Ko Te ʼu Fono Gāue ʼo Sūlio
Vāhaʼa ʼe kamata ʼi te 6 sūlio
Katiko 123
10 mn: Te ʼu Tonu ʼo te Minisitelio ʼo te Puleʼaga ʼe ʼaoga ki te kokelekasio pea mo te ʼu logo. Fakahāhā he ʼu manatu tāfito e lua ʼe feala ke tou fakaʼaoga moʼo fakahā Te Tule Leʼo ʼo te ʼaho 1 ʼo sūlio 1992.
20 mn: “Tou fakahā tatatou falala ʼaki te tokoni ʼo te ʼu kaupepa.” ʼO faiʼaki he ʼu fehuʼi pea mo he ʼu tali; fai he ʼu faʼifaʼitaki. Fakahā ki te kokelekasio pe ʼe ko te ʼu kaupepa fea ʼe tou maʼu pea mo fehuʼi kia nātou ʼi te fono pe ko te ʼu kaupepa fea ʼaē ʼe ʼaoga ki totatou telituale. Faʼifaʼitaki lolotoga te vakaʼi ʼo te palakalafe 9: ʼe feafeaʼi te fakahā ʼo he kaupepa ʼaoga lolotoga te fagonogono faiga mālie mo hotatou vāhaʼa fale, he tahi ʼe gāue mo tatou, pe ʼe ko he tahi atu. Kapau ʼe fealagia te temi, ko te kau faka mafola neʼe hinoʼi fakatomuʼa ʼe nātou fakamatala anai pe neʼe feafeaʼi tanatou fakaʼaoga lelei te ʼu kaupepa. Fakaloto mālohiʼi mo fakafiafia te kau faka mafola ke tatuʼu tanatou fakahā te ʼu kaupepa ʼi sūlio.
15 mn: Tou fakaʼaoga fakapotopoto totatou temi. Fakaloto mālohiʼi te kau faka mafola ke nātou fakaʼaoga leleiʼi tonatou temi ʼāteaina moʼo fakahaʼele ki muʼa te ʼu meʼa faka teokalatike. Fakahā he ʼu manatu ʼo ʼuhiga mo te fagonogono faiga mālie. Fakaloto mālohiʼi tatou takitokotahi ke tou fai he ʼu fakatuʼutuʼu, tāfito ke hoko atu te lau ʼo te Tohi-Tapu ʼi te vāhaʼa fuli, ʼo lau mo te ʼu tohi ʼa te Sosiete.
Katiko 165 pea mo te faikole fakaʼosi.
Vāhaʼa ʼe kamata ʼi te 13 sūlio
Katiko 193
10 mn: Ko te ʼu logo ki te kokelekasio. Palalau ʼo ʼuhiga mo te falā. Logo faka teokalatike. Fakamanatu te ʼu fakatuʼutuʼu neʼe fai ʼo ʼuhiga mo te fai faka mafola.
20 mn: “Tou fakapipiki tatatou ʼuluaki palalau ki te tohi.” Akonaki nounou pea mo te ʼu faʼifaʼitaki. Ko he tūpulaga ʼi te kau faka mafola ʼe ina fai he fakahā ʼaki te Tohi-Tapu ʼo mulimuli ki te ʼu manatu ʼaē ʼi te palakalafe 2. Moʼo fakahā ia Isaia 65:21-23, ʼe ina fakaʼaoga te ʼu manatu ʼi te palakalafe 5. Ko he tahi ʼi te kau faka mafola ʼe feala tana fakahā pe ʼe feafeaʼi te fakahā ʼo te kaupepa “Voici”, ʼo toe fakaʼaogaʼi te ʼu manatu ʼi te ʼu palakalafe 3 pea mo 4. ʼI te ʼu faʼifaʼitaki ʼaia e lua, ko te tēhina ʼaē ʼe ina taki te fahaʼi ʼaia ʼe ina fakahā anai pe neʼe feafeaʼi te fakapipiki ʼo te fai palalau ki te tufa ʼo te tohi. Fakamanatuʼi ki te kokelekasio ke nātou ʼolo ʼo toʼo hanatou ʼu kaupepa pea mo he ʼu nusipepa ʼi te ʼosi ʼo te fono.
15 mn: Te ʼu fehuʼi ʼo ʼuhiga mo Halamaketone. Akonaki ʼo fakatafito ki te tohi Comment raisonner, ʼu pasina 181 ki te 186.
Katiko 137 pea mo te faikole fakaʼosi.
Vāhaʼa ʼe kamata ʼi te 20 sūlio
Katiko 8
15 mn: Logo ki te kokelekasio. Vakaʼi te tānaki gāue ʼo te kokelekasio ʼi sūnio; fakamālo ki te kau faka mafola pea, ka ʼe ʼaoga, fakaloto mālohiʼi nātou ke nātou fakatokaga ki he ʼu fahaʼi. Fakahā kapau ʼe tou fakakaukau ki te koga tohi ʼo te taʼu pea mo tona ʼuhiga mokā tou faka mafola pe ʼe ko tatatou fakatahi mo te kokelekasio, ʼe ko he tokoni ʼaia kia tatou ke tou maʼu he fiafia moʼoni (Lom. 12:9-16). Kapau ʼe fealagia te temi, fakahā he manatu e tahi pe ʼe lua ʼe feala ke tou fakaʼaoga ʼi te fai faka mafola ʼi te fakaʼosi vāhaʼa ka haʼu.
15 mn: “ ʼE koutou fakahā koa te ako ʼo te Tohi-Tapu? ” Fakasiosio ʼo faiʼaki he ʼu fehuʼi pea mo he ʼu tali ʼo hoko mai ki ai te ʼu faʼifaʼitakiʼaga ʼe hā ai ʼe feala te kamata ʼo he ʼu ako faka tohi-tapu ʼi te ʼuluaki felāveʼi pe ʼe ko he fai ʼaʼahi.
15 mn: Akonaki ʼe ʼaoga ki te kokelekasio pe ʼe ko te fehuʼi ʼo he kau faka mafola e tolu pe ʼe fā ʼe nātou fakamahino anai pe koteā te meʼa ʼaē neʼe nātou leleiʼia ʼi te moʼoni. ʼE feala hanatou fakahā te ʼu faigataʼaʼia neʼe nātou tauʼi.
Katiko 184 pea mo te faikole fakaʼosi.
Vāhaʼa ʼe kamata ʼi te 27 sūlio
Katiko 180
10 mn: Ko te ʼu logo ki te kokelekasio. Ko te ʼu tali ki ʼa kotou ʼu fehuʼi. Ko te faʼahi ʼaia ʼe tuku anai ke fai e te tagata taupau ki te gāue.
20 mn: “Tou faiga ke tuʼu maʼu te fia logo ki te logo ʼo te Puleʼaga.” ʼI te ʼosi ʼo he ʼuluaki palalau nounou, fai he ʼu faʼifaʼitaki: ko he ʼu ʼaʼahi 1) ki he tahi neʼe ina toʼo te ʼu nusipepa fakamuli, 2) ki he tahi neʼe fia logo kae neʼe mole loto ia ki he tohi, pea 3) ki he tahi neʼe ina tali te kaupepa “Voici”. ʼI te ʼu faʼifaʼitaki fuli ʼaia, fakatuʼutuʼu he ʼu fakatafito ʼo he ʼaʼahi.
15 mn: “Ke tou tali pea mo maʼuliʼi te Folafola ʼa te ʼAtua ʼe ʼaoga kia tatou.” Ko he kau faka mafola neʼe teuteu ʼe nātou fakamahino fakanounou anai pe koteā ʼaē ʼe nātou leleiʼia te ʼu fakatahi faka silikosikilipisio. ʼE feala hanatou fakamanatuʼi te ʼu manatu lelei neʼe fakahā ʼi te fakatahi faka silikosikilipisio fakamuli. Fakasiosio te alatike ʼo faiʼaki he ʼu fehuʼi pea mo he ʼu tali.
Katiko 157 pea mo te faikole fakaʼosi.