Ko Te ʼu Fono Gāue ʼo Sepetepeli
Vāhaʼa ʼe kamata ʼi te 4 Sepetepeli
Katiko 224
10 min: Ko te ʼu logo ʼo te kokelekasio pea mo te ʼu Tonu neʼe toʼo mai Te Minisitelio ʼo Te Puleʼaga.
20 min: “ ʼE Fakatatagi e Te Fakatahi Faka Tisitilike Te Pāui Faka Malave Loto!—Tou Vikiviki Fakafiafia Kia Sehova ʼi Te ʼAho Fuli!” ʼE fai ʼaki te ʼu fehuʼi pea mo te ʼu tali.
15 min: “Tou Tokoni Ki Niʼihi Ke Nātou Maʼu He ʼu Fua Lelei.” Toe vakaʼi te ʼu faʼifaʼitaki ʼaē ʼe tuʼu ʼi te alatike, pea fai he ʼu faʼifaʼitaki fakanounou e lua.
Katiko 204 pea mo te faikole fakaʼosi.
Vāhaʼa ʼe kamata ʼi te 11 Sepetepeli
Katiko 155
10 min: Ko te ʼu logo ʼo te kokelekasio. Lau te falā ʼo te kokelekasio.
17 min: “Tou Taupau He Manatu Fakapotopoto ʼo ʼUhiga Mo Te Fakaʼaogaʼi ʼo Te Olotinatea.” Ko te pepa ʼe ʼalutahi mo te minisitelio. ʼE fai ʼaki te ʼu fehuʼi pea mo te ʼu tali. Lau te ʼu palakalafe tāfito, ohage la ko te palakalafe 4 ki te 8 pea mo te 12 ki te 13, ʼo mulimuli pe ki te fealagia ʼo te temi.
18 min: “Koteā Te Fakatuʼutuʼu ʼe Koutou Fai Maʼa Takotou Fānau?” ʼE fai ʼaki te ʼu fehuʼi pea mo te ʼu tali. Fakafehuʼi he tūpulaga e tahi peʼe lua ʼe nā tuku he faʼifaʼitaki lelei peʼe ko ni ʼihi kua lalahi, neʼe tauhi kia Sehova talu tonatou temi tūpulaga ke nātou fakamatala fakanounou pe neʼe feafeaʼi te tokoniʼi ʼo nātou e tanatou ʼu mātuʼa ke nātou fili he ʼu fakatuʼutuʼu ʼe tau ʼo nātou fakamuʼamuʼa te ʼu meʼa ʼo te Puleʼaga.
Katiko 146 pea mo te faikole fakaʼosi.
Vāhaʼa ʼe kamata ʼi te 18 Sepetepeli
Katiko 105
10 min: Ko te ʼu logo ʼo te kokelekasio.
15 min: “Tou Fakaʼaogaʼi Fakalelei Tatatou ʼu Nusipepa.” Ko he akonaki fakaloto mālohi ʼe fai e te tagata taupau ki te gāue, ʼo fakatafito ki te palakalafe 1 ʼo aʼu ki te 13 ʼo te pepa ʼe ʼalutahi mo te minisitelio.
20 min: “Tou ʼAʼahi Te Hahaʼi Fuli ʼAē Neʼe Fia Logo Ke Nātou Maʼu He ʼu Fua Lelei.” Toe vakaʼi te ʼu fakahāhā ʼe tuʼu ʼi te alatike ʼo ʼuhiga mo te fai ʼo te ʼu ʼaʼahi. Ko te tēhina ʼaē ʼe talanoa ki te alatike ʼaia ʼe fai palalau anai mo te kau fai faka mafola e toko lua peʼe toko tolu ʼo ʼuhiga mo te meʼa ʼe tuʼu ʼi ai pea ina fehuʼi age kia nātou ke nātou fakahāhā tanatou ʼu faʼifaʼitaki.
Katiko 92 pea mo te faikole fakaʼosi.
Vāhaʼa ʼe kamata ʼi te 25 Sepetepeli
Katiko 26
5 min: Ko te ʼu logo ʼo te kokelekasio.
15 min: “Tou Fai Ia Meʼa Fuli Moʼo Faka Kolōliaʼi ʼo Te ʼAtua.” Akonaki ʼe fai e he tagata ʼāfea pea mo fai palalau mo nātou ʼi te fono. Kapau ʼe faka fealagia e te temi, pea toe fai he ʼu fakamatala ʼe fakatafito ki Te Tule Leʼo ʼo te 15 ʼo ʼAukusito 1992, ʼi te ʼu pasina 15 ki te 20.
10 min: “He Koʼe Koa ʼe ʼAoga—Ke Sivi Tatou e Sehova?” Akonaki fakaloto mālohi ʼe fai e he tagata ʼāfea.
15 min: “Tou Fakaʼaogaʼi Fakalelei Tatatou ʼu Nusipepa.” Fai palalau mo nātou ʼaē ʼi te fono ki te palakalafe 14 ki te 17 ʼo te pepa ʼe ʼalutahi mo te minisitelio. Fakaʼiloga lelei te faiga makehe moʼo tufa ʼo Te Tule Leʼo pea mo te Réveillez-vous! ʼi ʼOketopeli. ʼUhi ko te tā ʼo te ʼu nusipepa ʼi te ʼu lea kehekehe, ʼe tonu ke tou palalau ki te hahaʼi ʼo tufa kia nātou te ʼu nusipepa ʼi tanatou lea. (Ko te kokelekasio ʼo te telituale ʼaē ʼe lea kehe ʼe tonu ke fakahā kiai.) ʼI te telituale ʼaē ʼe lahi tona gāueʼi, ko te tufa ʼo tatatou ʼu nusipepa e lagi ko te puleʼaki pe ʼaia ʼe lahi age tona fua lelei moʼo fakatuputupu ʼo te fia logo, koteʼuhi ʼe nātou foaki he talanoa foʼou ʼo te ʼu logo ʼo te vāhaʼa. Tou fai he ʼu apone. Fai he faʼifaʼitaki faka famili, ohage ko tona tuʼu ʼi te palakalafe 14. Fakahā foki mo he ʼu manatu ʼe ʼaoga moʼo fakatuputupu ʼo te tufa ʼo tatatou ʼu nusipepa.
Katiko 151 pea mo te faikole fakaʼosi.