Polokalama ʼo Te Fono Gāue

Vāhaʼa ʼo te ʼaho 13 ʼo Maio

Katiko 37

12 min: Te ʼu logo ʼo te kokelekasio. Te ʼu Tonu. ʼAki te ʼu manatu ʼo te pasina 8, koutou fai he ʼu faʼifaʼitaki moʼo fakahā Te Tule Leʼo ʼo te ʼaho 15 ʼo Maio pea mo te Réveillez-vous ! ʼo te ʼaho 22 ʼo Maio. ʼI te ʼu faʼifaʼitaki ʼaia, koutou fakahā he ʼu tali kehekehe mokā ʼui atu e he tahi, “ ʼE ʼau maʼumaʼua.”—Vakaʼi te kaupepa Tokoni Ki Te ʼu Fai Palalau, pasina 14. Fakahā ʼe fakatuʼutuʼu te fai faka mafola ki te ʼaho mālōlō ʼo te ʼaho 20 ʼo Maio.

18 min: Kau Tūpulaga—Koutou Fakasiosio Lelei ʼo ʼUhiga Mo Takotou Ako. ʼE fai palalau te tagata ʼāfea mo he ʼu mātuʼa pea mo tanatou fānau, ʼo ʼuhiga mo te hoko atu ʼo tanatou ako. ʼE takitaki e te tagata ʼāfea te fai palalau ʼo fakatafito ki Te Tule Leʼo ʼo te ʼaho 1 ʼo Sepetepeli 1999, pasina 16-17, palakalafe 11-13, ʼo talanoa tāfito ki te ʼu tupuʼaga ʼaē ʼe tonu ai ke nātou fakamuʼamuʼa te minisitelio temi katoa. (Te Tule Leʼo ʼo te ʼaho 1 ʼo Tesepeli 1996, pasina 18-19, palakalafe 13-15) ʼOsi ʼaia pea nātou vakaʼi fakatahi te ʼu tokoni ʼo te Réveillez-vous ! ʼaho 8 ʼo Malesio 1998, pasina 20-21, ʼaē ʼe ina fakahā ai ʼe tonu ke nātou vakavakaʼi fakalelei te ʼu lelei pea mo te ʼu kovi ʼo te hoko atu ʼo te ako, pea mo fakafeauga ki te ʼu ako ʼaē ʼe ʼaoga tāfito, ke feala hanatou gāue mālohi ʼi te minisitelio. ʼE nātou tali fuli te tokoni ʼa Sesu, ke nātou fakamuʼamuʼa te ʼu gāue ʼo te Puleʼaga.—Mat. 6:33.

15 min: Ko he akonaki ʼe ʼaoga ki te kokelekasio.

Katiko 155 pea mo te faikole fakaʼosi.

Vāhaʼa ʼo te ʼaho 20 ʼo Maio

Katiko 13

15 min: Te ʼu logo. Lau ʼo te falā. Te Tali Ki ʼAkotou ʼu Fehuʼi.

15 min: Koteā Te ʼu Lelei ʼAē ʼe Koutou Maʼu ʼi Te Annuaire? Ko he fai palalau mo te kokelekasio. ʼUluaki koutou fakahā te ʼu manatu tāfito ʼo “Te Tohi Mai Te Kolesi Pule,” neʼe tā ʼi te Minisitelio ʼo Fepualio 2002, peʼe ʼi te tohi pasina 3-5. Pea koutou kole age ki te kokelekasio ke nātou fakamatala te ʼu tānaki ʼo te gāue pea mo te ʼu faʼifaʼitaki ʼaē ʼe tuʼu ʼi te Annuaire, ʼaē neʼe nātou fakaloto mālohi ki tanatou tui. Koutou fakaloto mālohiʼi te kokelekasio ke nātou lau katoa te Annuaire, pea mo fakaʼaogaʼi te tohi ʼaia moʼo fakamahino lelei ki te kau ako peʼe koteā te kautahi ʼa Sehova.

15 min: Ko Te Mahino Ki Te Pelesepeto ʼe Hā Ai Te Fakapotopoto. Ko he akonaki ʼe fai e he tagata ʼāfea, ʼo fakatafito ki Te Tule Leʼo ʼaho 15 ʼo ʼOketopeli 1997, pasina 28-30.

Katiko 201 pea mo te faikole fakaʼosi.

Vāhaʼa ʼo te ʼaho 27 ʼo Maio

Katiko 181

12 min: Te ʼu logo ʼo te kokelekasio. Fakamanatuʼi ke ʼaumai te ʼu kiʼi pepa tānaki gāue ʼo Maio. ʼAki te ʼu manatu ʼo te pasina 8, kole ki he tahi kua matumatuʼa ke ina fai he faʼifaʼitaki ʼaki Te Tule Leʼo ʼo te ʼaho 1 ʼo Sūnio, pea kole ki he tūpulaga ke ina fakahāhā te Réveillez-vous ! ʼo te ʼaho 8 ʼo Sūnio. ʼI te hili ʼo te ʼu faʼifaʼitaki, koutou fakahā neʼe faigafua tanatou fakaʼaogaʼi ia te ʼu vaega moʼo tufa te ʼu nusipepa.

15 min: “ ʼE Lahi Koa Te Telituale ʼo Tokotou Kokelekasio?” Ko he fai palalau mo te kokelekasio ʼe takitaki e te tagata taupau ki te gāue. (Ko te ʼu kokelekasio ʼaē ʼe veliveli tonatou telituale ʼe nātou lava vakaʼi te alatike “Koutou Fakaʼaogaʼi Fakalelei Tokotou Maʼuli,” ʼi Te Minisitelio ʼo Te Puleʼaga ʼo Sūnio 1999.) Koutou talanoa peʼe lahi feafeaʼi totatou telituale, pea neʼe gāueʼi tuʼa fia ʼi te taʼu ʼaenī kua ʼosi. Koutou fakamahino peʼe lava fakaʼaogaʼi feafeaʼi e te kokelekasio te ʼu tokoni ʼaē ʼe tuku mai. Vakaʼi te ʼu fakatuʼutuʼu ʼaē ʼe tonu ke fai moʼo gāueʼi te ʼu telituale ʼaē ʼe tahitahiga tona fai.

18 min: “ ʼE Koutou Fakaʼaogaʼi Koa Te Kaupepa Fakamaʼua Moʼo Kamata He ʼu Ako Tohi-Tapu?” (Koutou ʼaumai fuli ki te fai palalau, te pepa ʼaē ʼe ʼalutahi mo Te Minisitelio ʼo Te Puleʼaga ʼo Sanualio 2002.) Kamata ʼaki he tēhina peʼe ko he tuagaʼane neʼe teuteu lelei ke ina fakahāhā peʼe feafeaʼi te kamata ʼo he ako Tohi-Tapu, ʼo ina fakaʼaogaʼi te faʼifaʼitaki ʼo te palakalafe 3. ʼOsi ʼaia, koutou talanoa ki te ʼu puani tāfito ʼo te kaupepa, pea mo fakamahino neʼe fai lelei te kaupepa moʼo kamata he ʼu ako Tohi-Tapu. Koutou fakahā ʼe maʼuhiga ke tou vakaʼi te ʼu faʼifaʼitaki ʼo te pepa ʼaia ʼo te Minisitelio ʼo Sanualio 2002. Koutou fakalavelave ki te kokelekasio peʼe koteā te ʼu faʼifaʼitaki ʼaē neʼe nātou fakaʼaogaʼi, pea mo fua lelei. Koutou fakaʼosi ʼo toe talanoa ki te faʼifaʼitaki ʼaē neʼe fai ʼi te kamata.

Katiko 93 pea mo te faikole fakaʼosi.

Vāhaʼa ʼo te ʼaho 3 ʼo Sūnio

Katiko 19

15 min: Te ʼu logo ʼo te kokelekasio. Koutou kole age ki te kau fai faka mafola, ke nātou fakamatala te ʼu tapuakina ʼaē neʼe nātou maʼu ʼi tanatou pionie vaeluaʼi temi pea mo pionie katoa lolotoga te māhina ʼo Malesio, mo ʼApelili, pea mo Maio.

15 min: ʼE ʼaoga kia tatou te kaupepa Tokoni Ki Te ʼu Fai Palalau. Fai he ʼu ʼuluaki palalau nounou, pea hoko ʼaki he fai palalau mo te kokelekasio. Koutou fakamahino peʼe feafeaʼi hatatou fakaʼaogaʼi te ʼu Tohi-Tapu ʼaē ʼe maʼu ʼi totatou lea. Koutou talanoa ki te ʼu fakatokaga ʼaē ʼe tuʼu ʼi Te Tule Leʼo ʼo te ʼaho 1 ʼo ʼOketopeli 1997, pasina 16, palakalafe 2, pea mo te pasina 20, palakalafe 15. Koutou fakaʼaogaʼi ʼi te kaupepa ʼaia te ʼu puani ohage ko “Te Hōloga Faka Apositolika” pea mo “Te ʼu Fakatātā,” ʼo koutou kole age ki te kokelekasio ke nātou fakahā atu pe koʼe ʼe lelei te fakatatau ʼo te ʼu Tohi-Tapu moʼo ako te moʼoni. Fai he faʼifaʼitaki ʼo ʼuhiga mo te faʼahi ʼaia.

15 min: “Ko Tatatou Tui ʼe Ina Uga Tatou Ke Tou Fai He ʼu Gāue Lelei.”a Ka koutou fai palalau anai ki te palakalafe 2, koutou fakafehuʼi fakanounou he tēhina peʼe ko he tuagaʼane ʼe gāue mālohi. Koutou kole age ke ina fakahā atu pe neʼe tokoni feafeaʼi kia ia te fai fagonogono ke ina fakahā tana tui pea ke mālohi ai.

Katiko 29 pea mo te faikole fakaʼosi.

[Kiʼi nota]