Ko Te ʼu Fono Gāue ʼo ʼOketopeli
Vāhaʼa ʼe Kamata ʼi Te 7 ʼOketopeli
Katiko 47
10 min: Ko te ʼu logo ʼo te kokelekasio. Te ʼu Tonu ʼo Te Minisitelio ʼo Te Puleʼaga. Talanoa ki te tānaki gāue ʼo te telituale pea mo te gāue ʼa te kokelekasio ʼi te māhina ʼo Sūlio.
15 min: Te Tali Ki ʼAkotou ʼu Fehuʼi. Ko te tagata taupau ki te gāue peʼe ko he tahi age tagata ʼāfea ʼe palalau anai mo nātou ʼaē ʼe ʼi te fono ki te alatike ʼaia.
20 min: “Koutou Teuteuʼi Te Fakahāhā ʼo Takotou ʼu Nusipepa.” (Palakalafe 1 ki te 7) Fai he ʼu fehuʼi ʼi te palakalafe 1 ki te 4, pea mo fai he ʼu faʼifaʼitaki nounou e lua peʼe tolu ʼe fakahā ai peʼe feafeaʼi te fakahā ʼo te ʼu nusipepa foʼou, ʼo fakaʼaogaʼi te ʼu tokoni ʼo te palakalafe 5 ki te 7. Fai he ʼu fakamatala ʼo fakatafito ki Te Tule Leʼo (fakafalani) ʼo te ʼaho 1 ʼo Malesio 1987, pasina 17, ʼi te palakalafe 8 ki te 9.
Katiko 222 pea mo te faikole fakaʼosi.
Vāhaʼa ʼe Kamata ʼi Te 14 ʼOketopeli
Katiko 166
10 min: Ko te ʼu logo ʼo te kokelekasio. Lau te falā.
15 min: “Neʼe Fakahā Te Logo Lelei ʼo Te ʼu Meʼa ʼe Lelei Age.” ʼO fai ʼaki he ʼu fehuʼi pea mo he ʼu tali. Fakahā he ʼu alatike maʼuhiga ʼo Te Tule Leʼo.—Vakaʼi Te Tule Leʼo (fakafalani) ʼo te ʼaho 1 ʼo Malesio 1987, pasina 13.
20 min: “Koutou Teuteuʼi Te Fakahāhā ʼo Takotou ʼu Nusipepa.” (Palakalafe 8 ki te 11) ʼO fai ʼaki he ʼu fehuʼi pea mo he ʼu tali. Talanoa ki te ʼu tokoni ʼaē e fā ʼo Te Tule Leʼo, ʼo te ʼaho 1 ʼo Sanualio 1994, pasina 24 ki te 25, palakalafe 18 ki te 21. Fakaʼaogaʼi te ʼu alatike ʼo te nusipepa ʼo ʼOketopeli, ʼo fakahā ai peʼe feafeaʼi te teuteuʼi ʼo he faʼifaʼitaki: (1) Koutou fili he alatike ʼe ina uga anai te fia logo ʼa te hahaʼi ʼi tokotou telituale, (2) koutou kumi he puani ʼe ʼaoga ke koutou fakahā, (3) koutou fakakaukauʼi he fehuʼi ʼe feala ke fakaʼaogaʼi moʼo fakatokagaʼi ʼo he tahi ki te faʼahi ʼaia, (4) koutou fakahā age he vaega ke lau mo kapau ʼe maʼu he faigamālie, pea (5) koutou teuteuʼi takotou ʼu ʼuluaki palalau pea mo te meʼa ʼaē ka koutou talanoa anai kiai ʼi te nusipepa, ke feala ai hakotou fakaloto mālohiʼi ia ia ʼaē ʼe palalau mo koutou ke ina tali te apone. Ko he ʼu kaugā fai faka mafola e toko lua peʼe toko tolu ʼe feala ke nātou fai he ʼu faʼifaʼitaki. ʼE kau anai he tūpulaga kiai ʼo ina fai he faʼifaʼitaki ʼe faigafua.
Katiko 204 pea mo te faikole fakaʼosi.
Vāhaʼa ʼe Kamata ʼi Te 21 ʼOketopeli
Katiko 181
15 min: Ko te ʼu logo ʼo te kokelekasio. Fakamahino peʼe feafeaʼi te kamata ʼo te ʼave tuʼumaʼu ʼo te ʼu nusipepa ki te hahaʼi: (1) Koutou tohi te higoa ʼo nātou fuli ʼaē neʼe nātou toʼo te ʼu nusipepa pea mo te alatike ʼaē neʼe koutou fakahā, (2) koutou fakatuʼutuʼu ke koutou toe liliu ʼo ʼave te ʼu nusipepa foʼou, pea (3) koutou tuku kehe he temi ʼi takotou polokalama gāue fai faka mafola ʼi te vāhaʼa moʼo fai ʼo te ʼu ʼaʼahi ʼaia. ʼE feala foki ke koutou fai he apone. Koutou manatuʼi ʼo tohi te ʼu nusipepa fuli ʼaē neʼe koutou tuku ke koutou toe ʼaʼahi ia nātou.
15 min: “Koutou Gāue Fakaleleiʼi Tokotou Telituale.” Faka ʼalutahi te alatike mo te ʼu meʼa ʼaē ʼe ʼaoga ki te kokelekasio. Fakaloto mālohiʼi ia nātou ʼaē ʼe ʼi te fono ke nātou gāue fakaleleiʼi te ʼu telituale, ke nātou tohi ʼi te pepa nota ʼo te ʼu ʼapi, ia nātou ʼaē neʼe mole nātou maʼu atu, ke nātou toe liliu fakavilivili ʼo fai te ʼu ʼapi ʼaia, pea kapau ʼe mole feala te faʼahi ʼaia, ʼe tonu ke nātou foaki te pepa ʼaia ki te tēhina ʼaē neʼe ina foaki age te telituale, ke ina foaki ki he tahi ke toe liliu ʼo fai te ʼu ʼapi ʼaia. Ko te gāue fakaleleiʼi ʼo te ʼu telituale ʼe toe kau foki kiai mo te fai fakavilivili ʼo te ʼu ʼaʼahi.
15 min: Ko te ʼu logo ʼe ʼaoga ki te kokelekasio. Peʼe ko he akonaki ʼe fai e he tagata ʼāfea ʼo fakatafito ki Te Tule Leʼo ʼo te ʼaho 1 ʼo Maio 1996, pasina 21 ki te 24, ko tona kupu tāfito “Koutou Taupau Mālohi Takotou Falala ʼo Aʼu Ki Te Fakaʼosi.”
Katiko 26 pea mo te faikole fakaʼosi.
Vāhaʼa ʼe Kamata ʼi Te 28 ʼOketopeli
Katiko 27
10 min: Ko te ʼu logo ʼo te kokelekasio. ʼI te kua ōvi mai ʼo te ʼu ʼaho mālōlō ʼi Novepeli pea mo Tesepeli, ʼo te hahaʼi gāue pea mo te ʼu faleako, ʼe fakaloto mālohiʼi te ʼu kaugā fai faka mafola fuli ke nātou fakakaukauʼi te fealagia ʼaē ko te kau ki te pionie vaeluaʼi temi. Fakaloto mālohiʼi ia nātou fuli ʼo te fono ke nātou kau ki te gāue fai faka mafola ʼi te fakaʼosi vāhaʼa ʼaenī.
20 min: “E Feafeaʼi Hatatou Totogi Te Temi Faigamālie.” ʼO fai ʼaki he ʼu fehuʼi pea mo he ʼu tali. Fai he ʼu fakamatala ʼe fakatafito ki Te Tule Leʼo (fakafalani) ʼo te ʼaho 1 ʼo Tesepeli 1989, pasina 16 ki te 17, palakalafe 7 ki te 11.
15 min: Vakaʼi Te Tufa ʼo Novepeli. ʼE tufa anai te tohi Te ʼAtamai Mālama, pea ʼe fai anai he faiga makehe moʼo ʼaʼahi ʼo nātou fuli ʼaē neʼe nātou toʼo te tohi, ʼaki te fakatuʼutuʼu ʼaē ke kamata hanatou ʼu ako Tohi-Tapu. Ko he ʼu kaugā fai faka mafola e toko lua peʼe toko tolu ʼe nātou talanoa anai ki te maʼuhiga ʼo te tohi pea ʼe feafeaʼi anai tona fakaʼaogaʼi. Ko te ʼu puani ʼaē ʼe maʼu ʼi te tohi ʼaia, ʼe ʼaoga ki te maʼuli ʼo te hahaʼi fuli. ʼE maʼu ai te ʼu talanoa faka Tohi-Tapu, pea mo te ʼu lekula ʼe ʼaoga ke mahino kiai te kau ako Tohi-Tapu foʼou ʼi muʼa ʼo tanatou papitema. Kapau ʼe tou faiga ke tuputupu māmālie te ako pea mo mālohi, pea ʼe tuputupu fakavilivili anai ia. Fai he fai palalau pea mo he faʼifaʼitaki ʼe fakahā ai peʼe kamata feafeaʼi he ako ʼaki te fakaʼaogaʼi ʼo te manatu ʼaenī: Tou vakaʼi te paki pea mo te talanoa ʼo te pasina 4 ki te 5; tou fakamahino peʼe feafeaʼi te fai ʼo te ako; tou fai fakanounou te ʼu ʼuluaki palakalafe e nima ʼo te kapite 1; tou fai he fakatuʼutuʼu ke tou toe liliu ʼo hoko atu te fai palalau, mo tali ki te fehuʼi ʼaenī, Ko te maʼuli heʼegata ʼe ko he moemisi koa ia? Faka maʼuhigaʼi te fiafia ʼaē ʼe tou maʼu anai ʼaki te pilivilesio ʼaē ko te fai ʼo he ako Tohi-Tapu.
Katiko 129 pea mo te faikole fakaʼosi.