Ko Te ʼu Fono Gāue ʼo Fepualio
Vāhaʼa ʼe Kamata ʼi te 7 Fepualio
Katiko 131
10 mn: Ko te ʼu logo ki te kokelekasio pea mo te ʼu Tonu ʼo te Minisitelio ʼo te Puleʼaga. Fakahā te manatu ʼe ʼaoga ki te fai faka mafola ʼo te ʼu nusipepa foʼou. Vakaʼi te ʼu puani tāfito ʼo te alatike “Ko Te ʼu Tali Ki ʼAkotou ʼu Fehuʼi.”
20 mn: “Te ʼu Meʼa ʼe Fehiʼaʼinaʼi e Te ʼu Puleʼaga Katoa.” Akonaki ʼe fai e he tagata ʼāfea faiva.
15 mn: “Tou Fakatuputupu Te Fia Logo Ki Te Puleʼaga Tokalelei ʼo Te ʼAtua.” Fai palalau ki te alatike mo nātou ʼaē ʼi te fono. Fai he ʼu faʼifaʼitaki e lua. ʼI te ʼosi vakaʼi ʼo te palakalafe 2, koutou fakahā peʼe feafeaʼi te tuku ʼo he kiʼi pepa lotu ki he tahi ʼe maʼumaʼua. Ko he tahi ʼe fai faka mafola ʼe ina lagaʼi he fehuʼi moʼo fakatafito kiai ʼo tana ʼaʼahi. Fai te faʼifaʼitaki ʼaē ʼi te palakalafe 3 ʼaē ʼe fakahā ai te fia logo ʼa ia ʼaē ʼe palalau mo tatou pea ko ia ʼaē ʼe fai faka mafola ʼe ina fakaʼaogaʼi te kaupepa. ʼE tonu ke fai he fakatuʼutuʼu moʼo fakatafito kiai ʼo te ʼaʼahi.
Katiko 137 pea mo te faikole fakaʼosi.
Vāhaʼa ʼe Kamata ʼi te 14 Fepualio
Katiko 126
10 mn: Ko te ʼu logo ki te kokelekasio. Fakahāhā ʼo te tānaki falā. Fakahā te ʼu fakamālo ʼa te Sosiete ʼo ʼuhiga mo te ʼu meʼa ʼofa neʼe foaki ake, pea mo fakamālo kia nātou fuli ʼi te kokelekasio ʼo ʼuhiga mo tanatou lagolago ki te ʼu meʼa ʼe ʼaoga ki te kokelekasio. Fakaloto mālohiʼi ia nātou ʼi te fono ke nātou kau ki te fai faka mafola ʼi te fakaʼosi vāhaʼa ʼaenī, pea mo fakahāhā he ʼu fakatuʼutuʼu ki te fai faka mafola.
20 mn: “Tou Uga Te Tuputupu ʼAki Te ʼu ʼAʼahi ʼe ʼAoga.” Fai palalau mo nātou ʼi te fono ʼo fai ʼaki he ʼu fehuʼi pea mo he ʼu tali. Fai he faʼifaʼitaki ʼo he ʼaʼahi ʼe fakatafito ki te manatu ʼi te palakalafe 3. Fakamahino te maʼuhiga ʼo te fakasiosio tonu kae ʼaua naʼa vakaʼi fuli te alatike lolotoga te ʼaʼahi, pea mo fakahāhā te maʼuhiga ʼo te fakatafito ʼo te fia logo ʼi te ʼaʼahi ka hoa mai.
15 mn: “ ʼE Lelei Te Fakamatala ʼo Te Meʼa Neʼe Foaki Mai e Sehova!” Fai palalau ʼo fai ʼaki he ʼu fehuʼi pea mo he ʼu tali ʼo te palakalafe 1 ki te 11 ʼo te pepa ʼe ʼalutahi mo te minisitelio. Ko he ʼu tēhina e lua neʼe teuteu lelei ʼe nā fakahāhā tana polokalama takitokotahi peʼe faka famili ʼo ʼuhiga mo te lau ʼo te tohi. Fehuʼi age kia nāua pe koteā te manatu neʼe nā leleiʼia ʼi tana lau te tohi.
Katiko 122 pea mo te faikole fakaʼosi.
Vāhaʼa ʼe Kamata ʼi te 21 Fepualio
Katiko 198
10 mn: Ko te ʼu logo ki te kokelekasio. Te ʼu Logo Faka Teokalatike.
20 mn: “Ke Tou Kalagaʼi Te ʼUluaki Fakatupu ʼa Sehova!” Alatike ʼe fai ʼaki he ʼu fehuʼi pea mo he ʼu tali. ʼO fai fakafiafia mo fakaloto māfana e he tagata ʼāfea, ʼo ina fakaloto mālohiʼi ia tatou fuli ke tou fai he lisi ʼo te hahaʼi ʼaē ʼe tou fakaafe mai anai ki te Memoliale pea mo te ʼu fono. Fakahāhā te ʼu puani ʼo te palakalafe 7. Ko he tahi ʼe fai faka mafola ʼe fakaōvi ki he tahi ʼe hū ki te Fale ʼo te Puleʼaga pea ʼe siosio haʼele. ʼE ʼiloʼi e ia ʼaē ʼe fai faka mafola neʼe fakaloto mālohiʼi te tagata ʼaia e tona kāiga. ʼO ina fakaafe ia te tagata ʼaia ke nā heheka fakatahi mo tona famili ke feala ai hanā vakaʼi fakatahi te Tohi-Tapu pea mo hiva te katiko. ʼO ʼui age e ia ʼaē ʼe fai faka mafola ʼe feala ke ina tali ki hana ʼu fehuʼi ʼi te hili ʼo te fono. Fakaʼosi ʼaki te fakahā ki te kokelekasio te temi ʼaē ʼe fai ai te Memoliale.
15 mn: Ko Te Tohi-Tapu—Ko Te Matapuna Lelei Moʼo Fakaloto mālohiʼi ʼo Tatou. Te tohi Comment raisonner, ʼi te ʼu pasina 119 ki te 122. Akonaki ʼe fai e he tagata ʼāfea. Tokolahi ia tatou pea mo tuʼa atu ʼo te kokelekasio ʼe ʼaoga ke fakaloto mālohiʼi. Fakahā peʼe feafeaʼi te fakaʼaogaʼi e te kau fai faka mafola fuli te Folafola ʼa Sehova moʼo fakaloto mālohiʼi ʼo niʼihi.
Katiko 208 pea mo te faikole fakaʼosi.
Vāhaʼa ʼe Kamata ʼi te 28 Fepualio
Katiko 219
5 mn: Ko te ʼu logo ki te kokelekasio. Fakahā peʼe feafeaʼi te fakaʼaogaʼi ʼo te tohi ʼaē ʼe tufa anai ʼi te telituale ʼi malesio.
15 mn: “ ʼE Lelei Te Fakamatala ʼo Te Meʼa Neʼe Foaki Mai e Sehova!” ʼO fai ʼaki he ʼu fehuʼi pea mo he ʼu tali ʼo te ʼu palakalafe 12 ki te 20 ʼo te pepa ʼe ʼalutahi mo te minisitelio. Fai he ʼu fakamatala e lua neʼe teuteu lelei e he ʼu kau faka mafola neʼe nā maʼu he fua lelei ʼi tanā lau te tohi.
15 mn: “Ke Koutou Lagolago Katoa Ki Te Fono Ki Te Hahaʼi Fuli ʼo Tokotou Kokelekasio.” Akonaki, ʼo fai mo he fehuʼi e tahi peʼe lua kia nātou ʼaē ʼi te fono. Fakamatala peʼe feafeaʼi te tali lelei ʼo te hahaʼi ʼaē ʼe fia fai ki te moʼoni ʼi tanatou ʼuluaki ʼōmai ki te Fono ki te hahaʼi. Ko he tahi ʼe fai faka mafola ʼe ina teuteu he fakamatala ʼo fakahā pe neʼe feafeaʼi tana maʼu he fua lelei ʼi tana kau tuʼumaʼu ki te Fono ki te hahaʼi.
10 mn: “Tou Tokakaga Ki Te Manavaʼofa ʼAē ʼe Mole Totonu.” Ko he akonaki.
Katiko 197 pea mo te faikole fakaʼosi.