Ko Te ʼu Fono Gāue ʼo Novepeli
Vāhaʼa ʼe kamata ʼi te 2 novepeli
Katiko 49
10 mn: Ko te ʼu logo ki te kokelekasio pea mo te ʼu Tonu ʼaoga ʼo te Minisitelio ʼo te Puleʼaga. Fakatokagaʼi nātou ʼi te fono ki te fahaʼi ʼe palalau ai ki te ʼu tuʼasila ʼo te ʼu filiale. Fakamālo ki te kau faka mafola ʼo ʼuhiga mo tanatou gāue ʼi te fai faka mafola. Palalau ki te ʼu alatike ʼo te ʼu nusipepa fakamuli ʼaē ʼe ʼaoga ki te hahaʼi ʼo te telituale.
15 mn: “Te mālohi ʼo te Folafola ʼa te ʼAtua.” ʼO fai ʼaki he ʼu fehuʼi pea mo he ʼu tali. Fakaloto mālohiʼi te kau faka mafola ke nātou lau te kiʼi pepa lotu Pourquoi avoir confiance en la Bible, mo nota te ʼu faʼahiga manatu ʼo feiā foki ki he palalau ke mahino pea mo moʼoni, ke fakaʼaogaʼi ʼi te fai faka mafola.
20 mn: “Tou fai he fakatafito ʼi te ʼuluaki fai palalau.” ʼE fakatuʼutuʼu anai he ʼu faʼifaʼitaki e fā ʼo toe fakaʼaogaʼi he ʼuluaki palalau e tahi ʼi te ʼu ʼuluaki palalau ʼaē ʼe tuʼu ʼi te ʼu palakalafe 2 pea mo te 3, pea mo te ʼu faʼahiga manatu ʼo te ʼu palakalafe 4, 5 pea mo te 6. Ko te faʼifaʼitaki fakaʼosi ʼe fakahā ai pe ʼe feafeaʼi te fakahā ʼo te Tohi-Tapu pea mo te tohi Parole de Dieu ki he tahi ʼi totatou telituale.
Katiko 52 pea mo te faikole fakaʼosi.
Vāhaʼa ʼe kamata ʼi te 9 novepeli
Katiko 141
5 mn: Ko te ʼu logo ki te kokelekasio pea mo te ʼu Logo faka teokalatike.
15 mn: “Suivez-vous les instructions?” Akonaki ʼe fakatafito ki te alatike neʼe hā ʼi Te Tule Leʼo ʼaho 1 ʼo ʼoketopeli 1990, ʼu pasina 30 pea mo 31; ʼe fai e te tagata taupau pelesita. Fakahāhā mai he ʼu faʼahiga meʼa ke ʼaoga ki te kokelekasio: te faʼahiga tānaki ʼo te ʼu hola ʼi te gāue, te fakamaʼa ʼo te Fale ʼo te Puleʼaga, te haʼu ki te ʼu fono ki te fai faka mafola ʼi muʼa ʼo tona kamata, te maʼuhiga ʼo te fakatokaga ki te ʼu fānau ʼi te Fale ʼo te Puleʼaga, mo ʼihi ʼatu faʼahiga meʼa. Fakamālo ki te kokelekasio ʼi te faʼahi ʼaē ʼe ʼaoga, fakahā ko te fakalogo ki te ʼu fakatuʼutuʼu ʼe fua manuʼia ki te kokelekasio katoa pea ʼe faigafua ai te gāue ʼa te ʼu tēhina ʼaē fakatokaga ki te faʼahi ʼaia.
10 mn: “Tou pionie vaeluaʼi temi ʼi tesepeli.” Fakasiosio fakafiafia ʼo fai ʼaki he ʼu fehuʼi pea mo he ʼu tali. Fakahā te ʼu fakatuʼutuʼu ʼo ʼuhiga mo te fai faka mafola ʼo feiā ki te ʼu fono faka mafola neʼe fakatuʼutuʼu ki tesepeli.
15 mn: “Tou fakaʼaoga leleiʼi te ʼu ʼaho mālōlō moʼo hikihiki ʼo tatatou ʼu gāue faka teokalatike.” (3 mn) Ko ia ʼaē ka ina fai te alatike ʼaia ʼe ina fakasiosio anai te ʼu ʼuluaki palakalafe e lua pea fai mo te faʼifaʼitaki. Ko te maʼuli fakalaumālie ʼo te famili ʼe mole tonu ke tuku noa ʼi te ʼu ʼaho mālōlō. Ko te ʼu pule famili ʼe tonu ke nātou tokaga ʼo foaki ki tonatou famili tanatou meʼa kai fakalaumālie ʼi te temi fuli. — Teu. 6:6, 7.
(10 mn) Fai palalau faka famili ʼi te ʼu palakalafe 3 ki te 6. Ko te tāmai ʼe felogoi mo tona famili ʼo ʼuhiga mo te ʼu fakatuʼutuʼu ke fai ke ʼi ai hanatou gāue fakalaumālie lolotoga te ʼu māhina mālōlō. Ko he tahi ʼi te famili neʼe kua ina maʼu te tuʼasila pea mo te ʼu hola ʼo te ʼu fono ʼi te kokelekasio ʼo te koga meʼa ka nātou ʼolo ʼo mālōlō ai. Ke feʼauga te ʼu tohi ʼa te famili moʼo kau ki te fai faka mafola ʼi te kokelekasio ʼaia, kae ke faka fealagia ai foki te fai ʼo te fagonogono faigamālie. ʼE nātou fakamanatu te ʼu fahaʼi ʼaē ʼe feala ai ke nātou palalau ai ki te moʼoni. Ko te pule famili ʼe ina fai he fakatokaga ʼo ʼuhiga mo te ʼu fakatuʼutuʼu kua ʼosi fai ke nātou kau ki te fakatahi makehe ʼaho tahi. Kua nātou nonofo ʼamanaki ke nātou fakaʼaoga leleiʼi te ʼu temi mālōlō moʼo hikihiki ʼa tanatou ʼu gāue faka teokalatike.
(2 mn) ʼE fakaʼosi ʼe ia ʼaē ʼe ina fai te alatike ʼo fakaʼaogaʼi te ʼu manatu ʼi te palakalafe 7. Logope tatatou ʼu fakatuʼutuʼu, tou tokaga ke ʼaua naʼa tou meʼa noaʼi te ʼu meʼa kai fakalaumālie ʼo totatou famili.
Katiko 27 pea mo te faikole fakaʼosi.
Vāhaʼa ʼe kamata ʼi te 16 novepeli
Katiko 179
15 mn: Ko te ʼu logo ki te kokelekasio; palalau ʼo ʼuhiga mo te falā pea mo fakamālo ʼo ʼuhiga mo te ʼu meʼa ʼofa. Fakamālo fakafiafia kia nātou fuli ʼi te fono ʼo ʼuhiga mo tanatou tokoni paʼaga ki te ʼu gāue ʼo te kokelekasio, ʼo feiā foki ki te Kesi ʼo te Sosiete ki te ʼu Fale ʼo te Puleʼaga pea mo te ta ʼo te ʼu tohi, te ako pea mo te tufa ʼo te Tohi-Tapu.
20 mn: “ ʼE feafeaʼi te taupau ʼo te fia logo.” Akonaki pea mo te ʼu faʼifaʼitaki; ʼe fai te faʼahi ʼaia e te tagata taupau gāue. Fai he ʼu faʼifaʼitaki: fakahā pe ʼe feafeaʼi te fakaʼaogaʼi ʼo te ʼu manatu ʼo te ʼu palakalafe 5 pea mo 6. Ko te ʼu faʼifaʼitaki ke mahino pea ke faigafua tona muliʼi.
10 mn: “Tou fakahā he ʼu manatu ʼaoga.” Fai palalau ʼa he taumatuʼa ʼe teuteu ki te fai faka mafola.
Katiko 198 pea mo te faikole fakaʼosi.
Vāhaʼa ʼe kamata ʼi te 23 novepeli
Katiko 54
10 mn: Ko te ʼu logo ki te kokelekasio. Faʼifaʼitaki: ko he manatu ʼaoga neʼe toʼo mai he nusipepa fakamuli ʼe feala anai ke tou fakaʼaogaʼi ʼi te fakaʼosi vāhaʼa ka haʼu. Toe toʼo te ʼu manatu ʼo te fono gāue ʼo te vāhaʼa kua ʼosi.
20 mn: “Ke tou maliu kia Sehova ia meʼa fuli ʼe tou fakatuʼutuʼu ke fai.” — Fahaʼi 1. Fakasiosio ʼo te ʼu palakalafe 1 ki te 13 ʼo te pepa ʼe piki tahi ki te minisitelio ʼe fai e te ʼu tēhina e lua ʼe felogoi tahi mo te komite faʼu fale. ʼE nā palalau anai ki he ʼu faʼahiga meʼa ʼe hoko ʼi te kolo. Fakaloto mālohi fakafiafia ia nātou ʼi te fono ʼaē kua nātou maʼuliʼi te ʼu meʼa ʼe ʼaoga ke nātou kau ki te ʼu fakatuʼu fale pea mo foaki ki ai tonatou temi ʼāteaina.
15 mn: He koʼe ʼe mole tou faka ʼuhigaʼi te ʼu ʼaho tupu. Fai palalau ʼa he tagata āfea pea mo he tūpulaga ʼe tokotahi ʼi te moʼoni ʼe mole heʼeki taʼu 13 ka ko he faʼifaʼitakiʼaga lelei. ʼE ʼalu te tūpulaga ki te tagata āfea ʼo fehuʼi ki ai ke tokoni ia ke feala ai hana tali ki tona ʼu kaumeʼa ʼaē ʼe faiga mālohi age ke kau ia ki he ʼaho tupu. ʼE ina ʼiloʼi ʼe mole lelei, kae ʼe ina fia ʼiloʼi pe ʼe feafeaʼi tona fakamahino fakaleleiʼi kia nātou. Ko te tagata āfea ʼe ina toe vakaʼi mo ia te ʼu manatu ʼe tuʼu ʼi Te Tule Leʼo ʼo te ʼaho 1 ʼo sepetepeli 1992, ʼu pasina 30 pea mo te 31, ʼo feiā foki ki te ʼu pasina 32 ki te 34 ʼo te tohi Comment raisonner.
Katiko 24 pea mo te faikole fakaʼosi.
Vāhaʼa ʼe kamata ʼi te 30 novepeli
Katiko 104
10 mn: Ko te ʼu logo ki te kokelekasio.
15 mn: Tou fakaʼaoga te tohi Le plus grand homme moʼo fakagigila ʼo tatatou mālama ʼi tesepeli. Akonaki pea mo te faʼifaʼitaki. Tokoniʼi te kau faka mafola ke nātou fakamamahani mo he ʼu manatu ʼo te tohi ʼaia ʼe ʼaoga anai ʼi te fai faka mafola.
20 mn: “Ke tou maliu kia Sehova ia meʼa fuli ʼe tou fakatuʼutuʼu ke fai.” — Fahaʼi 2. Fakasiosio ʼo fai ʼaki he ʼu fehuʼi pea mo he ʼu tali ʼo te ʼu palakalafe 14 ki te 25 ʼo te pepa ʼe piki tahi ki te minisitelio. Fakahā ko te kau faka mafola takitokotahi ʼe feala 1) tana foaki ʼo tona temi mokā ʼe poto ʼi he faʼahiga gāue pea mokā ʼe faka fealagia ʼe tona temi, 2) ʼo tokoni paʼaga ki te Kesi ʼo te Sosiete ki te ʼu Fale ʼo te Puleʼaga pea 3) mo lagolago ki te ʼu gāue ʼo te kokelekasio mokā ʼolo niʼihi ʼo gāue ʼi te koga meʼa ʼe fai ai te gāue.
Katiko 4 pea mo te faikole fakaʼosi.