Te ʼAho ʼAē ʼe Maʼuhiga Tokotahi

ʼE ko te ʼaho ʼaē neʼe mate ai ia Sesu Kilisito. He koʼē neʼe maʼuhiga ʼaupitō ia te mate ʼa Sesu? ʼE lahi tona ʼu tupuʼaga.

ʼI tana nofo agatonu ʼo aʼu ki tona mate, neʼe fakamoʼoni ai e Sesu ʼe feala ki te tagata ke nofo agatonu ki te ʼAtua.

Neʼe toe fakafealagia e te mate ʼa Kilisito ki ʼihi hahaʼi ke natou kaugā hau mo ia ʼi selō. Pea neʼe foaki ai mo te ʼamanaki ki te hahaʼi ʼe tokolahi age ke natou māʼuʼuli ʼo heʼegata ʼi te kele kua liliu ko he palatiso.

ʼI te pō ʼi muʼa ʼo tona mate, neʼe fakaʼaogaʼi e Sesu ia te pane neʼe mole hona meʼa fakatupu pea mo te vino kula ko he ʼu fakatā ʼo te sākilifisio ʼaē neʼe ina foaki ʼaki tona ʼofa. Pea neʼe ina ʼui fēnei ki ʼana tisipulo: “Kotou haga fai te meʼa ʼaenī moʼo fakamanatu kiā te au.” (Luka 22:19) ʼE kotou manatuʼi anai koa ia te ʼaho maʼuhiga ʼaia?

ʼE fakaafe atu e te kau Fakamoʼoni ʼa Sehova ke kotou fakatahi mo nātou ʼi te ʼAho Fakamanatu ʼo te mate ʼa Sesu. ʼI te taʼu ʼaenī, ʼe fai anai ʼi te ­Felianima, ʼaho 9 ʼo ʼApelili, ʼi te ʼosi tō ʼo te laʼā. ʼE feala hakotou kau kiai ʼi te Fale ʼo Te Puleʼaga ʼaē ʼe ovi kiō koutou. Kapau ʼe kotou fia ʼiloʼi ia te hola pea mo te koga meʼa ʼaē kā fai ai, kotou fakalavelave ki te kau Fakamoʼoni ʼa Sehova ʼo tokotou kolo.