Te ʼu Tonu

◼ Te ʼu tohi ʼaē ʼe tufa ʼi Tesepeli pea mo Sanualio: Ko te kaupepa Te Kau Fakamoʼoni ʼa Sehova—⁠Logo Tahi Moʼo Fai ʼo Te Finegalo ʼo Te ʼAtua ʼi Te Malamanei peʼe ko he kaupepa ʼi te ʼu kaupepa ʼe pasina 32 ʼi te lea fakaʼuvea ki te 50. Fepualio: Ko te tohi Te tagata ʼaē ʼe lahi tokotahi ʼo te ʼu temi fuli ki te 400. Malesio: Ko te tohi Te ʼAtamai Mālama ʼAē ʼe Ina Taki Ki Te Maʼuli Heʼegata. FAKATOKAGA: Ko te ʼu kokelekasio ʼaē ʼe mole heʼeki nātou maʼu te ʼu tohi ʼaē ʼe tuʼu ʼi ʼoluga, ʼe tonu ke nātou fakaʼui te ʼu tohi ʼaia ʼi tanatou Pepa Fakaʼui Tohi (S-14) ʼo te māhina ka hoa mai.

◼ ʼE tonu ke kamata fakaʼui e te ʼu kokelekasio te ʼu volumes reliés ʼo Te Tule Leʼo pea mo te Réveillez-vous! ʼo te taʼu 1995 ʼi te pepa fakaʼui tohi ʼo Tesepeli. (Vakaʼi te Liste des publications, ʼi te ʼu palakalafe 10, 21 ki te 23.) Ko te ʼu volumes reliés ʼo te Te Tule Leʼo ʼe maʼu anai ʼi te lea Fakapilitānia, Fakafalani, pea ko te ʼuluaki maʼu leva ʼaenī ʼi te lea faka Pisilama pea mo te lea Fakaʼuvea. Tahi ʼaē meʼa, ʼe maʼu anai te ʼu volumes reliés ʼo Te Tule Leʼo ʼo te taʼu 1994 ʼi te lea faka Pisilama pea mo te lea Fakaʼuvea, pea ʼe tonu ke fakamomoli fakavilivili e te kokelekasio tana pepa fakaʼui tohi ki te Sosiete. ʼO aʼu ki tatatou maʼu te ʼu volumes reliés ʼaia pea mo tona fakamomoli mai, ʼe tohi anai “fakatalitali” ʼi te ʼu lisi ʼo te kokelekasio. Ko te ʼu volumes reliés ʼe ko te ʼu tohi ʼe tonu ke fakaʼui.

◼ Ko te tagata taupau pelesita peʼe ko he tahi neʼe ina hinoʼi ʼe tonu ke ina lau te falā ʼo te kokelekasio ʼi te ʼaho 1 ʼo Tesepeli peʼe fai fakavilivili ʼi te hili pe ʼo te ʼaho ʼaia. ʼE ʼaoga ke fakahā ki te kokelekasio mokā ʼosi fai te faʼahi ʼaia.

◼ ʼO kamata ʼi Sanualio 1996, ko te kaupepa lahi ʼaē ko Te Kau Fakamoʼoni ʼa Sehova—⁠Logo Tahi Moʼo Fai ʼo Te Finegalo ʼo Te ʼAtua ʼi Te Malamanei, ʼe fai anai ʼi te ako tohi ʼo te kokelekasio. ʼO kamata ʼi te ʼaho 29 ʼo ʼApelili 1996, ʼe ako anai te tohi ʼaē ko Te ʼAtamai Mālama ʼAē ʼe Ina Taki Ki Te Maʼuli Heʼegata.