Te ʼu ʼAta ʼi Te DVD

ʼI te DVD, ʼaē ko tona kupu tāfito Des alternatives à la transfusion ʼe fakahāhā ai te ʼu ʼata e tolu. Ko te ʼata ʼaē ko tona kupu tāfito Stratégies alternatives à la transfusion : simples, sûres, efficaces neʼe fai maʼa te ʼu tōketā pea mo te kau ako ʼi te faʼahi faka tōketā, pea ʼe fakahā tāfito ai ia te ʼu tafa ʼa te hahaʼi kae ʼe mole feiā leva ʼo ʼuhiga mo te ʼu foʼi ʼata ʼaē ʼe lua. Ko te ʼata ʼaē ko tona kupu tāfito Soigner sans transfusion — Besoins et droits du patient, neʼe fai tāfito maʼa te hahaʼi faitohi sulunale ʼaē ʼe nātou talanoa ki te ʼu faʼahi faka tōketā, mo te ʼu hahaʼi ʼaē ʼe tōkakaga ki te maʼuli lelei ʼa te hahaʼi, pea mo te ʼu tuʼi fakamāu. ʼE vakaʼi ai peʼe tonu ke tōkakaga feafeaʼi te kau tōketā ki te faitoʼo ʼo nātou ʼaē ʼe māhahaki, pea mo nātou tali te ʼu meʼa ʼaē ʼe loto kiai te hahaʼi māhahaki. Ko te ʼata ʼaē ko tona kupu tāfito Pas de sang : la médecine relève le défi, neʼe fai maʼa te hahaʼi fuli. ʼI te DVD ʼaia, ko te ʼu ʼata ʼe maʼu ʼi te lea Fakafalani, faka Italia, faka Lusia, Fakapilitānia, faka Potukalia (faka Pelesile), faka Saponia, faka Sepania pea mo te faka Siamani. Fakahā ia te ʼu polokalama ʼaia ki takotou tōketā, mo ʼakotou ako Tohi-Tapu, mo ʼokotou hoa pea mo ʼokotou kāiga ʼe mole lotu tahi mo koutou, mo te kau faiako, mo te kau kaugā gāue pea mo te kau kaugā ako.