kupu.
Hep. “toku laumalie,” ʼe lagi fakaʼuhiga ki te poto ʼae ʼe foaki e te laumalie ʼo te ʼAtua.
Hep. “matapule.” ʼE lagi ko he fafine neʼe fakamamaʼo mai te ʼu pelesepeto ʼa te ʼAtua.
Hep. “ ʼae ʼe mole iloʼi.” ʼE lagi ko he fafine neʼe fakamamaʼo mai te ʼu pelesepeto ʼa te ʼAtua.
Peʼe “ ʼohoana.”
Hep. “olo kia ia.”
Peʼe “ ʼofa agatonu.”
Peʼe “moʼoni.”
Peʼe “te vahe lelei tukupau.”
Peʼe “te ʼu koloa fuli ʼae neʼe ke maʼu mai ai.”
Vakaʼi Te ʼu Kupu.
ʼE lagi fakaʼuhiga ki te ʼu agaaga ʼo te ʼAtua ʼae ʼe palalau ki ai te ʼu vaega ki muʼa atu.
Peʼe “tafito.”
Peʼe lagi “Fakakaukau lelei ki.”
Hep. “matapule.” ʼE lagi ko he fafine neʼe fakamamaʼo mai te ʼu pelesepeto ʼa te ʼAtua.
Vakaʼi Te ʼu Kupu.
Vakaʼi Te ʼu Kupu.
Hep. “matapule.” ʼE lagi ko he fafine neʼe fakamamaʼo mai te ʼu pelesepeto ʼa te ʼAtua.
Hep. “ ʼae ʼe mole iloʼi.” ʼE lagi ko he fafine neʼe fakamamaʼo mai te ʼu pelesepeto ʼa te ʼAtua.
Hep. “ ʼae ʼe mole iloʼi.” ʼE lagi ko he fafine neʼe fakamamaʼo mai te ʼu pelesepeto ʼa te ʼAtua.
Hep. “matapule.” ʼE lagi ko he fafine neʼe fakamamaʼo mai te ʼu pelesepeto ʼa te ʼAtua.
Hep. “ ʼae ʼe mole iloʼi.” ʼE lagi ko he fafine neʼe fakamamaʼo mai te ʼu pelesepeto ʼa te ʼAtua.
Vakaʼi Te ʼu Kupu.
Vakaʼi Te ʼu Kupu.
Vakaʼi Te ʼu Kupu.
Vakaʼi Te ʼu Kupu.
Vakaʼi Te ʼu Kupu.
Vakaʼi Te ʼu Kupu.
Vakaʼi Te ʼu Kupu.
Peʼe lagi “ ʼe haʼele ʼi te ala ʼae.”
Peʼe “te foʼi maka katoa (ʼae ʼe fakaʼaogaʼi moʼo fua).”
Peʼe “tagata aposita.”
Peʼe “mole maʼu e te pule he ʼu tokoni fakapotopoto.”
Peʼe “ ʼofa agatonu.”
Hep. nèphèsh. Vakaʼi Te ʼu Kupu.
ʼE toe feala ke fakaʼuhiga ki te tagata masiva.
Peʼe “akonakiʼi,” peʼe “fakatuʼā.”
Peʼe lagi “ ʼe ina fakatonutonuʼi fakavilivili.”
Peʼe lagi “kakaʼi ʼihi e.”
Peʼe “heʼeki popoto.”
Peʼe “ ʼofa agatonu.”
Peʼe “lelei.”
Peʼe “fakalotomamahi.”
Peʼe “fefeka.”
Vakaʼi Te ʼu Kupu.
Peʼe “mo te Apatone.”
Peʼe “lelei tona loto.”
Vakaʼi Te ʼu Kupu.
Peʼe “ ʼE teuteuʼi e te tagata faitotonu tana tali,” peʼe “ ʼE fakakaukau te tagata faitotonu ʼi muʼa ʼo tana palalau.”
Peʼe “ ʼofa agatonu.”
ʼI te temi muʼa, neʼe peluki e te hahaʼi ʼonatou kofu moʼo fai ʼaki he taga ʼe tafa ki muʼa. Pea neʼe natou fakaʼaogaʼi te taga ʼaia moʼo fafaʼo meʼa.
Peʼe “maʼuhiga.”
Peʼe “ ʼE ina meʼa noaʼi ia.”
Hep. “fakamavetevete.”
Peʼe “he tahi ʼe lotofoaki.”
Peʼe “fatufatu.”
Peʼe lagi “ ʼe ina kumi anai hana meʼa kai ʼi te taʼukai kae ʼe mole ina maʼu he meʼa.”
Peʼe “Ko he ʼu meʼa fua maka kehekehe ʼe lua mo he ʼu kato fua kehekehe ʼe lua.”
Vakaʼi Te ʼu Kupu.
Peʼe “tagata.”
Peʼe “ni tokoni fakapotopoto.”
Peʼe “te ʼu meʼa fua maka kehekehe ʼe lua.”
Peʼe “ ʼofa agatonu.”
Peʼe “te ʼu tupuʼaga ʼo tana aga.”
Peʼe lagi “kia natou ʼae ʼe fia mamate.”
Peʼe “faifatufatu.”
Vakaʼi Te ʼu Kupu.
Peʼe “faifatufatu.”
Peʼe “moka fakaufiufi tana aga.”
Hep. “higoa.”
Peʼe “fanau,” peʼe “tupulaga.”
Hep. “matapule.” ʼE lagi ko he fafine neʼe fakamamaʼo mai te ʼu pelesepeto ʼa te ʼAtua.
Peʼe “fanau,” peʼe “tupulaga.”
Peʼe lagi “Tuku tau mulimuli ki tou ʼatamai.”
Peʼe “tau fanau,” peʼe “tau tupulaga.”
Vakaʼi Te ʼu Kupu.
Peʼe “Ke ke maʼu.”
Hep. “ ʼae ʼe mole iloʼi.” ʼE lagi ko he fafine neʼe fakamamaʼo mai te ʼu pelesepeto ʼa te ʼAtua.
Peʼe “fakatahitahi moʼo ʼahiʼahi.”
Peʼe “mamahi.”
Peʼe “loto fale.”
Peʼe “ni tokoni fakapotopoto.”
Peʼe “ ʼe fua lelei.”
Peʼe “te ʼu tupuʼaga ʼo tau aga.”
ʼE fakaʼuhiga ki te fili.
Peʼe “mo natou ʼae ʼe natou fia fai ni fetogi.”
ʼE fakaʼuhiga kia Sehova pea mo te hau.
Peʼe lagi “Ko he tali fakahagatonu, ʼe hage ko he faʼufua.”
Peʼe “ke kamata faʼu tou kiʼi famili.”
Peʼe “ ʼae neʼe ina fai mai.”
Peʼe “hiki mo tanaki.”
Peʼe “ni fasituʼu.”
Peʼe lagi “ ʼe kaka.”
Hep. “ia ia ʼae ʼe fehiʼa ia koe.”
Ko tona fakaʼuhiga, moʼo fakamalū te aga peʼe ko te ita ʼo he tahi.
Peʼe “faifatufatu.”
Peʼe lagi “ ʼE toe feia pe, ʼe to noa te malaʼia ʼae ʼe mole tonu ke hoko kia kita.”
Peʼe “ ʼe mole he meʼa lelei ʼi tona loto.”
Peʼe lagi “malualoi.”
Peʼe “hola.”
Peʼe “tagata.”
Peʼe “faifatufatu.”
Vakaʼi Te ʼu Kupu.
Peʼe “mo te Apatone.”
Peʼe lagi “fiatuʼu.”
Peʼe lagi “Kae ʼe faigaʼi e te tagata faitotonu ke ina puipui tona maʼuli.”
Ko tona fakaʼuhiga, ʼe ina foaki kia naua te maʼuli.
Peʼe “akonakiʼi,” peʼe “fakatuʼā.”
Peʼe lagi “ke ʼofa age he pule.”
ʼI te Fakahepeleo, ʼe fakaʼuhiga te kupu ʼaia ki te haka ʼo te ukamea ke toʼo ai te ʼu ʼotaʼota.
Vakaʼi Te ʼu Kupu.
Vakaʼi te nota ia Lev 11:5.
Peʼe “ ʼe lelei ʼaupito.”
Vakaʼi Te ʼu Kupu.
Peʼe “ ʼAki te paʼaga ʼae neʼe ina maʼu.”
Peʼe “ ʼofa agatonu.”
Peʼe “ ʼe lelei ʼaupito.”
Peʼe “vaʼiganoa.”