Ko Te ʼu Fono Gāue ʼo Sūnio
Vāhaʼa ʼo Te ʼAho 1 ʼo Sūnio
Katiko 2
8 min: Te ʼu logo ʼo te kokelekasio. Te ʼu Tonu ʼo Te Minisitelio ʼo Te Puleʼaga. Te ʼu Logo Faka Teokalatike.
15 min: “ ʼE Tou ‘Maʼu Katoa Te ʼu Meʼa ʼAē ʼe ʼAoga Ki Te Gāue Lelei Fuli Pe.’ ” ʼO fai ʼaki he ʼu fehuʼi pea mo he ʼu tali. Koutou talanoa fakanounou ki Te Tule Leʼo Fakafalani ʼo te ʼaho 15 ʼo Fepualio 1989, ʼi te pasina 22 ki te 24.
22 min: “ ʼE Tou Fai Faka Mafola Ki ‘Te Faʼahiga Tagata Fuli Pe.’ ” Ko te tagata ʼāfea pea mo he ʼu kaugā fai faka mafola faiva ʼe nātou vakaʼi te ʼu faʼifaʼitaki ʼaē ʼe tuku mai. Koutou fakamanatu fakanounou te ʼu faʼahiga lotu ʼaē ʼe kau kiai te hahaʼi ʼo te telituale, pea koutou fakamahino pe koʼe ʼe tonu ke tou teuteuʼi te meʼa ʼaē ka tou fakahā moʼo kamata tatatou ʼu fai palalau mo te hahaʼi. Koutou fai he faʼifaʼitaki nounou pea mo he ʼaʼahi ʼe iku ki he ako Tohi-Tapu.
Katiko 48 pea mo te faikole fakaʼosi.
Vāhaʼa ʼo Te ʼAho 8 ʼo Sūnio
Katiko 38
10 min: Te ʼu logo ʼo te kokelekasio. Lau ʼo te falā.
15 min: “Tou Tokaga Ki Te ʼu Koloā ʼo Te Tagata Pule.” Ko te akonaki ʼe fai e he tagata ʼāfea, ʼo ina vakaʼi katoa te pepa ʼe ʼalutahi mo Te Minisitelio.
20 min: “ ʼE Maʼua Ke Tou Kau Fuli Ki Te Gāue.” ʼO fai ʼaki he ʼu fehuʼi pea mo he ʼu tali. Koutou fakamahino pe koʼe ʼe maʼuhiga ki te kau tagata ʼāfea ke tokoni age ʼihi ʼo te kokelekasio moʼo fakahoko te ʼu gāue ʼaē ʼe maʼua ke fai. Koutou vakaʼi te ʼu meʼa ʼaē ʼe ʼaoga ki te kokelekasio, ohage ko te fakamaʼa ʼo te fale fono, mo te tokoni ʼaē ʼe tonu ke fai kia nātou ʼe mahahaki pea mo matutuʼa, pea mo te gāueʼi ʼo te telituale. Koutou fakaafe te kau tagata ʼāfea ke nātou fakahā tanatou loto fakafetaʼi ki te tokoni fakamalotoloto ʼaē ʼe fai age e ʼihi ʼo te kokelekasio. Koutou faka maʼuhigaʼi ʼe ʼaoga ke tou tokoni fuli.
Katiko 72 pea mo te faikole fakaʼosi.
Vāhaʼa ʼo Te ʼAho 15 ʼo Sūnio
Katiko 10
10 min: Te ʼu logo ʼo te kokelekasio.
20 min: “Koutou Faiga Mālohi.” Ko te akonaki ʼe fakatafito ki Te Tule Leʼo Fakafalani ʼo te ʼaho 15 ʼo Sanualio 1986, ʼi te pasina 10 ki te 14. Koutou fakahā te maʼuhiga ʼo te selevisi pionie katoa, ʼo koutou fakaloto mālohiʼi te kau fai faka mafola ke nātou toʼo ʼi te ʼaho 1 ʼo Sepetepeli.
15 min: “Tou Fai Faka Mafola ʼAki Tatatou Aga ʼAē ʼe Lelei.” ʼO fai ʼaki he ʼu fehuʼi pea mo he ʼu tali. Koutou fakafehuʼi he ʼu tūpulaga ʼe ko he ʼu faʼifaʼitaki lelei. ʼE nātou fakamatala pe neʼe lave feafeaʼi tanatou aga faka Kilisitiano ki ʼihi. Koutou talanoa ki te fakamatala e tahi peʼe lua ʼe maʼu ʼi Te Tule Leʼo ʼo te ʼaho 1 ʼo Sanualio 1995, ʼi te pasina 24 ki te 25.
Katiko 107 pea mo te faikole fakaʼosi.
Vāhaʼa ʼo Te ʼAho 22 ʼo Sūnio
Katiko 51
10 min: Te ʼu logo ʼo te kokelekasio. Koutou fakahā pe neʼe vakaʼi ʼanafea te falā ʼo te kokelekasio.
15 min: E Feafeaʼi Hatatou Kamata ʼAve Putuputu ʼo Te ʼu Nusipepa Ki Te Hahaʼi. Fakahā te ʼu faʼahi ʼaē ʼe maʼua ke fai: ke kita tohi te ʼu meʼa fuli ʼaē neʼe kita tuku, pea ke kita ʼaʼahi ʼi muʼa ʼo te fakalaka ʼo vāhaʼa e lua, pea ke kita fakahā he ʼu manatu ʼe toʼo mai te ʼu nusipepa foʼou moʼo taupau te fia logo ʼa te hahaʼi. Fakaloto mālohiʼi ia nātou ʼaē ʼi te fono ke nātou fai te faʼahi ʼaia ki tonatou ʼu vāhaʼa fale, mo tonatou ʼu kaugā ako, mo te hahaʼi ʼaē ʼe gāue ʼi te ʼu fale koloā pea mo te ʼu ʼutuʼaga penisini. Fakaafe he ʼu kaugā fai faka mafola e toko lua ke nā fakamatala he ʼu meʼa lelei neʼe hoko ʼaki tanā ʼave putuputu ʼo te ʼu nusipepa ki he tahi.
20 min: ʼE Tokoni Te Kau Pionie Ki ʼIhi. Ko te akonaki ʼe fai e te tēhina taupau ki te gāue, ʼo ina vakaʼi te ʼu fakatuʼutuʼu ʼaē ʼe feala ke fai ke tokoni te kau pionie ki ʼihi. Koutou fakamahino pe neʼe fai feafeaʼi he ʼu polokalama ʼi te temi muʼa moʼo tokoni ki ʼihi. (jv 100; km 10/79 1, 3) Ko te toko miliona tupu hahaʼi neʼe papitema ʼi te ʼu taʼu ʼaenī e tolu kua hili, pea ʼe ʼaoga ke tou tokoni kia nātou. Ko te polokalama “ ʼE Tokoni Te Kau Pionie Ki ʼIhi” ʼe ina fakaʼaogaʼi te poto pea mo te faiva ʼa te kau pionie katoa pea mo te kau pionie makehe ʼaē neʼe nātou kau ki te Ako ʼo Te Kau Pionie. Ko te fakatuʼutuʼu ʼo te polokalama ʼaia, ke tokoni te ʼu pionie takitokotahi ki he toko lua ʼi te taʼu fuli, ke nātou poto age ʼi te minisitelio pea ke lahi age mo tanatou gāue faka mafola. ʼE mole tonu ke tuʼania ia nātou ʼaē ka fai age ki ai te tokoni ʼaia; ʼe tou faiga anai ke fakaloto mālohiʼi nātou ʼaki te ʼofa pea mo he agalelei. Ko te polokalama foʼou ʼaia ʼe ina faka fealagia ki te toko lauʼi teau afe kau fai faka mafola ke nātou liliu ko he ʼu minisi faiva.
Katiko 207 pea mo te faikole fakaʼosi.
Vāhaʼa ʼo Te ʼAho 29 ʼo Sūnio
Katiko 114
10 min: Te ʼu logo ʼo te kokelekasio. Koutou fakamanatuʼi age kia nātou ʼaē ʼi te fono ke nātou foaki tanatou kiʼi pepa tānaki gāue ʼo te māhina ʼo Sūnio. Koutou talanoa ki te tufa ʼo Sūlio.
15 min: Te ʼu logo ʼe ʼaoga ki te kokelekasio peʼe ko te akonaki Kua Fakasiʼisiʼi Koa Taku Gāue? Ko te akonaki ʼe fai e te tagata ʼāfea ʼo fakatafito ki Te Tule Leʼo Fakafalani ʼo te ʼaho 15 ʼo Tesepeli 1987, ʼi te pasina 18 ki te 19, ʼi te palakalafe 14 ki te 16. Koutou fakaloto mālohiʼi ia nātou fuli ʼaē kua fualoa tanatou kau ki te minisitelio, ke nātou vakaʼi te lelei pea mo te lahi ʼo tanatou gāue taputapu.
20 min: ʼE Feala Kia Tatou Fuli Ke Tou Kau Ki Te Fagonogono Faigamālie. Ko te akonaki pea mo he fai palalau mo nātou ʼaē ʼi te fono ʼe fakatafito ki Te Tule Leʼo Fakafalani ʼo te ʼaho 15 ʼo ʼOketopeli 1987, ʼi te pasina 22 ki te 27. Koutou fakahā peʼe lava feafeaʼi kia nātou ʼaē ʼe nātou maʼumaʼua ʼuhi ko tanatou gāue, pe ko tonatou famili, peʼe ko ʼihi age ʼaluʼaga, ke nātou maʼu he ʼu faigamālie ʼi te ʼaho fuli ke nātou fakahā ai te logo lelei ki te hahaʼi. Koutou fakahā mo he ʼu faʼifaʼitaki neʼe hoko ʼi takotou telituale.
Katiko 79 pea mo te faikole fakaʼosi.